AtuartigukUjarassiorit 2021-imi ajugaasut akissarsitinneqarnissaat kinguartittariaqalersoq
Nassiussisuuvoq: Aatsitassanut Inatsisillu Atuutsinneqarnerannut Naalakkersuisoqarfik
Ukioq manna Ujarassiorit peqataaffigineqarluarpoq, oktoberimilu ujaqqat 130-it akusiorlugit misissugassatut toqqagaasut nunami allami misissuivimmut nassiunneqarput. Ajoraluartumilli ujaqqat nassiunneqartut pisarnermik sivisunerusumik apuuffissaminnut ingerlaarput, aatsaallu qanittukkut ilanngaaserisunit uninngatinneqareerlutik ujaqqat akuinik misissuivimmut apuunneqarlutik. Misissuinerit aallartinneqalerput ukiortaallu kingorna januaari 2022-imi naammassineqassallutik.
Ujaqqat akuinik misissuinerit naammasseriarpata Ujarassiorip naliliisartui ajugaasunik toqqaanissaminnut tunngavissaqalissapput.
Aatsitassanut Inatsillu atuutsinneqarnerannut naalakkersuisoqarfik taamaasilluni ajoraluartumik Ujarassiorit 2021-imi ajugaasunut akissarsiassaannik agguaassinissani kinguartittariaqalerpaa. Qilanaaraarput ukiup nutaap aallartisimalernerani ajugaasut akissarsiassaannik agguaassinissarput.
Sukumiinerusumik paasissutissat pillugit attavigiuk naalakkersuisoqarfiup pisortaa Jørgen T. Hammeken-Holm e-mailikkut: joeh@nanoq.gl
Ujaqqat akuinik misissuinerit naammasseriarpata Ujarassiorip naliliisartui ajugaasunik toqqaanissaminnut tunngavissaqalissapput.
Aatsitassanut Inatsillu atuutsinneqarnerannut naalakkersuisoqarfik taamaasilluni ajoraluartumik Ujarassiorit 2021-imi ajugaasunut akissarsiassaannik agguaassinissani kinguartittariaqalerpaa. Qilanaaraarput ukiup nutaap aallartisimalernerani ajugaasut akissarsiassaannik agguaassinissarput.
Sukumiinerusumik paasissutissat pillugit attavigiuk naalakkersuisoqarfiup pisortaa Jørgen T. Hammeken-Holm e-mailikkut: joeh@nanoq.gl