AtuartigukFasttrack atorlugu aaqqissuussineq ingerlalluarpoq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
”Allamiunik sulisussarsiortarnermi Nunarput katataavoq”, MT Højgaard aamma Arssarnerit 7. januar 2022 Sermitsiaq.ag-imi oqariartuutigaat
Sivisuumik utaqqisoqartarnera suliffeqarfiit pakatsissutigigaat Naalakkersuisut paasisinnaalluarpaat, kisianni aamma maannamuugallartoq misilittakkat takutippaat fasttrack atorlugu aaqqissuussineq siunertarisat malillugit ingerlasoq.
Isumaqatigiissut ulloq 24. september 2021 atuutilerpoq aammalu taamanikkumiilli Isumaginninnermut, Sulisoqarnermut, Nunamullu Namminermut Naalakkersuisoqarfimmi suliffeqarfiit sioqqutsisumik akuerineqareersut allassimaffianniilernissamut suliffeqarfinniit qinnuteqaatit suliarineqarnerannut tunngatillugu pisut sukkasuumik ingerlasimapput.
8. december 2021 suliffeqarfinnut sioqqutsisumik akuerineqareersunut allattuiffimmiittut katillugit 42-nik amerlassuseqarput.
Fasttrack atorlugu aaqqissuussineq qaammatit sisamassaanni ingerlanneqarpoq, aammalu Naalakkersuisut naliliipput atorsinnaanersoq imaluunniit atorsinnaannginnersoq naliliinissamut siusippallaartoq. Taamaattoq maannamuugallartoq misilittakkat takutippaat fast track atorlugu aaqqissuussineq siunertat malillugit ingerlanneqartoq, tassani Namminersorlutik Oqartussat sulinissamut nunamiinnissamullu akuersissummik qinnuteqaatinut ataasiakkaanut ataqatigiissitsisuujunnaarlutik, taamaalillunilu SIRI-mi – Styrelsen for International Rekruttering og Integration – suliassanik suliarinninnermut piffissamut sivikillisitseqataalluni.
Siunnerfigineqarpoq suliffeqarfiit sulisussaaleqineq pissutigalugu nunanit allamiunik sulisussarsiornissamik pisariaqartitsisut tamatumunnga sukkanerusumik periarfissaqarsinnaanissaat. Tamatumani tamanna pissusiviusuni pisarnersoq pillugu alapernaarsuisoqartuartussaavoq malinnaasoqartuartussaallunilu.
Nalinginnaasumik paatsoorneruvoq isumaqartoqarpat, nunani allani innuttaasut ingerlaannaq tikissinnaalernerannut sulilersinnaanerannullu isumaqatigiissut septembarimeersoq ajornarunnaarsitsisoq. Mimi Karlsen, Isumaginninnermut, Sulisoqarnermut Nunamullu Namminermut Naalakkersuisoq: “Sulinissamut nunamiinnissamullu akuersissummik qinnuteqaatit pillugit Namminersorlutik Oqartussat tusarniarneqartartussaanngitsut, tamannalu isumaqartoq qinnuteqartut sulinissamut nunamiinnissamullu akuersissummik tunineqarunik tikissinnaasut sulilersinnaasullu, Naalakkersuisut septembarimi allammata erseqqissarusuppara”.
Fast track-imut isumaqatigiissut – nalinginnaasoq – isumaqarpoq suliffeqarfiit nunanit periarfissaasunit tamaginniit sulisussarsiorsinnaasut. Innuttaasunut assersuutigalugu nunanit EU-mut ilaasortaasuneersunut immikkut aaqqissuussisoqanngilaq. Savalimmiuni taamaattoqarpoq, tassani immikkut EU-mut aaqqissuussisoqarluni, suliffissaaleqisut ikilisimaneranni atuutilertartumik. Atorfinitsitsinissamut tunngasut SIRI-mut nalunaarutigineqareerneranni innuttaasut ingerlaannaq sulilersinnaallutik.
EU-mi innuttaasunut tunngatillugu Kalaallit Nunaanni tassunga assingusumik aaqqissuussisoqassappat, Kalaallit Nunaannut Nunanut allamiunut inatsisip 2001-meersup tamatumunnga inatsimmi tunngavissamik ammaassisoqarsinnaalersillugu allanngortinneqarnissaa pisariaqarpoq. Inatsit pillugu Naalakkersuisut danskit oqartussaasuinik oqaloqateqarput.
Paasissutissanik annertunerusunik piniarnermi attaveqarfigineqassaaq Naalakkersuisup allattaa Naja Lynge Petersen mailimut: nlyp@nanoq.gl aamma oqarasuaammut: 34 56 11
Sivisuumik utaqqisoqartarnera suliffeqarfiit pakatsissutigigaat Naalakkersuisut paasisinnaalluarpaat, kisianni aamma maannamuugallartoq misilittakkat takutippaat fasttrack atorlugu aaqqissuussineq siunertarisat malillugit ingerlasoq.
Isumaqatigiissut ulloq 24. september 2021 atuutilerpoq aammalu taamanikkumiilli Isumaginninnermut, Sulisoqarnermut, Nunamullu Namminermut Naalakkersuisoqarfimmi suliffeqarfiit sioqqutsisumik akuerineqareersut allassimaffianniilernissamut suliffeqarfinniit qinnuteqaatit suliarineqarnerannut tunngatillugu pisut sukkasuumik ingerlasimapput.
8. december 2021 suliffeqarfinnut sioqqutsisumik akuerineqareersunut allattuiffimmiittut katillugit 42-nik amerlassuseqarput.
Fasttrack atorlugu aaqqissuussineq qaammatit sisamassaanni ingerlanneqarpoq, aammalu Naalakkersuisut naliliipput atorsinnaanersoq imaluunniit atorsinnaannginnersoq naliliinissamut siusippallaartoq. Taamaattoq maannamuugallartoq misilittakkat takutippaat fast track atorlugu aaqqissuussineq siunertat malillugit ingerlanneqartoq, tassani Namminersorlutik Oqartussat sulinissamut nunamiinnissamullu akuersissummik qinnuteqaatinut ataasiakkaanut ataqatigiissitsisuujunnaarlutik, taamaalillunilu SIRI-mi – Styrelsen for International Rekruttering og Integration – suliassanik suliarinninnermut piffissamut sivikillisitseqataalluni.
Siunnerfigineqarpoq suliffeqarfiit sulisussaaleqineq pissutigalugu nunanit allamiunik sulisussarsiornissamik pisariaqartitsisut tamatumunnga sukkanerusumik periarfissaqarsinnaanissaat. Tamatumani tamanna pissusiviusuni pisarnersoq pillugu alapernaarsuisoqartuartussaavoq malinnaasoqartuartussaallunilu.
Nalinginnaasumik paatsoorneruvoq isumaqartoqarpat, nunani allani innuttaasut ingerlaannaq tikissinnaalernerannut sulilersinnaanerannullu isumaqatigiissut septembarimeersoq ajornarunnaarsitsisoq. Mimi Karlsen, Isumaginninnermut, Sulisoqarnermut Nunamullu Namminermut Naalakkersuisoq: “Sulinissamut nunamiinnissamullu akuersissummik qinnuteqaatit pillugit Namminersorlutik Oqartussat tusarniarneqartartussaanngitsut, tamannalu isumaqartoq qinnuteqartut sulinissamut nunamiinnissamullu akuersissummik tunineqarunik tikissinnaasut sulilersinnaasullu, Naalakkersuisut septembarimi allammata erseqqissarusuppara”.
Fast track-imut isumaqatigiissut – nalinginnaasoq – isumaqarpoq suliffeqarfiit nunanit periarfissaasunit tamaginniit sulisussarsiorsinnaasut. Innuttaasunut assersuutigalugu nunanit EU-mut ilaasortaasuneersunut immikkut aaqqissuussisoqanngilaq. Savalimmiuni taamaattoqarpoq, tassani immikkut EU-mut aaqqissuussisoqarluni, suliffissaaleqisut ikilisimaneranni atuutilertartumik. Atorfinitsitsinissamut tunngasut SIRI-mut nalunaarutigineqareerneranni innuttaasut ingerlaannaq sulilersinnaallutik.
EU-mi innuttaasunut tunngatillugu Kalaallit Nunaanni tassunga assingusumik aaqqissuussisoqassappat, Kalaallit Nunaannut Nunanut allamiunut inatsisip 2001-meersup tamatumunnga inatsimmi tunngavissamik ammaassisoqarsinnaalersillugu allanngortinneqarnissaa pisariaqarpoq. Inatsit pillugu Naalakkersuisut danskit oqartussaasuinik oqaloqateqarput.
Paasissutissanik annertunerusunik piniarnermi attaveqarfigineqassaaq Naalakkersuisup allattaa Naja Lynge Petersen mailimut: nlyp@nanoq.gl aamma oqarasuaammut: 34 56 11