AtuartigukNuummi sarfamik attaveerunnerit
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Paasissutissat kingulliit 3. december
Nukissiorfiit teknikeriisa Utoqqarmiut Kangerluarsunnguata aamma Nuup akornanni kabelimi ajoqut sisamanngornermi decembarip ulluisa aappaanni sumiissusersivaat. Ajoqutaasoq Amerallip kangerluata avannarpasissortaaniittoq paasineqarluni. Nukissiorfiit ajoqutip tallimanngorpat misissoqqinneqarnissaa naatsorsuutigaat, tamatuma kingorna ajoqutip iluarsineqarnissaanut piffissaliillutik nalunaaruteqassallutik. Kabelimik misissuineq Issittumi Sakkutooqarfik, qulimiguulimmik atugassiisoq suleqatigalugu ingerlanneqarpoq.
Innaallagissap sapaatit akunneranni kingullermi aamma sapaatit akunnerani matumani qameqattaarnera Naalakkersuisunit malinnaaffigilluarneqarpoq. Nunatsinni upalungaarsimanermut ataatsimiititaliarsuaq novembarip ulluisa 30.-anni aggersarneqarpoq, oqartussaasut ataqatigiissaakkamik suliniuteqarnissaat aamma pissutsit annertuneruleqqinnissaannut piareersimanissaq qulakkeerniarlugu. Upalungaarsimaneq pillugu nalunaarutit pingaarutillit oqartussaasuniit politiit aqqutigalugit innuttaasunut nassiunneqarput.
Tassanngaannartumik pisoqarnerani pissutsinik iluarsiinissaq tamatigut pingaarnertut aallunneqartarpoq – ilaatigut innuttaasut ikiorsertariallit isumagineqarnissaat eqqarsaatigalugu. Kommunimi oqartussaasut, politiit qatserisartoqarfillu toqqissisimatitsiniarlutik annertuunik suliniuteqarput.
Nukissiorfinniit ingerlatsinermi unammilligassat iluarsiniarlugit ulapputtoqarpoq. Utoqqarmiut Kangerluarsunnguanni erngup nukinganik innaallagissiorfiup Nuullu akornanni aqqusersuummi attuuttoqarneratigut sarfaaruttoortoqartarmat innaallagiaq qamittarpoq. Aqqusersuut qanoq aserorsimatiginersoq maannarpiaq ilisimanngilarput, silalu atorsaaleriarpat tamanna soorunami misissuiffigissavarput. Silap qerinnarsiffiani masannartuliornerani, silaannaap isugutangaatsiarnerani sakkortuumillu anorlernerani attuuttoornikkut sarfaaruttoornissaq aarlerinarnerulertarpoq. Silap taamaannera ulluni kingullerni misigaarput.
Innaallagissamik pilersuinerup patajaannerulernissaa qulakkeerniarlugu Nuummi ajornartoornermi innaallagissiorfik atorneqalerpoq. Taannali kisiat illoqarfiup ilaani innaallagissap qamittooqqinnginnissaanut qulakkeerissutaasinnaanngilaq.
Pissutsit nalinginnaaneruleriarpata taama pisoqaqqinnissaa pinaveersaartinniarlugu qanoq iliortoqarsinnaaneranik paasiniaaneq aallunneqassaaq. Naalakkersuisuniit qanoq iliorluta Nukissiorfinnut aningaasaqarnikkut teknikkikkullu sinaakkutissanik pisariaqartunik pilersitsisinnaanersugut, taamaalillutalu siunissami assingusunik pisoqarnissaanik pinaveersaartitsisinnaanersugut pillugu Inatsisartuni partiit tamaasa oqaloqatigineqarniarput.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen tlf.: 346476-529844-mut imaluunniit email-it: mesp@nanoq.gl imaluunniit pan@nanoq.gl aqqutigalugit attaveqarfigineqassaaq.
Nukissiorfiit teknikeriisa Utoqqarmiut Kangerluarsunnguata aamma Nuup akornanni kabelimi ajoqut sisamanngornermi decembarip ulluisa aappaanni sumiissusersivaat. Ajoqutaasoq Amerallip kangerluata avannarpasissortaaniittoq paasineqarluni. Nukissiorfiit ajoqutip tallimanngorpat misissoqqinneqarnissaa naatsorsuutigaat, tamatuma kingorna ajoqutip iluarsineqarnissaanut piffissaliillutik nalunaaruteqassallutik. Kabelimik misissuineq Issittumi Sakkutooqarfik, qulimiguulimmik atugassiisoq suleqatigalugu ingerlanneqarpoq.
Innaallagissap sapaatit akunneranni kingullermi aamma sapaatit akunnerani matumani qameqattaarnera Naalakkersuisunit malinnaaffigilluarneqarpoq. Nunatsinni upalungaarsimanermut ataatsimiititaliarsuaq novembarip ulluisa 30.-anni aggersarneqarpoq, oqartussaasut ataqatigiissaakkamik suliniuteqarnissaat aamma pissutsit annertuneruleqqinnissaannut piareersimanissaq qulakkeerniarlugu. Upalungaarsimaneq pillugu nalunaarutit pingaarutillit oqartussaasuniit politiit aqqutigalugit innuttaasunut nassiunneqarput.
Tassanngaannartumik pisoqarnerani pissutsinik iluarsiinissaq tamatigut pingaarnertut aallunneqartarpoq – ilaatigut innuttaasut ikiorsertariallit isumagineqarnissaat eqqarsaatigalugu. Kommunimi oqartussaasut, politiit qatserisartoqarfillu toqqissisimatitsiniarlutik annertuunik suliniuteqarput.
Nukissiorfinniit ingerlatsinermi unammilligassat iluarsiniarlugit ulapputtoqarpoq. Utoqqarmiut Kangerluarsunnguanni erngup nukinganik innaallagissiorfiup Nuullu akornanni aqqusersuummi attuuttoqarneratigut sarfaaruttoortoqartarmat innaallagiaq qamittarpoq. Aqqusersuut qanoq aserorsimatiginersoq maannarpiaq ilisimanngilarput, silalu atorsaaleriarpat tamanna soorunami misissuiffigissavarput. Silap qerinnarsiffiani masannartuliornerani, silaannaap isugutangaatsiarnerani sakkortuumillu anorlernerani attuuttoornikkut sarfaaruttoornissaq aarlerinarnerulertarpoq. Silap taamaannera ulluni kingullerni misigaarput.
Innaallagissamik pilersuinerup patajaannerulernissaa qulakkeerniarlugu Nuummi ajornartoornermi innaallagissiorfik atorneqalerpoq. Taannali kisiat illoqarfiup ilaani innaallagissap qamittooqqinnginnissaanut qulakkeerissutaasinnaanngilaq.
Pissutsit nalinginnaaneruleriarpata taama pisoqaqqinnissaa pinaveersaartinniarlugu qanoq iliortoqarsinnaaneranik paasiniaaneq aallunneqassaaq. Naalakkersuisuniit qanoq iliorluta Nukissiorfinnut aningaasaqarnikkut teknikkikkullu sinaakkutissanik pisariaqartunik pilersitsisinnaanersugut, taamaalillutalu siunissami assingusunik pisoqarnissaanik pinaveersaartitsisinnaanersugut pillugu Inatsisartuni partiit tamaasa oqaloqatigineqarniarput.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen tlf.: 346476-529844-mut imaluunniit email-it: mesp@nanoq.gl imaluunniit pan@nanoq.gl aqqutigalugit attaveqarfigineqassaaq.