AtuartigukImminut toquttarneq akuerineqarsinnaanngilaq
Inuit 40-nit amerlanerusut ukiut tamaasa Kalaallit Nunaata imminut toqunnermut annaasarpai. 1970-ikkulli kingorna taamaassimavoq. Taamaattoqarnera ingerlaqqissanngilaq. Nunatsinni innuttaasut tamaasa atorfissaqartippagut. Inuttut ajornartorsiutinut aaqqiissutitut, inuusuttut inersimasullu imminut toquttarnerat, pitsaaliussavarput.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
- Imminut toquttarneq inuiaqatigiinni ajornartorsiutaavoq tamatta aaqqeeqataaffigisassarput. Aliatsattaqaanga nikallortaqaangalu inuit imminut toqunnissaq aqqutissatuatut misigigaangassuk. Iliuusissanut pilersaarummit ataatsimit tamanna aaqqinneqarsinnaanngilaq. Imminnut toquttarnerup pitsaaliorneqarneranik suliaqarnermi erseqqissumik sammiviliinissaq aamma suliassaqarfimmi ataavartumik suliniuteqartoqarnissaata qulakkeerneqarnissaa kissaatigaara, Meeqqanut, Inuusuttunut Ilaqutariinnullu Naalakkersuisoq Paneeraq Olsen oqarpoq.
Imminut toquttarneq nalinginnaasunngunngisaannassaaq, aamma artorsaatit oqimaappallaalersillugit periarfissatuatut isigineqassanani. Imminut toquttartut imminooriartartullu amerlavallaarujussuartut ikilisinniarlugit, imminut toquttarnermik pitsaaliuineq eqqarsaatigeqqinneqassaaq. Meeqqanut, Inuusuttunut Ilaqutariinnullu Naalakkersuisoqarfiup Isumaginninnermut Aqutsisoqarfik suleqatigalugu imminut toquttarneq pitsaaliorniarlugu periusissiaq nutaaq ineriartortileruttorpaa, taassumalu 2022-mi piareernissaa naatsorsuutigineqarpoq. Nunamut tamarmut imminut toquttarnerup pitsaaliorneqarnissaanut periusissiap nutaap innuttaasut najugaanni pissutsit pisariaqartitaallu aallaavigissavai. Periusissiap taassumalu iluani suliassat suliniutissallu sullinniakkanik eqquinissaata qulakkeerneqarnissaanut taamaaliorneq periarfissatuaavoq. Suliat suliniutillu ukiuni kingullerni ingerlasimapput, kisianni maannamut periusissiami ataatsimut ilanngunneqarsimanatik.
Ajoraluartumik inuusuttorpassuit imminut toqunneq periarfissatut kingullerpaatut qinertarpaat. Kisitsisit atorlugit nassuiaanerni taakku initoorujussuupput. Angutit inuusuttut taakkuupput imminut toquttartut amerlanersaat. Illuatungaani arnat inuusuttut taakkuupput imminut toqunnissaminnik eqqarsaateqarnerusartut aamma amerlasooriarlutik imminooriartarsimasut. Taamaammat imminut toquttarnerup pitsaaliorneqarneranik suliaqarnermi inuusuttut ilaatinneqarput. Piviusumik assersuutigalugu najukkani imminut toqunnissamik pitsaaliuineq suliarineqarpoq. Kingullertigut iluatsilluartumik Nanortalimmi Narsamilu pikkorissaasoqarpoq. Pikkorissaanerni peqataasut 54-iusut akornanni amerlasuut ulluinnarni meeqqanik inuusuttunillu attaveqartarput.
Suliassaqarfimmut periusissiamik nutaamik ineriartortitsineq suliarineqaleruttorpoq. Periusissiornermi inuusuttut peqataalluarnissaat qulakkeerniarlugu peqatigiiffiit kattuffiillu, inuusuttut soqutigisallillu allat attuumassuteqartut ilanngunneqassapput. Ilaatigut periusissiap siulianit misilittakkat suliniutillu pitsaasut suliami ineriartortinneqassapput. Kisianni periusissiap siulianut naleqqiullugu periusissiami nutaami annertunerujussuarmik angusaqarluarniartoqarpoq aamma sulianut tunngasunik periaatsinillu allaanerujussuarnik aallaaveqartoqartussaalluni. Angusassamik toraagaqarluni suliniuteqarnissaq periusissiap nutaap qulakkiissavaa. Periusissiaq nutaaq pitsaaliuinermik sulianut ukiuni kingullerni ingerlasimasunut atatillugu isiginiarneqassaaq. Inuuneritta III-mi meeqqat inuuttullu 0-imiit 18-inut ukiullit tarnikkut peqqissuunissaat ilaatigut ukkatarineqarpoq, tassani meeqqat inuusuttullu ataatsimoorfinnut peqqinnartunut ilaatitsisunullu, taakku peqqissuunissaannut atugarissaarnissaannullu siuarsaataasinnaasunut, peqataasinnaanissaat sulissutigineqarluni.
