AtuartigukNaligiilluni ataatsimoorfimmi peqataasinnaaneq meeqqanut inersimasunullu inuttut pisinnaatitaaffiuvoq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Inuit tamarmik kiffaanngissuseqarlutik naligiillutillu inuunikuupput. Ullumikkut Inuit pisinnaatitaaffii pillugit Naalagaaffiit Peqatigiit ullorititaani inuiaqatigiinni naligiinnginnerup akiornissaa pillugu immitsinnut eqqaasissaagut. Assersuutigalugu kulturikkut isumassarsiorfittullu ataatsimoorfinnut meeqqat eqeersimaartumik peqataanissaminnut periarfissaqarnerannut, tassani ilaqutariit aningaasaqarnerat akimmiffiusussaanani, tamanna aamma atuuppoq.
Peqatigiiffinni ataatsimoorfiit, tassani assersuutigalugu futsalimik arsarsinnaaneq ilinniarneqarluni, sanalukkerineq sisorarnerluunniit il.il. meeqqat ilaqutariillu inuiaqatigiinni peqataanissaminnut pisinnaasaanik patajaallisaanermut ilapittuutaasarput. Taamaattoq kikkut tamarmik ataatsimoorfianni, peqatigiiffinni nassaarineqarsinnaasuni, peqataasinnaasanngillat. Ataatsimoorfiup ilaaffigilernissaanut ilaasortaanermut peqataanermulluunniit akiliut akimmiffittut misigineqartarpoq.
Peqatigiiffimmi ataatsimoorfimmut ilaaneq atugarissaarnerulernermut pitsaanerusumillu inuunermi atugassaqalernermut tapersersuutaasarpoq. Najugaqarfinni inuiaqatigiinni ilaanertik meeqqatta misigissavaat. Kikkut tamarmik, qanoq tunuliaquteqarneq imaluunniit suminngaanneerneq apeqqutaatinnagu, sunngiffimmi eqeersimaartumik peqataanissaminnut assigiimmik atugassaqartinneqartariaqarput. Assersuutigalugu sanalukkerinermikkut imaluunniit arsaannermi teknikkiminnik pitsanngorsaanermikkut kikkut tamarmik iluaqutissarsisinnaapput. Taamaammat Meeqqanut, Inuusuttunut Ilaqutariinnullu Naalakkersuisoq ima kaammattuuteqarpoq:
-Ataatsimoorfiit tamatsinnut pitsaasuupput, taamaammallu ilaqutariinni meerartamik timersornermik aliikkutaraluguluunniit sammisamik nuannarilluagaannik sammisaqartinnissaannik pingaartitsinissaat inassutigissavara. Kikkulluunniit suminngaanneeraluarunik apeqqutaatinnagu tamarmik naligiipput. Tamannarpiaq pillugu immitsinnut eqqaasittuassaagut. Aningaasaqarnikkut naligiinnginneq inuiaqatigiinni ilaasutut misiginermut naleqqiullugu annertuumik kinguneqartarpoq. Ilaqutariit tamarmik eqqorneqartarput, Paneeraq Olsen oqarpoq.
Peqatigiiffinni timersornermi peqataaneq tamakkiisumik ilaannakoortumilluunniit akeqannginnissaa kommunit ilaanni qinerneqarsimavoq. Ineriartorneq taanna soqutiginarpoq aamma kulturikkut isumassarsiorfittullu ataatsimoorfinnut sunngiffimmi- peqatigiiffinnilu suliaqarnermut aaqqiissutaasinnaasut assingusut nuunneqarsinnaannginnersut eqqarsaatigineqartariaqarpoq.
Ullumikkut ulloq 10. decembari tassaavoq Inuit pisinnaatitaaffii pillugit Naalagaaffiit Peqatigiit ullorititaat. Naligiissitaaneq – naligiinnginnerup annikillisinneqarnera inuit pisinnaatitaaffiinik siuarsaasarpoq, inuit pisinnaatitaaffii pillugit ulloqartitsinermi ukioq mannarpiaq sammineqarpoq. Assersuutigalugu erinarsoqatigiinnut, assammik arsarnermut imaluunniit marralerinermut angajoqqaat meeqqamik peqataatinnissaannut periarfissaqartitsinnginnerat aningaasatigut naligiinnginnermik pissuteqartinneqassanngilaq. Ataatsimoorfiit peqatigiiffinni nassaarineqartartut, inuiaqatigiinni naligiinnermut siuarsaataapput.
Inuit pisinnaatitaaffii pillugit Naalagaaffiit Peqatigiit isumaqatigiissutaasa malinneqarnissaannut qulakkeerinninniarnermi, ilaatigut Inuttut pisinnaatitaaffinnut instituttimit Naalakkersuisut siunnersorneqartarput. 2014-imiit institutti Kalaallit Nunaanni inuit pisinnaatitaaffii pillugit nunap ilisimatusaatinik ingerlatsivigisimavaa aamma ilaatigut Kalaallit Nunaanni Inuit Pisinnaatitaaffii pillugit Siunnersuisoqatigiit suleqatigisarlugit. Kalaallit Nunaanni inuit pisinnaatitaaffiisa naammassineqarnissaannut siuarsaanermik suliaqarnerup qulakkeerneqarnissaa taakku suliassaraat. Kalaallit Nunaanni Inuit Pisinnaatitaaffii pillugit Siunnersuisoqatigiit suliamut tassunga ilaatigut ilisimasanik siunersiuinermillu ilassuteqartarpoq.
