2022-mut nannuttassiissutit
Nassiussisuuvoq: Aalisarnermut Piniarnermullu NaalakkersuisoqarfikNaalakkersuisut decembarip qulingiluaanni 2021-mi ataatsimiinnerminni 2022-mut nannuttassiissutit akuersissutigaat. Nannuttassiissutit ilisimatuussutsikkut inassuteqaatit, tusarniaanerit naalakkersuinikkullu aalajangiinerit aallaavigalugit agguaanneqarput.
Naalakkersuisut aamma aalajangiipput allatut ajornartumik illersuisariaqalernermik aamma illersuisussaatitaanermik tunngaveqartumik nannut nuna tamakkerlugu pisassiissutiniit 10-t illuartinneqassasut, takuuk nannut pillugit nalunaarummi § 5, imm. 2.
Aammattaaq Naalakkersuisut aalajangiipput kulturi tunngavigalugu pisassiissutit, kulturkvote, kommunit ileqqutoqqat atorlugit piniartoqarfiusut kajumissaarneqassasut pisassiissutaareersut ilaat tassunga illuartinneqarnissaat, soorlu assersuutigalugu qimussimik nannunniarneq.
Agguaassinerit imaapput:
Takussutissiaq 1: 2021-mut nannuttassiissutit aamma 2022-mut.
Nanoqatigiit | 2021 | 2022 |
Kanep Imartornga (Qaanaaq, Savissivik ilanngunnagu) | 9 | 9 |
Baffinip Ikera (Savissivik - Kangaatsiaq) |
80 | 80 |
Ikersuaq Davis (Paamiut – Sisimiut) |
3 | 3 |
Avannaa Kitaalu katillugit: |
92 | 92 |
Tunu Kujataalu (Tunu,Narsaq, Qaqortoq aamma Nanortalik) |
64 |
64 |
Katillugit | 156 | 156 |
Takussutissiaq 2: Pisassat aqutsiveqarfinnut agguarneqarneri imaapput:
Kanep Imartornga | Pisassiissutit |
Siorapaluk | 9 |
Qaanaaq | |
Qeqertaq | |
Moriusaq | |
Tunu | Pisassiissutit |
Ittoqqortoomiit | 35 |
Tasiilaq | 25 |
Nanortalik | 4 |
Qaqortoq | |
Narsaq | |
Baffinnip Ikera | Pisassiissutit |
Savissivik (+ Qaanaaq) | 24 |
Upernavik | 44 |
Uummannaq | 5 |
Ilulissat | |
Qeqertarsuaq | 7 |
Qasigiannguit | |
Aasiaat | |
Kangaatsiaq | |
Ikersuaq Davis | Pisassiissutit |
Sisimiut | 3 |
Maniitsoq | |
Nuuk | |
Paamiut |
Aqutsiveqarfinni sisamani tamani nannuttassiissutit ukiup siulianut sanilliullugit allannguuteqanngillat. APN sumiiffinnut arlaannaannulluunniit inassuteqaatinik nutaanik tigusaqanngilaq.
2021-mut nannuttassiissutinit pisarinngitsuukkat 2022-mut nuunneqassapput (carry-over), taamatut nuussinermi ukiumiit ukiumut periuseq pisassiissutinut amerliartuutaanngitsoq malinneqassaaq, nanoqatigiit kommunillu iluanni.
Annertunerusumik paasisaqartoqarusukkuni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie Jessen, tlf. 34 53 04 e-mail amalie@nanoq.gl aqqutigalugit attavigineqarsinnaavoq