Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

  4. Del link
🔈 Atuartiguk

Ikiuutit

Neriniartarfiuteqarnermik inuussutissarsiuteqartunut, kiffartuussinermik inuussutissarsiuteqartunut, timersortarfinnut, katersortarfinnut il.il. ”20-mi ikiuutit”

Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Naasut

Kalaallit Nunaanni suliffeqarfiit aasami 2021-mi ikiorsiissutit atorunnaarsikkiartuaarnerinut atatillugu aammalu oktober 2021-mi aallarteqqinnermut ikiorsiissutinut atatillugu ullut Covid-19-ip atuuffiginngisaanut ikiorsiissutitaqanngitsunut naleqqussarnissamik kaammattorneqarput. Akiuussutissamik kapitittut amerliartornerat ilutigalugu nunarsuarmi ammariartorneq ingerlaannassasoq naatsorsuutigineqarpoq.
Inuit 20-t katersuuteqqusaannginnerannik killilersuineq novembarimi 2021-mi atuutilersinneqarpoq, taamaammallu tamassuma kingorna sapaatit akunnerini tassanngaannaq pisoqarpoq, tassani piffissami inuiaqatigiit ammaqqinnissaat inuunerullu nalinginnaasunngoqqinnissaa sammineqarluni.

Killilersuinerit suliffeqarfinnut katersuussinnaasunik killilersuinermik eqqorneqartunut piffissami ingerlatsilluarfigisartagaanni ulapaarfigisartagaannilu atuutilersinneqarput. Taamaattumillu suliffeqarfiit killilersuinermik sakkortuumik eqqorneqarput.

'20-mi ikiuutit’ suliffeqarfinnut qinnuteqarsinnaatitaasunut tapersiissutinik ajornartoornermilu taarsigassarsianik imaqarput, tassunga ilanngullugu aaqqissuussinernik taamaatitsinermut atatillugu taartisisarneq ilaavoq.

Immikkoortoq 1Bi najoqqutassiat 13. Januar 2022-meersut malillugit, piffissani ukunani illoqarfinni nunaqarfinnilu ukunani ajornartoornermi taarsigassarsiassanik taperserneqarnissamik qinnuteqartoqarsinnaavoq taarsigassarsisitsisoqarsinnaallunilu:

  1. Kommuneqarfik Sernersuumi Nuummi suliffeqarfiit qinnuteqarsinnaatitaasut piffissap uuma iluani 13. Novembarimiit 21. Novembari nal. 8:00 ilanngullugu.
  2. Illoqarfinni nunaqarfinnilu ukunani suliffeqarfiit qinnuteqarsinnaatitaaasut piffissap uuma iluani ulloq 25. novembarimiit decembarip 8-ani 2021 nal. 18:00 ilanngullugu: Avannaata Kommuniani Upernavimmi aamma Avannaata Kommuniani nunaqarfinni ukunani: 1) Tasiusaq. 2) Upernavik Kujaleq. 3) Nutaarmiut. 4) Nuussuaq. 5) Innaarsuit. 6) Naajaat. 7) Aappilattoq. 8) Kangersuatsiaq. 9) Kullorsuaq.
  3. Kommune Qeqertalimmi Qasigiannguani suliffeqarfiit qinnuteqarsinnaatitaaasut piffissami 11. decembarimiit decembarip 20-at 2021 tikillugu.

Najoqqutassiat atuuttut uani www.big.gl takuneqarssinnaapput.

Apeqqutissat annerunertunerusut Inuussutissarsiornermut Niuernermullu Naalakkersuisoqarfimmut innersuunneqarput, isiin@nanoq.gl -imut.