AtuartigukTAC kiisalu nalunaarut nutaaq akuerineqarput
Nassiussisuuvoq: Aalisarnermut Piniarnermullu Naalakkersuisoqarfik
Saattuat pillugit TAC, nalunaarut aamma Aqutsinissamut Pilersaarut akuerineqarput ulloq 29. december 2021. TAC´t naapertuupput ilisimatuussutsikkut siunnersuinerit 2022-moortut malillugit, suliarineqartut Pinngortitaleriffimmiit.
Siunnersuutit aamma pisassiissutillu aalisarfinni Sisimiut, Qeqertarsuaq, Nuuk-Paamiut qaffapput, aqutsiveqarfinni Upernavik, Maniitsoq og Narsaq pisassiissutit ukiup siuliinut naleqqiullugit allanguuteqanngillat.
Tabeli 1. saattussat 2022-mi pisassiissutit
| Aqutsiveqarfik | Suussuseq | 2022-mut siunnersuut (tons) | 2021-mi TAC (tons) | 2022-mi TAC-tut (tons) |
| Sisimiut Sinerissap qanittua | 1 | 547 | 6331 | 547 |
| Sisimiut avataa | 1 | 102 | 68 | 785 |
| Qeqertarsuup Tunua – Uummannaq sinerissap qanittua | 2 | 796 | 6762 | 7446 |
| Nuuk-Paamiut sinerissap qanittua | 2 | 1020 | 9063 | 9976 |
| Nuuk-Paamiut avataa | 2 | 302 | 3144 | 302 |
| Upernavik sinerissap qanittua | 3 | - | 400 | 400 |
| Maniitsoq-Kangaamiut sinerissap qanittua | 3 | - | 225 | 225 |
| Narsaq-Qaqortoq sinerissap qanittua | 3 | - | 260 | 260 |
- Pisassiissutit novembarimi 483 tonsinit 633 tonsinut qaffanneqarput
- Pisassiissutit novembarimi 576 tonsinit 676 tonsinut qaffanneqarput
- Pisassiissutit novembarimi 806 tonsinit 906 tonsinut qaffanneqarput
- Pisssiissutit novembarimi 214 tonsinit 314 tonsinut qaffanneqarput
- Suussuseq 1-imut TAC Aqutsinermut pilersaarut naapertorlugu ukiumut annerpaamik 15 %-imik qaffanneqarsinnaapput
- Suussuseq 2-mut TAC Aqutsinermut pilersaarut naapertorlugu ukiumut annerpaamik 10 %-imik qaffanneqarsinnaapput
Tabeli 2. Sumiiffiit 2022-mi misileraalluni aalisarfigineqarsinnaasut
| Aqutsiveqarfik | Suussuseq | Siunnersuineq |
| Qeqertarsuup Tunua- Uummannaq avataa | 4 | Soqanngilaq |
| Maniitsoq-Kangaamiut avataa | 4 | Soqanngilaq |
| Narsaq-Qaqortoq avataa | 4 | Soqanngilaq |
Saattuat pillugit Aqutsinissamut Pilersaarut
Saattuat pillugit Aqutsinissamut Pilersaarut akuerineqarpoq, ataani taaneqartut allannguutaapput pilersaarutip siulianut naleqqiullugu:
- Aqutsiveqarfinnut arfineq pingasunut taarsiutitut aqutsiveqarfiit aqqaneq marluk pilersinneqarput
- Suussuseq nutaaq, suussuseq 4, pilersinneqarpoq, sumiffimmik TAC-mik aalajangiiffiunngitsoq, kisiannili misileraalluni aalisarfiusinnaasoq
- Aqutsveqarfiit nutaat suussutsit ilanngullugit immap assinga nutaaq
- Saattuanik aqitsunik igitanillu suussusiliineq pillugu piumasaqaatinik erseqqissaaneq
- Qimaaffissanik atuinissamut piumasaqaat 1. januar 2023-mi atuutilissaaq.
- Kangaamiut - Maniitsoq Avataani Aqutsiveqarfik 1. januar 2022-miit ammassaaq, 1. april-limiusaraluaq siusinnerusukkut.
Saattuat pillugit Aqutsinissamut Pilersaarut nutaaq takuneqarsinnaavoq apn.gl-mi, tassani aamma takusinnaavat 2022-mut pisassiissutit.
Saattuat pillugit Namminersornerullutik nalunaarutaat nutaaq takuneqarsinnaavoq Inatsisit.gl-mi
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl