Kalaallit nunaata kitaani raajanut TAC allannguuteqanngilaq
Nassiussisuuvoq: Aalisarnermut Piniarnermullu NaalakkersuisoqarfikKitaani aappagu raajartassat TAC-issaat 115.000 tonsiussasoq, Naalakkersuisut decembarip 16-ianni 2021-mi aalajangerpaat. Pisassiissutigineqartut ukiup siulianut naleqqiullugit allannguuteqanngillat. 2022-mut TAC ilisimatuussutsikkut siunnersuutigineqartut amerlaqatigivaat. Tamaani pisarineqartussatut siunnersuutigineqartut 3.000 tonsiupput.
Tunumi raajartassat TAC-at 6.850 tonsiupput. Sumiiffimmut pineqartumut pisassatut siunnersuutigineqartut 3.000 tonsiupput.
EU-lu Aalisarnermik suleqatigiinnermut isumaqatigiissut naapertorlugu pisassiissutinut tikkuussiffiusut naapertorlugit, EU-mut 2022-mut TAC Kalaallit Nunaata kitaani aalajangikkamiit 2.600 tonsinut aammalu 4.850 tonsit Tunumi pisassiissutiniit immikkoortinneqarput. Aalisarnermik peqatigiinnermut 2021-mut isumaqatigiissummi aalisakkat pisassanngortinneqarsimasut amerlaqatigingajappaat.
Canadamut 1.617 tonsit 2022-mut immikkoortinneqarput, raajaqassutsip siaruarsimanerani, raajaqassutsimi kiisalu oqaluttuarisaanikkut ukiuni kingullerni qulini, 2010 – 2019, pisarineqartartuni aalajangiisartuniit naatsorsueriaaseq toqqammavigineqartoq tunngavigalugu aalajangersarneqarsimasut Kalaallit Nunaata Kitaanilu raajarniarnermit aqutsinissamut pilersaarummi allassimasut naapertorlugit.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl