2020-mut TAC pillugu nassuiaat tamanut saqqummiunneqarpoq

Aalisarnermut Piniarnermullu Naalakkersuisoqarfiup Inatsisartunut TAC-mik aalajangiisimanerit pillugit nassuiaat ukiut tamaasa nassuiaat suliarisarpaa (pisassiissutit akuerisaasut amerlanerpaaffissaat) aamma Kalaallit Nunaata imartaani aalisakkanik ukiup siuliani pisassiissutaasimasut nassuiaassutigineqartarlutik, Aalisarnermut Inatsit §5, immikkoortoq 1 aamma 2 naapertorlugu. Nassuiaat Inatsisartut ukiakkut ataatsimiikkaangata saqqummiunneqartarpoq.

Nassuiaammi ataasiakkaanik pisassiisarnernut tunngaviusut aamma tamatuma kingorna pisassiissutit ataasiakkaat Kalaallit Nunaata nunallu Kalaallit Nunaata aalisarnissamik isumaqatigiissutigisimasaanut qanoq agguaanneqassanersut nassuiartarpaat. Nassuiaammi TAC-t pisassiissutillu allaaserineqarput, taakkununnga ilanngullugit ukiup ingerlanerani allannguutaasimasut.

Aalisarnermut Piniarnermullu Naalakkersuisoqarfiup TAC pillugu nassuiaatit Naalakkersuisoqarfiup nittartagaanut, APN.gl-ikkut, 2020-mili saqqummersittalerpai, nassuiaatit 2009-mit nittartakkamiittut atuarneqarsinnaalerlutik. Inatsisartut ukiakkut ataatsimiinnerat naammassiinnartoq 2020-mut TAC pillugu nassuiaat tamanut saqqummiunneqarpoq. TAC pillugu nassuiaatit uaniipput: TAC Paasissutissiissutit - Naalakkersuisut

Annerusumik paasisaqarusukkuit uunga allassinnaavutit: apn@nanoq.gl