Attaveqarfissaq
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.
Imminut toquttarneq nalinginnaasunngunngisaannassaaq, aamma artorsaatit oqimaappallaalersillugit periarfissatuatut isigineqassanani. Imminut toquttartut imminooriartartullu amerlavallaarujussuartut ikilisinniarlugit, imminut toquttarnermik pitsaaliuineq eqqarsaatigeqqinneqassaaq. Meeqqanut, Inuusuttunut Ilaqutariinnullu Naalakkersuisoqarfiup Isumaginninnermut Aqutsisoqarfik suleqatigalugu imminut toquttarneq pitsaaliorniarlugu periusissiaq nutaaq ineriartortileruttorpaa, taassumalu 2022-mi piareernissaa naatsorsuutigineqarpoq. Nunamut tamarmut imminut toquttarnerup pitsaaliorneqarnissaanut periusissiap nutaap innuttaasut najugaanni pissutsit pisariaqartitaallu aallaavigissavai. Periusissiap taassumalu iluani suliassat suliniutissallu sullinniakkanik eqquinissaata qulakkeerneqarnissaanut taamaaliorneq periarfissatuaavoq. Suliat suliniutillu ukiuni kingullerni ingerlasimapput, kisianni maannamut periusissiami ataatsimut ilanngunneqarsimanatik.
Ajoraluartumik inuusuttorpassuit imminut toqunneq periarfissatut kingullerpaatut qinertarpaat. Kisitsisit atorlugit nassuiaanerni taakku initoorujussuupput. Angutit inuusuttut taakkuupput imminut toquttartut amerlanersaat. Illuatungaani arnat inuusuttut taakkuupput imminut toqunnissaminnik eqqarsaateqarnerusartut aamma amerlasooriarlutik imminooriartarsimasut. Taamaammat imminut toquttarnerup pitsaaliorneqarneranik suliaqarnermi inuusuttut ilaatinneqarput. Piviusumik assersuutigalugu najukkani imminut toqunnissamik pitsaaliuineq suliarineqarpoq. Kingullertigut iluatsilluartumik Nanortalimmi Narsamilu pikkorissaasoqarpoq. Pikkorissaanerni peqataasut 54-iusut akornanni amerlasuut ulluinnarni meeqqanik inuusuttunillu attaveqartarput.
Suliassaqarfimmut periusissiamik nutaamik ineriartortitsineq suliarineqaleruttorpoq. Periusissiornermi inuusuttut peqataalluarnissaat qulakkeerniarlugu peqatigiiffiit kattuffiillu, inuusuttut soqutigisallillu allat attuumassuteqartut ilanngunneqassapput. Ilaatigut periusissiap siulianit misilittakkat suliniutillu pitsaasut suliami ineriartortinneqassapput. Kisianni periusissiap siulianut naleqqiullugu periusissiami nutaami annertunerujussuarmik angusaqarluarniartoqarpoq aamma sulianut tunngasunik periaatsinillu allaanerujussuarnik aallaaveqartoqartussaalluni. Angusassamik toraagaqarluni suliniuteqarnissaq periusissiap nutaap qulakkiissavaa. Periusissiaq nutaaq pitsaaliuinermik sulianut ukiuni kingullerni ingerlasimasunut atatillugu isiginiarneqassaaq. Inuuneritta III-mi meeqqat inuuttullu 0-imiit 18-inut ukiullit tarnikkut peqqissuunissaat ilaatigut ukkatarineqarpoq, tassani meeqqat inuusuttullu ataatsimoorfinnut peqqinnartunut ilaatitsisunullu, taakku peqqissuunissaannut atugarissaarnissaannullu siuarsaataasinnaasunut, peqataasinnaanissaat sulissutigineqarluni.
Attaveqarfissaq
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.