AtuartigukAngerlarsimaffeqannginneq pillugu oqallittarnermut suleqataaneq
Angerlarsimaffeqannginneq pillugu nuna tamakkerlugu oqallittarfik inersimasut tatineqarsimasut pillugit suliassaqarfiit akimorlugit ilisimasanik siammarterinermut suleqataavoq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Naalakkersuisut angerlarsimaffeqannginneq pillugu nuna tamakkerlugu oqallittarfiat inersimasut tatineqarsimasut pillugit suliassaqarfiit akimorlugit ilisimasanik siammarterinerup annertunerulerneranut suleqataavoq, aammalu suliassaqarfimmi qaangerniagassat pillugit Naalakkersuisunut oqallittarfimmilu ilaasortanut itinerusumik paasisaqarnissamut periarfissiilluni. Oqallittarfiup pilersinneqaqqaarneraniilli suliassaqarfimmi qaangerniagassat ilaat pillugit immikkut ukkataqartussanik suleqatigiisitanik aamma pilersitsisoqarpoq. Naalakkersuisut suliassaraat oqallittarfiup ilisimasaasa nuna tamakkerlugu iliuuseqarfiginissaannut, taakkulu angerlarsimaffeqanngitsut pillugit iliuusissamut takkukkumaartumut ilaapput.
Inuiaqatigiinni angerlarsimaffeqanngitsut innuttaasut suna ilisarnaatigaat? Qanoq ililluta innuttaasut angerlarsimaffeqannginnermiit pitsaanerpaamik ikiorneqartarnerat pitsanngorsarsinnaavarput? Angerlarsimaffeqanngitsuunermik eqqugaasimasut pinngitsoortinniarlugit nuna tamakkerlugu iliuusissat qanoq piorsarneqarsinnaappat, taamaasilluni siunissami angerlarsimaffeqanngitsut ikinnerulersillugit? Qulequttat tamakku Naalakkersuisut nuna tamakkerlugu angerlarsimaffeqanngitsut pillugit oqallittarfianni oqaluuserineqartarput, aammalu suliassaqarfimmi sulisut akisussaaffiit akimorlugit ilisimasanik sulianullu paarlaasseqatigiittarnermut tapertaalluni.
Naalakkersuisut angerlarsimaffeqanngitsut pillugit nuna tamakkerlugu oqallittarfimmik marloriarlutik 2021-mi ukiakkut ataatsimeeqateqarput. Ataatsimiinnermi kingullermi periuseq housing first oqaluuserineqarpoq, taannalu Naalakkersuisut angerlarsimaffeqanngitsut pillugit iliuusissatut pilersaarutissaannut pingaarnertut toqqammaviliisuussaaq. Ataatsimiinnerup tullia pissaaq martsimi 2022-mi, tassanilu inersimasut tarnimikkut eqqugaasut sammineqassapput, taamatullu suliaqartut innuttaasut inuunerisa ataatsimut isigalugu qanoq pitsaanerulersinneqarnissaannut sulisinnaanersut sammineqassalluni.
Isumaginninnermut, Sulisoqarnermut Nunamullu Namminermut Naalakkersuisoq, Mimi Karlsen: ”Nuna tamakkerlugu angerlarsimaffeqanngitsut pillugit oqallittarfimmik pilersitsisimagatta assut nuannaarpunga. Tassuunakkut Naalakkersuisut qaangerniagassaminnik sukumiinerujussuarmik paasisaqalissapput. Oqallittarfimmik ammasumik pilersitsinissarput anguniarsimavarput, tassani sulisut peqataasut politikki eqqarsaatiginagu ammasumik oqaloqataasinnaatillugit. Maannakkumut isumaqarpugut ingerlariarnissamut pitsaasumik toqqammavissinneqarsimalluta aammalu minnerunngitsumik suliassaqarfimmi ajornartorsiutit sukumiisumik paasisaqarfigalugit. Eqqummaariffigaarput ajornartorsiutit imaaliallaannaq qaangerneqarsinnaanngitsut. Isumaginnittoqarfimmi qaangerniagassat ima annertutigipput, allatut suleriartariaqarluta eqqarsartariaqarlutalu aaqqiissutissanik nutaanik nassaarniarluta. Oqallittarfiup tamannarpiaq tapertaaffigaa”.
