AtuartigukNaalakkersuisup Peter P. Olsenip Ullukinnermi pilluaqqussutaa
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ullukinneq. Ukiup taarnerpaaffia maanna qaangiutilerpoq, seqineq appariartuinnarunnaarluni qummut aallariartulilerpoq, siulersuatta qangarsuaq nalliuttorsiutigisarsimasaat pingaartinneqarluinnartoq nalliuppoq tassalu ullukkinneq.
Ullukinneq tassaavoq nammineerluta kalaallit pigisatsinnik ullorsiortarfipput. Nuannaarutigilluinnarpara tulluusimaarutigalugulu Ullukinneq pisortatigut nalliussineqartassasoq 2018-imi aalajangerneqarmat.
Aassuutit
Oqaluttuat ilisimasallu tunngavigalugit ullorissat Aassuutit ullukinnersiortarnermut tunngaviulluinnarput. Tamanna palasip Otto Rosingip 1965-imi toqusimasup atuakkiarisimasamini: “Aassuutit: Ullorissat seqinermik kivitsinaveersaartitsisartut “Nordens Institut for Grønland” aqqutigalugu 1989-imi saqqummersumi allaaseraa.
Tassani oqaluttuarineqarpoq Qasigiannguit eqqaanni Assassakkaarmiut utoqqartaat Killaalik. Inuunermini sivisuumi pinngortitaq misissugariuarsimagamiuk naatsorsorsinnaalersimavaa qaqugukkut seqineq qullariartulersarnersoq. Nalunngilaa seqineq qullariartulersartoq ulloriannguit Aassuutit kangiani nueqqaaraangata, taamaaligaangallu tassa ullukinnersiorluni nalliuttorsiornissamut piffissanngortartoq.
Silarsuaq qaammariartoqqilissaaq
Atuagannguaq taanna naapertorlugu, seqineq tarrilluni kaperlaleraangat, unnia taamani itsarsuaq siulersuagut isumaqartarsimasut seqineq kivisartoq, tassalu aasassaarluni qaammassaarluni ukiuujuaannalertussanngortartoq - seqineq tassa nueqqinngisaannassalluni tarrittartoq.
Tassa taava siulersuagut isumaqartarsimapput taakku ulloriannguit Aassuutit seqineq kiviartortoq ataaniit ungoortarsimagaat qummullu aallartillugu, unnialu ukiut tamaasa seqerngup ammukarnerani Aassuutit sillimasarsimasut, killissanilu tikikkaagangu ungoortarsimagaat, qummullu aallaraangat Aassuutit inummut takutittartut, inuit nuannaaqqullugit, silarsuaq qaammariartuleqqissammat.
Inuit aassuutisiornissaminnut atisartaartortarput, takkukkaangatalu unnia ukiivinni tamani qassimiuaartarput mamartuinnarsuarnillu nerrillutik.
Ullukinneq kalaaliusugut ilisarnaatitta ilagilluinnarpaat.
Ullukinnermi qamannga pisumik pilluaqqungaarpassi neriuppunga ulloq atorluarumaarissi.
Inussiarnersumik inuulluaqqusilluta
Peter Olsen
Naalakkersuisoq
Ullukinneq tassaavoq nammineerluta kalaallit pigisatsinnik ullorsiortarfipput. Nuannaarutigilluinnarpara tulluusimaarutigalugulu Ullukinneq pisortatigut nalliussineqartassasoq 2018-imi aalajangerneqarmat.
Aassuutit
Oqaluttuat ilisimasallu tunngavigalugit ullorissat Aassuutit ullukinnersiortarnermut tunngaviulluinnarput. Tamanna palasip Otto Rosingip 1965-imi toqusimasup atuakkiarisimasamini: “Aassuutit: Ullorissat seqinermik kivitsinaveersaartitsisartut “Nordens Institut for Grønland” aqqutigalugu 1989-imi saqqummersumi allaaseraa.
Tassani oqaluttuarineqarpoq Qasigiannguit eqqaanni Assassakkaarmiut utoqqartaat Killaalik. Inuunermini sivisuumi pinngortitaq misissugariuarsimagamiuk naatsorsorsinnaalersimavaa qaqugukkut seqineq qullariartulersarnersoq. Nalunngilaa seqineq qullariartulersartoq ulloriannguit Aassuutit kangiani nueqqaaraangata, taamaaligaangallu tassa ullukinnersiorluni nalliuttorsiornissamut piffissanngortartoq.
Silarsuaq qaammariartoqqilissaaq
Atuagannguaq taanna naapertorlugu, seqineq tarrilluni kaperlaleraangat, unnia taamani itsarsuaq siulersuagut isumaqartarsimasut seqineq kivisartoq, tassalu aasassaarluni qaammassaarluni ukiuujuaannalertussanngortartoq - seqineq tassa nueqqinngisaannassalluni tarrittartoq.
Tassa taava siulersuagut isumaqartarsimapput taakku ulloriannguit Aassuutit seqineq kiviartortoq ataaniit ungoortarsimagaat qummullu aallartillugu, unnialu ukiut tamaasa seqerngup ammukarnerani Aassuutit sillimasarsimasut, killissanilu tikikkaagangu ungoortarsimagaat, qummullu aallaraangat Aassuutit inummut takutittartut, inuit nuannaaqqullugit, silarsuaq qaammariartuleqqissammat.
Inuit aassuutisiornissaminnut atisartaartortarput, takkukkaangatalu unnia ukiivinni tamani qassimiuaartarput mamartuinnarsuarnillu nerrillutik.
Ullukinneq kalaaliusugut ilisarnaatitta ilagilluinnarpaat.
Ullukinnermi qamannga pisumik pilluaqqungaarpassi neriuppunga ulloq atorluarumaarissi.
Inussiarnersumik inuulluaqqusilluta
Peter Olsen
Naalakkersuisoq