Akiuussusersimanermut paasissutissat coronapasimut toqqaannaq nuuttalerneri
Maanna akiuussusersimanermut nalunaarsortinnissamut piniartariaarupputit.
Nassiussisuuvoq: Peqqissutsimut NaalakkersuisoqarfikMatumuuna nalunaarutigineqarsinnaanngorpoq 17. december 2021 aallarnerfigalugu akiuussusertissimanerit MinSundhed-app, Sundhed.dk aamma Coronapas-app-imut toqqaannaq nuuttalermata, taamaattumillu innuttaasut Sullissivik aqqutigalugu akiuussusersimanermut (tamakkiisumik) nalunaarsorneqarumanissaq pisariaaruppoq.
Erseqqissaatigineqassaaq ullormut ataasiarluni Danmarkimut akiuussusersimanermut paasissutissat nalunaarsorneqarnissaminnut nassiunneqartarmata. Taamaattumik innuttaasut naatsorsuutigisariaqarpaat ullut 3-4 qaangiunneranni akiuussusersimanermut paasissutissat app-ini aamma nittartakkani aatsaat nalunaarsorneqarsinnaammata. Nalunaarsornerit amigarpata Sullissivik aqqutigalugu attaveqarnissaq kaammattuutigineqarpoq.
Sullissivik aqqutigalugu piniartoqartarunnaarnissaanut sulissutigineqarpoq.
Tunillatsissimanermut uppernarsaat innuttaasut suli Sullissivik aqqutigalugu qinnuteqartassapput.
Paasisaqarnerorusukkuit peqqissutsimut siunnersorti Mona Koch Madsen mokm@nanoq.gl imaluunniit oqarasuaat +299 34 51 26 aqqutigalugit piniarneqarsinnaapput