AtuartigukAalisarneq pillugu isumasioqatigiinnissat piffissaligaanngitsumut kinguartinneqarput
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoq aalajangerpoq Ilulissani Nuummilu aalisarneq pillugu isumasaqatigiinnissat piffissaligaanngitsumut kinguartinneqassasut, nunatsinni covid 19-ip tuniluuppallaarnera pissutigalugu.
Aalisarnermut Piniarnermullu Naalakkersuisoqarfik nunatsinni covid 19-imik tuniluunneq qaangerneqariarpat ilisimatitsissaaq isumasioqatigiissitsinissat qaqugu pissanersut.
Nuummi aalisartunik isumasioqatigiissitsineq januaarip 13-ianni pissussaagaluarpoq Ilulissanilu januaarip 19-ianni 2022-mi.
Sukumiinerusumik paasisaqarusukkuit Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl