Ukiuunerani OL 2022-mut peqataaneq

Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik

Asasara Ukaleq,

Timersornermut Naalakkersuisutut, Naalakkersuisut Nunarpullu sinnerlugit ukiuunerani OL-ertoqarnissaani Beijing 2022-mut anngunninni pilluaqqorusuppakkit!

Anngunninnit nutaarsiassaq nuannaarutigalugu tusarparput. Ulluni makkunani ilungersunartorfiusuni qiimmaallatsippatsigut.

OL-ip ikummataa ikippat, OL-ip sisorartarfiini sisorarlutit ooqattaanissappit malinnaaviginissaa qilanaaraarput.

Angusarissaarluarlutit OL-imut anngunnerit kusanarpoq aamma tulluusimaarutigissavat soorlu uagut tulluusimaarutigigipput.
Inussiarnersumik inuulluaqqusilluta

Peter Olsen
Naalakkersuisoq