AtuartigukCorona pillugu meeqqanut tusagassiineq
Nassiussisuuvoq: Peqqissutsimut Naalakkersuisoqarfik
Tallimanngorpat januarip 28-ni nalunaaqutaq 17 meeqqanut corona pillugu tusagassiisoqassaaq.
Tusagassiortunik katersortitsinissaq KNR peqatigalugu aaqqissuunneqarpoq. Tusagassiortunik katersortitsinermi Meeqqanut, Inuusuttunut Ilaqutariinullu naalakkersuisoq Paneeraq Olsen aamma tarnip pissusiinik ilisimasalik Mia Olsvig peqataassapput.
Meeqqanut aallakaatitassiami ”Issittormiuaqqani” aaqqissuisut peqataasunut apeqquteqartassapput. KNR aamma MIO meeqqat apeqqutigerusutaannik katersinikuupput.