AtuartigukNuummi innaallagissap qamittoornerani ikiuuttunut tamanut qujanaq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Naalakkersuisuniit innaallagissamik sapaatit akunneranni kingullermi sivisuumik qamittooqattaarnermut atatillugu suleqataasut tamaasa qutsavigaagut. Sullissisut sulisorpassuillu pissutsinik aaqqiiniarlutik annertuumik sulisimasut immikkut qutsavigingaarpagut. Suliniutisi pitsaasut nalilerneqarsinnaanngillat.
Ukununnga qujanarujussuaq:
- Nukissiorfiit,
- Kalaallit Nunaanni Politiit,
- Issittumi Sakkutooqarfik,
- Kommunimi upalungaarsimasut,
- Tusass,
- Peqqinnissaqarfik,
- Pisiniarfiit aamma illoqarfimmi inuussutissarsiutinik ingerlataqartut – entreprenørit sanaartortitseqatigiiffiillu ilanngullugit,
- Kalaallit Nunaanni Upalungaarsimanermi Suleqatigiissitaq aamma Kalaallit Nunaanni Upalungaarsimanermi Ataatsimiititaliarsuaq.
Innuttaasut nersungaarpagut
Aamma innuttaasut, ataqatigiinnermik inuiaqatigiinnillu eqqarsaatigisaqarnermik takutitsisut annertuumik qutsavigaagut. Ajornartoornermi oqartussaasut innersuussutaasa tamanit malinneqarnerat pingaaruteqartorujussuuvoq.
Kiisami innaallagiaqaqqilerpugut, tamannalu nuannaarutigaarput. Piffissaq tulliuttoq pisumik nalilersuinermut, aammalu sullissisut assigiinngitsut misilittagaanik ilinniagaqarnermut atussavarput. Assingusunik pisoqaqqinnissaa pinaveersaartinniarlugu maanna iliuuseqarsinnaanissarput pingaaruteqarpoq. Naalakkersuisuniit ilaatigut Nukissiorfinnut aningaasaqarnikkut teknikkikkullu pisariaqartunut sinaakkusersuinissaq, taamaalillunilu siunissami assingusunut piareersimanissaat misissuiffigissavarput.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen tlf.: 346476/529844-imut e-mail: mesp@nanoq.gl imaluunniit pan@nanoq.gl aqqutigalugit attaveqarfigineqassaaq.