Qaammatinut pingasunut pisassiissutit atuutsinneqalerput
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut februaarip 10-anni 2022-mi aalajangerput aqutsiveqarfimmi 47-mi; Upernavimmi, Uummannami aamma Qeqertarsuup Tunuani umiatsiaararsortut qaammatinut pingasunut qaleralittassinneqartalissasut.
Naalakkersuisut decembarimi aalajangerput qaammammut qaleralittassiissutigineqartartut atorunnaarsinneqassasut, aaqqissuussineq taamaattoq ukiuni kingullerni arlalinni pitsaanngitsumik ingerlanneqartarsimammat, pisassiissutigineqartartut nikerartinneqartarlutik, qaammammut pisassiissutigineqartut nungukkaangata aalisarneq unitseqqunagu. Tamanna allaffissornerujussuarmik kinguneqartarpoq, pisassiissutigineqartut ukioq naatinnagu nungunneqareertarlutik, ilaneqartariaqartarlutillu.
Taama aalajangiisimaneq aalisartut iluarinagu eqqasuutigisarsimavaat. Taamaattumik Aalisarnermut Piniarnermullu Naalakkersuisoq Aalisarneq pillugu Siunnersuisoqatigiit isummersortissimavai, isummersoqatigiinnerlu tunngavigalugu Naalakkersuisut qaammatinut pingasunut qaleralittassiisarnissamik atuutsitsilertitsiniarlutik ullormi aalajangiipput. Tamatuma qulakkiissavaa pisassiissutit ukioq kaajallallugu agguataarluarneqartalissasut, aalisartunut tunitsivinnut aamma ingerlatsinermut annerusumik pisariillisaalissalluni.
Aaqqissuussineq nutaaq pillugu Aalisarnermut Piniarnermullu Naalakkersuisoq, Aqqaluaq B. Egede ima oqarpoq: “Aalisartunit eqqasuutigineqartut naalaarsimavakka kissaatigisimavaralu aaqqiissutissatut tikkuagaat akuerineqassasoq, aaqqiissutigineqartussarlu qulakkeerneqarlunilu piviusunngortinneqassasoq. Taamaattumik Aalisarneq pillugu Siunnersuisoqatigiit isummersortissinnaasimagakkit nuannaarutigivara, qularutiginngilaralu pitsaasumik aaqqiissuteqarluta”.
Naalakkersuisut aamma aalajangerpaat qaammatinut pingasunut qaleralittassiissutigineqartut tamakkerlugit aalisarneqariarpata aalisarneq unitsinneqassasoq, ammaaqqittoqassallunilu qaammatinut pingasunut pisassiissutit atuutilersinneqarpata. Naalakkersuisullu aalajangiusimasartik tassaasoq 2022-mut qaleralittassiissutigineqartut ilaneqaqqissanngitsut.
Takussutissiaq 1:
Naalakkersuisut decembarimi aalajangerput qaammammut qaleralittassiissutigineqartartut atorunnaarsinneqassasut, aaqqissuussineq taamaattoq ukiuni kingullerni arlalinni pitsaanngitsumik ingerlanneqartarsimammat, pisassiissutigineqartartut nikerartinneqartarlutik, qaammammut pisassiissutigineqartut nungukkaangata aalisarneq unitseqqunagu. Tamanna allaffissornerujussuarmik kinguneqartarpoq, pisassiissutigineqartut ukioq naatinnagu nungunneqareertarlutik, ilaneqartariaqartarlutillu.
Taama aalajangiisimaneq aalisartut iluarinagu eqqasuutigisarsimavaat. Taamaattumik Aalisarnermut Piniarnermullu Naalakkersuisoq Aalisarneq pillugu Siunnersuisoqatigiit isummersortissimavai, isummersoqatigiinnerlu tunngavigalugu Naalakkersuisut qaammatinut pingasunut qaleralittassiisarnissamik atuutsitsilertitsiniarlutik ullormi aalajangiipput. Tamatuma qulakkiissavaa pisassiissutit ukioq kaajallallugu agguataarluarneqartalissasut, aalisartunut tunitsivinnut aamma ingerlatsinermut annerusumik pisariillisaalissalluni.
Aaqqissuussineq nutaaq pillugu Aalisarnermut Piniarnermullu Naalakkersuisoq, Aqqaluaq B. Egede ima oqarpoq: “Aalisartunit eqqasuutigineqartut naalaarsimavakka kissaatigisimavaralu aaqqiissutissatut tikkuagaat akuerineqassasoq, aaqqiissutigineqartussarlu qulakkeerneqarlunilu piviusunngortinneqassasoq. Taamaattumik Aalisarneq pillugu Siunnersuisoqatigiit isummersortissinnaasimagakkit nuannaarutigivara, qularutiginngilaralu pitsaasumik aaqqiissuteqarluta”.
Naalakkersuisut aamma aalajangerpaat qaammatinut pingasunut qaleralittassiissutigineqartut tamakkerlugit aalisarneqariarpata aalisarneq unitsinneqassasoq, ammaaqqittoqassallunilu qaammatinut pingasunut pisassiissutit atuutilersinneqarpata. Naalakkersuisullu aalajangiusimasartik tassaasoq 2022-mut qaleralittassiissutigineqartut ilaneqaqqissanngitsut.
Takussutissiaq 1:
Qeqertarsuup Tunua | Jan. Feb. Mar. | Apr. Maj Juni | Juli Aug. Sept. | Okt. Nov. Dec. | Katinneri |
2022 qaammatit pingasunut amerlassutsit (t) | 643,61 | 976,05 | 1.814,81 | 818,26 | 4.252,73 |
Uummannaq | Jan. Feb. Mar. | Apr. Maj Juni | Juli Aug. Sept. | Okt. Nov. Dec. | Katinneri |
2022 qaammatit pingasunut amerlassutsit (t) | 1.375,30 | 1.804,48 | 2.372,09 | 910,26 | 6.462,13 |
Upernavik | Jan. Feb. Mar. | Apr. Maj Juni | Juli Aug. Sept. | Okt. Nov. Dec. | Katinneri |
2022 qaammatit pingasunut amerlassutsit (t) | 1.168,78 | 1.163,41 | 2.114,42 | 711,46 | 5,158,08 |
Annerusumik paasisaqarusukkuit Aalisanermut Piniarnermullu Naalakkersuisoqarfimmut saaffiginnissaatit, uunga: APN@nanoq.gl