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.
Peqatigiiffinni ataatsimoorfiit, tassani assersuutigalugu futsalimik arsarsinnaaneq ilinniarneqarluni, sanalukkerineq sisorarnerluunniit il.il. meeqqat ilaqutariillu inuiaqatigiinni peqataanissaminnut pisinnaasaanik patajaallisaanermut ilapittuutaasarput. Taamaattoq kikkut tamarmik ataatsimoorfianni, peqatigiiffinni nassaarineqarsinnaasuni, peqataasinnaasanngillat. Ataatsimoorfiup ilaaffigilernissaanut ilaasortaanermut peqataanermulluunniit akiliut akimmiffittut misigineqartarpoq.
Peqatigiiffimmi ataatsimoorfimmut ilaaneq atugarissaarnerulernermut pitsaanerusumillu inuunermi atugassaqalernermut tapersersuutaasarpoq. Najugaqarfinni inuiaqatigiinni ilaanertik meeqqatta misigissavaat. Kikkut tamarmik, qanoq tunuliaquteqarneq imaluunniit suminngaanneerneq apeqqutaatinnagu, sunngiffimmi eqeersimaartumik peqataanissaminnut assigiimmik atugassaqartinneqartariaqarput. Assersuutigalugu sanalukkerinermikkut imaluunniit arsaannermi teknikkiminnik pitsanngorsaanermikkut kikkut tamarmik iluaqutissarsisinnaapput. Taamaammat Meeqqanut, Inuusuttunut Ilaqutariinnullu Naalakkersuisoq ima kaammattuuteqarpoq:
-Ataatsimoorfiit tamatsinnut pitsaasuupput, taamaammallu ilaqutariinni meerartamik timersornermik aliikkutaraluguluunniit sammisamik nuannarilluagaannik sammisaqartinnissaannik pingaartitsinissaat inassutigissavara. Kikkulluunniit suminngaanneeraluarunik apeqqutaatinnagu tamarmik naligiipput. Tamannarpiaq pillugu immitsinnut eqqaasittuassaagut. Aningaasaqarnikkut naligiinnginneq inuiaqatigiinni ilaasutut misiginermut naleqqiullugu annertuumik kinguneqartarpoq. Ilaqutariit tamarmik eqqorneqartarput, Paneeraq Olsen oqarpoq.
Peqatigiiffinni timersornermi peqataaneq tamakkiisumik ilaannakoortumilluunniit akeqannginnissaa kommunit ilaanni qinerneqarsimavoq. Ineriartorneq taanna soqutiginarpoq aamma kulturikkut isumassarsiorfittullu ataatsimoorfinnut sunngiffimmi- peqatigiiffinnilu suliaqarnermut aaqqiissutaasinnaasut assingusut nuunneqarsinnaannginnersut eqqarsaatigineqartariaqarpoq.
Ullumikkut ulloq 10. decembari tassaavoq Inuit pisinnaatitaaffii pillugit Naalagaaffiit Peqatigiit ullorititaat. Naligiissitaaneq – naligiinnginnerup annikillisinneqarnera inuit pisinnaatitaaffiinik siuarsaasarpoq, inuit pisinnaatitaaffii pillugit ulloqartitsinermi ukioq mannarpiaq sammineqarpoq. Assersuutigalugu erinarsoqatigiinnut, assammik arsarnermut imaluunniit marralerinermut angajoqqaat meeqqamik peqataatinnissaannut periarfissaqartitsinnginnerat aningaasatigut naligiinnginnermik pissuteqartinneqassanngilaq. Ataatsimoorfiit peqatigiiffinni nassaarineqartartut, inuiaqatigiinni naligiinnermut siuarsaataapput.
Inuit pisinnaatitaaffii pillugit Naalagaaffiit Peqatigiit isumaqatigiissutaasa malinneqarnissaannut qulakkeerinninniarnermi, ilaatigut Inuttut pisinnaatitaaffinnut instituttimit Naalakkersuisut siunnersorneqartarput. 2014-imiit institutti Kalaallit Nunaanni inuit pisinnaatitaaffii pillugit nunap ilisimatusaatinik ingerlatsivigisimavaa aamma ilaatigut Kalaallit Nunaanni Inuit Pisinnaatitaaffii pillugit Siunnersuisoqatigiit suleqatigisarlugit. Kalaallit Nunaanni inuit pisinnaatitaaffiisa naammassineqarnissaannut siuarsaanermik suliaqarnerup qulakkeerneqarnissaa taakku suliassaraat. Kalaallit Nunaanni Inuit Pisinnaatitaaffii pillugit Siunnersuisoqatigiit suliamut tassunga ilaatigut ilisimasanik siunersiuinermillu ilassuteqartarpoq.
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.