AtuartigukIsumaginninnikkut suliani pitsaanerusumik sunniuteqarluarnerusumillu sulianik suliarinninneq
Kommunini sulianik suliarinninnerup arriinnera Inuit innarluutillit illersuisuata Meeqqallu illersuisuata uparuarpaat. Suliassat amerlanerat sulisunillu isumalluutit killeqarnerat kommuninut annertuumik unammilligassaqartitsipput. Taamaammat kommunit pitsaanerusumik sulianik suliarinnittalernissaannut ikiorniarlugit digitaliusumik nutaamik sulianik suliarinninnermut systemimik Namminersorlutik Oqartussat suliaqaleruttorput.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Sulianik suliarinninnissamut ataatsimoorussamik nutaamik ESDH-systemimik kommunit 2022-mi atugaqalertussaapput, taannalu Namminersorlutik Oqartussat kommunillu suleqatigiinneratigut ineriartortinneqarpoq. Sulianik suliarinnittut sulianut ataasiakkaanut, annertusinnaasunut assigiinngitsunillu katitigaasunut, sukkanerusunik tamakkiisumik isiginnissinnaanngussapput.
Tamatuma saniatigut sulianik suliarinnittut pikkorissarnerit aqqutigalugit sulianut tunngasunik piginnaasaqarnerulersinneqassapput. Suliniutit taakku suliat pitsaanerusumik, ajornannginnerusumik sukkanerusumillu suliarineqartarnissaannut ikiuutaassapput. Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu Kalaallit- qallunaallu oqartussaasoqarfiisa assigiinngitsunik suliallit akornanni sulinerup suliniutit taakku marluk ilagai.
- Meeqqat inuusuttullu kiisalu inuit innarluutillit pitsaanerusumik inuuneqalernissaannut pitsaasumik suliamik suliarinninneq aalajangiisuusarpoq. Massakkut ikiorneqarnissamik pisariaqartitsisut ikiussavagut. Aamma siunissami ikiorneqarnissamik pisariaqartitsisussat ikiortussaavagut. Aaqqiissutigut piffissaq ungasinnerusoq eqqarsaatigalugu sunniuteqartussaapput. Taamaammat systeminik digitaliusunik nutaanik sanavugut taamaaliornitsigullu sulianik sullissisugut piginnaasaminnik ineriartortitsinissaannut ikiussavagut suliassallu suli suliarineqanngitsut ikiliartortissallugit. Suliat ingerlappagut, Meeqqanut, Inuusuttunut Ilaqutariinnullu Naalakkersuisoq Paneeraq Olsen oqarpoq, nangillunilu:
- Meeqqat pillugit suliat suliarineqartarnerat patajaallisinniarlugu kommunit ukiuni 2022-miit 2024 ilanngullugu ataatsimoorussamik tapiissutit aqqutigalugit ukiumut 5 mio. kr.-inik aningaasaliiffigineqarput. Taakku meeqqanut suliat suliarineqartarnerisa pitsaanerulersinneqarnissaannut ilapittuutaanissaat neriuutigaara.
Inuit innarluutillit ukkatarineqarnerunissaat
Meeqqanut inersimasunullu innarluutilinnut sulianik suliarinnittarneq immikkut unammillernartoqarpoq. Uanittaaq digitalikkut periarfissat nutaat aamma iluaqutaassapput. ESDH-systeminut nutaamut meeqqanut sulianut tunngassuteqartumik edb-kkut programmi ineriartortinneqarsimavoq, taassumalu sulianik suliarinninnerpiaq ajornannginnerulersissavaa paasiuminarnerulersissallugulu. 2022-p aallartinnerani edb-kkut programmi taanna atortuulersinneqarpat, inunnut innarluutilinnut suliassaqarfimmut digitaliusumik sulianik suliarinnittarnissamik ineriartortitsinissamut misilittakkat atorneqarsinnaassapput. Taamaattoq inunnut innarluutilinnut edb-kkut programmiliornissaq pillugu suli isumaqatigiissusiortoqanngilaq.
Tamatuma saniatigut inuit innarluutillit tapersersorneqarnissaannut inatsimmut ilitsersuutip nutartikkap sulianik suliarinnittartut suliaat ajornannginnerulersissavai. 2022-p aallartinnerani ilitsersuutip naammassineqarnissaa naatsorsuutigineqarpoq. Tamatuma peqatigisaanik inunnut innarluutilinnut pissutsit pitsaanerpaamik patajaallisaavigineqarsinnaanersut misissorneqassaaq. Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaata malinneqarnera pillugu nalunaarusiamik Naalakkersuisut suliaqarput, taannalu nuna tamakkerlugu iliuusissanut pilersaarummik malitseqassaaq.
Illersuisut pingaaruteqartumik suliaqarput
- Meeqqat, inuusuttut inuillu innarluutillit unammiligassaat pillugit meeqqat illersuisuata inuillu innarluutillit illersuisuata uparuaaffigimmatigut qutsavigerusuppakka. Taakku atugarliortut sorsuutigaat – tamannalu ataatsimoorluta sorsuutigissavarput, Paneeraq Olsen naggasiivoq.
Attaveqarfissaq
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.
Tamatuma saniatigut sulianik suliarinnittut pikkorissarnerit aqqutigalugit sulianut tunngasunik piginnaasaqarnerulersinneqassapput. Suliniutit taakku suliat pitsaanerusumik, ajornannginnerusumik sukkanerusumillu suliarineqartarnissaannut ikiuutaassapput. Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu Kalaallit- qallunaallu oqartussaasoqarfiisa assigiinngitsunik suliallit akornanni sulinerup suliniutit taakku marluk ilagai.
- Meeqqat inuusuttullu kiisalu inuit innarluutillit pitsaanerusumik inuuneqalernissaannut pitsaasumik suliamik suliarinninneq aalajangiisuusarpoq. Massakkut ikiorneqarnissamik pisariaqartitsisut ikiussavagut. Aamma siunissami ikiorneqarnissamik pisariaqartitsisussat ikiortussaavagut. Aaqqiissutigut piffissaq ungasinnerusoq eqqarsaatigalugu sunniuteqartussaapput. Taamaammat systeminik digitaliusunik nutaanik sanavugut taamaaliornitsigullu sulianik sullissisugut piginnaasaminnik ineriartortitsinissaannut ikiussavagut suliassallu suli suliarineqanngitsut ikiliartortissallugit. Suliat ingerlappagut, Meeqqanut, Inuusuttunut Ilaqutariinnullu Naalakkersuisoq Paneeraq Olsen oqarpoq, nangillunilu:
- Meeqqat pillugit suliat suliarineqartarnerat patajaallisinniarlugu kommunit ukiuni 2022-miit 2024 ilanngullugu ataatsimoorussamik tapiissutit aqqutigalugit ukiumut 5 mio. kr.-inik aningaasaliiffigineqarput. Taakku meeqqanut suliat suliarineqartarnerisa pitsaanerulersinneqarnissaannut ilapittuutaanissaat neriuutigaara.
Inuit innarluutillit ukkatarineqarnerunissaat
Meeqqanut inersimasunullu innarluutilinnut sulianik suliarinnittarneq immikkut unammillernartoqarpoq. Uanittaaq digitalikkut periarfissat nutaat aamma iluaqutaassapput. ESDH-systeminut nutaamut meeqqanut sulianut tunngassuteqartumik edb-kkut programmi ineriartortinneqarsimavoq, taassumalu sulianik suliarinninnerpiaq ajornannginnerulersissavaa paasiuminarnerulersissallugulu. 2022-p aallartinnerani edb-kkut programmi taanna atortuulersinneqarpat, inunnut innarluutilinnut suliassaqarfimmut digitaliusumik sulianik suliarinnittarnissamik ineriartortitsinissamut misilittakkat atorneqarsinnaassapput. Taamaattoq inunnut innarluutilinnut edb-kkut programmiliornissaq pillugu suli isumaqatigiissusiortoqanngilaq.
Tamatuma saniatigut inuit innarluutillit tapersersorneqarnissaannut inatsimmut ilitsersuutip nutartikkap sulianik suliarinnittartut suliaat ajornannginnerulersissavai. 2022-p aallartinnerani ilitsersuutip naammassineqarnissaa naatsorsuutigineqarpoq. Tamatuma peqatigisaanik inunnut innarluutilinnut pissutsit pitsaanerpaamik patajaallisaavigineqarsinnaanersut misissorneqassaaq. Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaata malinneqarnera pillugu nalunaarusiamik Naalakkersuisut suliaqarput, taannalu nuna tamakkerlugu iliuusissanut pilersaarummik malitseqassaaq.
Illersuisut pingaaruteqartumik suliaqarput
- Meeqqat, inuusuttut inuillu innarluutillit unammiligassaat pillugit meeqqat illersuisuata inuillu innarluutillit illersuisuata uparuaaffigimmatigut qutsavigerusuppakka. Taakku atugarliortut sorsuutigaat – tamannalu ataatsimoorluta sorsuutigissavarput, Paneeraq Olsen naggasiivoq.
Attaveqarfissaq
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.