Oqallittarfiup qaammatini pingasukkaartuni naapittarnera ilutigalugu suliassaqarfimmi sulisut eqimattani sammisaqarput inersimasut eqqugaasimasut pillugit suliassaqarfimmut atatillugu qulequttat ataasiakkaat oqaluuserineqartarlutik. Eqimattani sammisarfiusuni aalajangersimasumik aaqqiissutissanik Naalakkersuisut angerlarsimaffeqanngitsut pillugit iliuusissaannut atatillugu tapertaasartussanik.
”Eqimattat sammisaqartut nuna tamakkerlugu angerlarsimaffeqanngitsut pillugit oqallittarfimmut tapiliussaapput. Oqallittarfik mikinerusunut agguataarneranut ilaasortat periarfissinneqarput qulequttat ataasiakkaat pillugit sukumiinerusumik sammisaqarnissaannut, soorlu assersuutigalugu suliassaqarfiit pitarlugit suleqatigiinneq imaluunniit ineqarnermut tunngasut. Suliassaqarfiup sammisanut agguataarnissaa pisariaqalersimavoq suliassaqarfimmi qaangerniagassat aalajangersimasumik oqaluuserisinnaaniassagatsigit. Tassani aamma ilaasortat periarfissinneqarput aalajangersimalluinnartumik isumassarsiaminnut atatillugu itisilerinissaannut aammalu siunissami isumaginnittoqarfiup ilusilersorneqarneranut peqataanissamut”, oqarpoq Isumaginninnermut, Sulisoqarnermut Nunamullu Namminermut Naalakkersuisoq, Mimi Karlsen.
Angerlarsimaffeqanngitsut pillugit oqallittarfik kommunit aammalu angerlarsimaffeqanngitsut pillugit suliassaqarfimmi iliuuseqartut akornanni misilittakkanik paarlaasseqatigiittarnermut tapertaassaaq. Oqalittarfiup aamma siunertaraa Naalakkersuisut angerlarsimaffeqanngitsut pillugit apeqqutini tamani siunnersuisarnissamut ilitsersuisarnissamullu ikiuuttarnissaq.
Oqallittarfik inunnik toqqaannartumik imaluunniit allaffissornikkut angerlarsimaffeqanngitsunik suliaqartunik inuttaqarpoq. Oqallittarfik ima inuttalersugaavoq ilaasortat siammasissumik angerlarsimaffeqanngitsut pillugit nuna tamakkerlugu ajornartorsiutaasut pillugit ilisimasaqartuupput. Oqallittarfiup ilaasortai piginnaasaqarfigisaminnik ilisimasanik tapertaapput aammalu angerlarsimaffeqanngitsut pillugit pissutsinut oqallittarnermi immersuisuullutik. Oqallittarfik ilaatigut kommunenit, Kofoeds skolemit aamma Ilisimatusarfimmiit sinniisunit ilaasortaqarpoq.
Sukumiinerusumik paasissutissanik pissarsiniartoqaruni naalakkersuisup allattaa Naja Lynge Petersen e-mail: nlyp@nanoq.gl imaluunniit oqarasuaat +299 34 56 11 aqqutigalugu attavigineqarsinnaavoq.
Inuiaqatigiinni angerlarsimaffeqanngitsut innuttaasut suna ilisarnaatigaat? Qanoq ililluta innuttaasut angerlarsimaffeqannginnermiit pitsaanerpaamik ikiorneqartarnerat pitsanngorsarsinnaavarput? Angerlarsimaffeqanngitsuunermik eqqugaasimasut pinngitsoortinniarlugit nuna tamakkerlugu iliuusissat qanoq piorsarneqarsinnaappat, taamaasilluni siunissami angerlarsimaffeqanngitsut ikinnerulersillugit? Qulequttat tamakku Naalakkersuisut nuna tamakkerlugu angerlarsimaffeqanngitsut pillugit oqallittarfianni oqaluuserineqartarput, aammalu suliassaqarfimmi sulisut akisussaaffiit akimorlugit ilisimasanik sulianullu paarlaasseqatigiittarnermut tapertaalluni.
Naalakkersuisut angerlarsimaffeqanngitsut pillugit nuna tamakkerlugu oqallittarfimmik marloriarlutik 2021-mi ukiakkut ataatsimeeqateqarput. Ataatsimiinnermi kingullermi periuseq housing first oqaluuserineqarpoq, taannalu Naalakkersuisut angerlarsimaffeqanngitsut pillugit iliuusissatut pilersaarutissaannut pingaarnertut toqqammaviliisuussaaq. Ataatsimiinnerup tullia pissaaq martsimi 2022-mi, tassanilu inersimasut tarnimikkut eqqugaasut sammineqassapput, taamatullu suliaqartut innuttaasut inuunerisa ataatsimut isigalugu qanoq pitsaanerulersinneqarnissaannut sulisinnaanersut sammineqassalluni.
Isumaginninnermut, Sulisoqarnermut Nunamullu Namminermut Naalakkersuisoq, Mimi Karlsen: ”Nuna tamakkerlugu angerlarsimaffeqanngitsut pillugit oqallittarfimmik pilersitsisimagatta assut nuannaarpunga. Tassuunakkut Naalakkersuisut qaangerniagassaminnik sukumiinerujussuarmik paasisaqalissapput. Oqallittarfimmik ammasumik pilersitsinissarput anguniarsimavarput, tassani sulisut peqataasut politikki eqqarsaatiginagu ammasumik oqaloqataasinnaatillugit. Maannakkumut isumaqarpugut ingerlariarnissamut pitsaasumik toqqammavissinneqarsimalluta aammalu minnerunngitsumik suliassaqarfimmi ajornartorsiutit sukumiisumik paasisaqarfigalugit. Eqqummaariffigaarput ajornartorsiutit imaaliallaannaq qaangerneqarsinnaanngitsut. Isumaginnittoqarfimmi qaangerniagassat ima annertutigipput, allatut suleriartariaqarluta eqqarsartariaqarlutalu aaqqiissutissanik nutaanik nassaarniarluta. Oqallittarfiup tamannarpiaq tapertaaffigaa”.
Oqallittarfiup qaammatini pingasukkaartuni naapittarnera ilutigalugu suliassaqarfimmi sulisut eqimattani sammisaqarput inersimasut eqqugaasimasut pillugit suliassaqarfimmut atatillugu qulequttat ataasiakkaat oqaluuserineqartarlutik. Eqimattani sammisarfiusuni aalajangersimasumik aaqqiissutissanik Naalakkersuisut angerlarsimaffeqanngitsut pillugit iliuusissaannut atatillugu tapertaasartussanik.
”Eqimattat sammisaqartut nuna tamakkerlugu angerlarsimaffeqanngitsut pillugit oqallittarfimmut tapiliussaapput. Oqallittarfik mikinerusunut agguataarneranut ilaasortat periarfissinneqarput qulequttat ataasiakkaat pillugit sukumiinerusumik sammisaqarnissaannut, soorlu assersuutigalugu suliassaqarfiit pitarlugit suleqatigiinneq imaluunniit ineqarnermut tunngasut. Suliassaqarfiup sammisanut agguataarnissaa pisariaqalersimavoq suliassaqarfimmi qaangerniagassat aalajangersimasumik oqaluuserisinnaaniassagatsigit. Tassani aamma ilaasortat periarfissinneqarput aalajangersimalluinnartumik isumassarsiaminnut atatillugu itisilerinissaannut aammalu siunissami isumaginnittoqarfiup ilusilersorneqarneranut peqataanissamut”, oqarpoq Isumaginninnermut, Sulisoqarnermut Nunamullu Namminermut Naalakkersuisoq, Mimi Karlsen.
Angerlarsimaffeqanngitsut pillugit oqallittarfik kommunit aammalu angerlarsimaffeqanngitsut pillugit suliassaqarfimmi iliuuseqartut akornanni misilittakkanik paarlaasseqatigiittarnermut tapertaassaaq. Oqalittarfiup aamma siunertaraa Naalakkersuisut angerlarsimaffeqanngitsut pillugit apeqqutini tamani siunnersuisarnissamut ilitsersuisarnissamullu ikiuuttarnissaq.
Oqallittarfik inunnik toqqaannartumik imaluunniit allaffissornikkut angerlarsimaffeqanngitsunik suliaqartunik inuttaqarpoq. Oqallittarfik ima inuttalersugaavoq ilaasortat siammasissumik angerlarsimaffeqanngitsut pillugit nuna tamakkerlugu ajornartorsiutaasut pillugit ilisimasaqartuupput. Oqallittarfiup ilaasortai piginnaasaqarfigisaminnik ilisimasanik tapertaapput aammalu angerlarsimaffeqanngitsut pillugit pissutsinut oqallittarnermi immersuisuullutik. Oqallittarfik ilaatigut kommunenit, Kofoeds skolemit aamma Ilisimatusarfimmiit sinniisunit ilaasortaqarpoq.
Sukumiinerusumik paasissutissanik pissarsiniartoqaruni naalakkersuisup allattaa Naja Lynge Petersen e-mail: nlyp@nanoq.gl imaluunniit oqarasuaat +299 34 56 11 aqqutigalugu attavigineqarsinnaavoq.