2022-mi qilalugartassat
Nassiussisuuvoq: Aalisarnermut Piniarnermullu NaalakkersuisoqarfikNaalakkersuisut 2022-mi qilalukkat qaqortat qernertallu piniagaanissaat pillugit decembarip 15-ianni 2021-mi aalajangerpaat.
Kitaani Tunumilu qilalukkat qernertat
Kitaani qilalukkat qernertat pisarineqarsinnaasut katillugit 474-iupput.
Takussutissiaq 1: Nunatsinni qilalukkat qernertat ima amerlatigisut 2022-mi pisarineqarsinnaapput:
Zone | QERNERTAQATIGIIT IMMIKKOORTUT | 2022-MUT PISASSIISSUTIT |
1 | Etah | 5 |
2 | Qaanaaq | 98 |
3 | Savissivik | 18 |
Upernavik | 82 | |
4 | Uummannaq | 124 |
5 | Qeqertarsuup Tunua (Qeqertarsuaq, Ilulissaniit Narsarmijit ilanngullugit) | 97 |
Kitaa tamakkerlugu | 424 | |
6 | Tasiilaq | 15 |
7 | Kangerlussuaq | 15 |
8 | Ittoqqortoormiit | 20 |
Tunu tamakkerlugu | 50 |
Kommunini ataasiakkaani sunngiffimmi piniartut qilalukkanik qernertanik pisassiissutinit Kitaani 10 procentit angullugit pisarisinnaavaat aamma Tunumi 15 procentit pisarisinnaallugit. Pisassiissutit agguaanneri pillugit Naalakkersuisoqarfimmut piaartumik ilisimatitsisoqartassaaq.
Nuummiit Narsarmiijinut qilalukkat qernertat pisassiissutigineqartut aggustip 31-at 2022 nallertinnagu pisarineqanngitsut, aqutsiveqarfimmut Ilulissanut kingusinnerpaamik septembarip aallaqqaataa 2022 nallertinnagu nuunneqassapput.
Kitaani qilalukkat qaqortat
Kitaani qilalukkat qaqortat pisarineqarsinnaasut katillugit 294-iupput.
Takussutissiaq 2: Kitaani qilalukkat qaqortat ima amerlatigisut 2022-mi pisarineqarsinnaapput:
ZONE | QAQORTAQATIGIIT IMMIKKOORTUT |
2022-MUT PISASSIISSUTIT |
1-2 | Qaanaaq | 29 |
3-5 | Kitaani: Svissivik-Narsarmijiit | 265 |
Kitaa tamakkerlugu | 294 |
Naalakkersuisut 2021-misut aalajangerput qilalukkanik qaqortanik qernertanillu illersuineq piniarnerlu pillugu Namminersorlutik Oqartussat nalunaarutaat normu 3, 27. januar 2017-imeersumi paragraf 9, immikkoortoq 3-mi allassimasoq naapertorlugu sunngiffimmi piniartut qilalukkanik qaqortanik immikkut akuerineqarlutik pisassiissutit annerpaaffilernagit piniarsinnaassasut.
Naalakkersuisut aamma aalajangerpaat qilalukkat qaqortat Kitaanut pisassiissutigineqartut Kitaa tamakkerlugu piniarneqarsinnaassasut, kommunikkaarlugit agguaanneqartassanngitsut, tamanna atuulluni qaqortaqatigiit “Kitaa”-neersunut.
Inatsit tunngavigineqartoq
Qaqortanik qernertanillu qilalugarniarnermut aalajangersakkat atuutsinneqartut tassaapput Qilalukkat illersugaanerat piniagaanerallu pillugit Namminersorlutik Oqartussat nalunaarutaat nr. 3, 27. januar 2017-imeersoq.
Pisassiissutinik pisarinngitsuukkanik nuussineq - ”Carry-over”
Ukiup siuliani pisassiissutit nungunneqanngitsoortut ukiup tullianut nuunneqassapput. Nuussinermi periuseq ukiumiit ukiumut amerliartortitsinngitsoq atorneqassaaq. Pisassiissutinit qaangiilluni pisaqartoqarsimappat, tamanna pisassiissutiniit ilanngaatigineqassaaq.
Naalakkersuisoqarfiup 2021-mi pisatut nalunaarutigineqarsimasut inaarutaasumik piaartumik naatsorsussavai. Taamaattumik kisitsisit 2022-mut pisassiissutissanut nalimmassarneqarsinnaapput.
Sukumiinerusumik paasisaqarusukkaanni immikkut siunnersorti Masaana Dorph, mado@nanoq.gl, tlf. +299 345344 saaffiginnittoqarsinnaavoq.