AtuartigukAalisarnermik piniarnermillu nakkutilliisut nutaat allagartartaarput
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermik piniarnermillu nakkutilliisut nutaat arfineq marluk ilinniarnerminnut uppernarsaatissatik Hans Egedep illuani pingasunngornermi decembarip 15-ianni 2021-mi tiguaat.
Allagartartaartut ukiuni marlunni ilinniartuusut, ilinniarfimmi suliffimmilu sungiusarfiusumi ilinniartarput. Ilinniarnerup annersaa nakkutilliinermik sulinerullunilu suliffimmi sungiusarfimmi, ilinniartitsisoqarluni, pisarpoq.
Aalisarnermik piniarnermillu nakkutilliisutut ilinniartitaaneq 2019-imi aallartinneqarpoq, nunatsinni oqartussat ilinnialertussanik aallartitsinissamik aalajangermata. Ilinniartitaaneq ineriartortinneqarpoq Kalaallit Nunaanni Aalisarsinnaanermut Akuersissutinik Nakkutilliisoqarfik Danmarkimi Aalisarnermut aqutsisoqarfik aamma Jyllandip qeqqani inuussutissarsiutinut ilinniarfik Erhversakademi MidtVest suleqatigalugit.
Kalaallit Nunaanni Aalisarsinnaanermut Akuersissutinik Nakkutilliisoqarfiup pisortaa Michael D. Pedersen allagartanik tunniussisuuvoq.
- Naammassisut tunngaviusumik ilinniartitaanerisa qularnaassavaa nakkutilliinerminni annerusumik ilisimasalernissaat, oqartussat sinnerlugit sullissinerminni aamma inatsisinik ilisimasaqalernermik. Aamma ilinniarnerisa nakooqqutaasa ilaat tassaavoq nakkutilliisutut naammassisaqarluarsinnaaneq suliakkiissutinullu suugaluartunut sungiussiassuseqarneq.
- Pingaaruteqarpoq ingerlatsinermi aamma pisortaqarfinni nakkutilliisuulersut siunissami sulinerminni ilinniarsimasatik, misilittagarilersimasatillu minnerunngitsumillu suleqatitik ilagalugit suleriaaseqalissasut. Sulineq pitsaalluinnartuutinneqarnerata maluginiarnissaa pingaaruteqarpoq, nakkutilliinermi aamma sulitilluni naammassisaqarluartarnissaq pingaaruteqarluinnarluni, taama Michael D. Pedersen naammaserlaanut ilaatigut oqarpoq.
Allagartartaartut tassaapput: Jakob Andersen, Rikka Jensen Trolle, Jannik Holm, Arnanguak Steenholdt, Angutitsiaq Jerimiassen, Ludvig Hansen aamma Sofus Lars Frederiksen.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Allagartartaartut ukiuni marlunni ilinniartuusut, ilinniarfimmi suliffimmilu sungiusarfiusumi ilinniartarput. Ilinniarnerup annersaa nakkutilliinermik sulinerullunilu suliffimmi sungiusarfimmi, ilinniartitsisoqarluni, pisarpoq.
Aalisarnermik piniarnermillu nakkutilliisutut ilinniartitaaneq 2019-imi aallartinneqarpoq, nunatsinni oqartussat ilinnialertussanik aallartitsinissamik aalajangermata. Ilinniartitaaneq ineriartortinneqarpoq Kalaallit Nunaanni Aalisarsinnaanermut Akuersissutinik Nakkutilliisoqarfik Danmarkimi Aalisarnermut aqutsisoqarfik aamma Jyllandip qeqqani inuussutissarsiutinut ilinniarfik Erhversakademi MidtVest suleqatigalugit.
Kalaallit Nunaanni Aalisarsinnaanermut Akuersissutinik Nakkutilliisoqarfiup pisortaa Michael D. Pedersen allagartanik tunniussisuuvoq.
- Naammassisut tunngaviusumik ilinniartitaanerisa qularnaassavaa nakkutilliinerminni annerusumik ilisimasalernissaat, oqartussat sinnerlugit sullissinerminni aamma inatsisinik ilisimasaqalernermik. Aamma ilinniarnerisa nakooqqutaasa ilaat tassaavoq nakkutilliisutut naammassisaqarluarsinnaaneq suliakkiissutinullu suugaluartunut sungiussiassuseqarneq.
- Pingaaruteqarpoq ingerlatsinermi aamma pisortaqarfinni nakkutilliisuulersut siunissami sulinerminni ilinniarsimasatik, misilittagarilersimasatillu minnerunngitsumillu suleqatitik ilagalugit suleriaaseqalissasut. Sulineq pitsaalluinnartuutinneqarnerata maluginiarnissaa pingaaruteqarpoq, nakkutilliinermi aamma sulitilluni naammassisaqarluartarnissaq pingaaruteqarluinnarluni, taama Michael D. Pedersen naammaserlaanut ilaatigut oqarpoq.
Allagartartaartut tassaapput: Jakob Andersen, Rikka Jensen Trolle, Jannik Holm, Arnanguak Steenholdt, Angutitsiaq Jerimiassen, Ludvig Hansen aamma Sofus Lars Frederiksen.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl