AtuartigukAkiuussusersuinerup naammassineqarnissaanut innuttaasut amerlanerusut ilanngunneqartariaqarput
Covid-19-imut amerlanerusut akiuussersorneqarnissaat siunertaralugu Naalakkersuisut Nunatsinnilu nakorsaaneq paasissutissiinerit aallartissavaat.
Nassiussisuuvoq: Peqqissutsimut Naalakkersuisoqarfik
Sapaatip akunnerni tulliuttuni Naalakkersuisut Nunatsinnilu nakorsaaneq nuna tamakkerlugu akiuussusersuinissamut sukumiisumik paasissutissiissapput. Inuiaqatigiinnut inunnullu ataasiakkaanut akiuussusertinnissap kaammattuutiginissaa siunertaralugu qanoq pingaartigineranik paasissutissiissutiginiarneqarpoq.
”Innuttaasut amerlanersaat Covid-19-imut akiuussusersuiniarnitsinnut tapersersuimmata nuannaarutigaara. Innuttaasut 71%-it Covid-19-imut akiuussusertillutik aalllartereerput, 66%-ii tamakkiisumik akiuussusertereerput aamma 5%-ii pingajussaanik kapitereerput. Massakkut sinneruttut ilanngukkusuttorujussuuagut. Taamaammat suli akiuussusertissimanngitsut kaammattorusuppakka akiuussusersuiniarnitsinnut neqeroorut tigoqqullugu,” taama oqarpoq Kirsten L. Fencker, Peqqinnissamut Naalakkersuisoq.
Nappaalanersuup aallartinneraniilli maani Nunatsinni tunillatsissimasut amerlassusaat kingullertigut qaffasissorujussuusut takusinnaavagut. Pissutsit maannakkutut ittut Peqqinnissaqarfimmut ilungersunartorsiortitsipput. Taamaammat nuna tamakkerlugu akiuussusersuinerup qaffanneqassanersoq pingaaruteqarluinnalerpoq. Inersimasut meeqqallu aqqaneq marluk ataallugit ukiullit akiuussusertinneqarsimannginnerisa kingunerisaanik atuarfiit, meeqqeriviit suliffeqarfiillu eqqugaapput. Meeqqat tunillanneqaraangata angajoqqaat meeqqatik angerlarsimasaqatigisariaqartalertarpaat, angerlarsimasariaqaraangatalu suliffeqarfippassuit eqqorneqartarput.
Covid-19-imut akiuussusertinnermi iluaqutissat annertupput, akiuussutissarmi perululinnginnissamut illersuutitaqarmat.
”Coronaviruseqareersimagaluaraanniluunniit illersuuteqarluarnissaq anguniarlugu akiuussusertikkaanni pitsaanerpaavoq. Taamaakkaluartoq sunniutaasartut pinaveersaarniarlugit napparsimareernermiit qaammat ataaseq qaangiuppat aatsaat akiuussusertinnissaq eqqaamasaariaqarpoq”, taama oqarpoq Nunatsinni nakorsaaneq Henrik L. Hansen
”Innuttaasut amerlanersaat Covid-19-imut akiuussusersuiniarnitsinnut tapersersuimmata nuannaarutigaara. Innuttaasut 71%-it Covid-19-imut akiuussusertillutik aalllartereerput, 66%-ii tamakkiisumik akiuussusertereerput aamma 5%-ii pingajussaanik kapitereerput. Massakkut sinneruttut ilanngukkusuttorujussuuagut. Taamaammat suli akiuussusertissimanngitsut kaammattorusuppakka akiuussusersuiniarnitsinnut neqeroorut tigoqqullugu,” taama oqarpoq Kirsten L. Fencker, Peqqinnissamut Naalakkersuisoq.
Nappaalanersuup aallartinneraniilli maani Nunatsinni tunillatsissimasut amerlassusaat kingullertigut qaffasissorujussuusut takusinnaavagut. Pissutsit maannakkutut ittut Peqqinnissaqarfimmut ilungersunartorsiortitsipput. Taamaammat nuna tamakkerlugu akiuussusersuinerup qaffanneqassanersoq pingaaruteqarluinnalerpoq. Inersimasut meeqqallu aqqaneq marluk ataallugit ukiullit akiuussusertinneqarsimannginnerisa kingunerisaanik atuarfiit, meeqqeriviit suliffeqarfiillu eqqugaapput. Meeqqat tunillanneqaraangata angajoqqaat meeqqatik angerlarsimasaqatigisariaqartalertarpaat, angerlarsimasariaqaraangatalu suliffeqarfippassuit eqqorneqartarput.
Covid-19-imut akiuussusertinnermi iluaqutissat annertupput, akiuussutissarmi perululinnginnissamut illersuutitaqarmat.
”Coronaviruseqareersimagaluaraanniluunniit illersuuteqarluarnissaq anguniarlugu akiuussusertikkaanni pitsaanerpaavoq. Taamaakkaluartoq sunniutaasartut pinaveersaarniarlugit napparsimareernermiit qaammat ataaseq qaangiuppat aatsaat akiuussusertinnissaq eqqaamasaariaqarpoq”, taama oqarpoq Nunatsinni nakorsaaneq Henrik L. Hansen