AtuartigukSulisut misissuinerillu amerlanerit Qasigiannguanukalerput
Nassiussisuuvoq: Peqqissutsimut Naalakkersuisoqarfik
Ulloq kingulleq Qasigiannguani, pingaartumik meeqqat akornanni, tunillatsissimasut arlallit paasineqarput.
”Qasigiannguini 53-it tunillatsissimasut paasineqarput taamaattumillu sulisut amerlanerit Qasigiannguanukartinneqarnissaat aalajangiunneqarpoq. Taamaasilluni peqqinnissaqarfimmi sulisut innuttaasunik misissuinermi ikiorserneqassapput”, taama oqarpoq Kirsten Fencker.
”Upernavimmi aamma Qasigiannguani pisut assigiinngissutaat tassaavoq, Upernavimmi tunillatsissimasut amerlangaarmata innuttaasut tamarmik tunillatsissimasumut qanillisimasutut isigineqarlutik, Qasigiannguanilu suli neriuuteqarluta tuniluunneq unitsinneqarsinnaasoq”, taama oqarpoq nunatta nakorsaanera Henrik L. Hansen
Ulluni tulliuttuni sulisussat allat illoqarfimmut tikinnissaat naatsorsuutigineqarpoq.
Pisortaniit pissutsit malinnaavigineqassapput. Tuniluunnerlu pinaveersimatinniarlugu inuit ersiuteqartut allanut qanillinaveersaarnissaat sapinngisamillu inunnik attaveqarneq annikillineqarnissaa kaammattuutigineqarpoq.
Coronavirusimik tuniluunnermi pinaveersaartitsinissami pingaaruteqarnersaavoq, ersiuteqarnermi tunillatsinnissamulluunniit navianartorsiorsimagaanni imminut mattunnissaq misissortinnissarlu. Coronavirusimik tunillatsissimagaanni imminut mattuttariaqarpoq Nuummilu tunillatsissimasinnaasunik paasiniaasartut peqatigalugit qanillisimasat misissorneqarnissaat isumagineqartariaqarpoq.
Paasissutissat allat pissarsiarineqarsinnaapput naalakkersuisumut allatsi Mads Pedersen, mpbr@nanoq.gl attavigineratigut.
”Qasigiannguini 53-it tunillatsissimasut paasineqarput taamaattumillu sulisut amerlanerit Qasigiannguanukartinneqarnissaat aalajangiunneqarpoq. Taamaasilluni peqqinnissaqarfimmi sulisut innuttaasunik misissuinermi ikiorserneqassapput”, taama oqarpoq Kirsten Fencker.
”Upernavimmi aamma Qasigiannguani pisut assigiinngissutaat tassaavoq, Upernavimmi tunillatsissimasut amerlangaarmata innuttaasut tamarmik tunillatsissimasumut qanillisimasutut isigineqarlutik, Qasigiannguanilu suli neriuuteqarluta tuniluunneq unitsinneqarsinnaasoq”, taama oqarpoq nunatta nakorsaanera Henrik L. Hansen
Ulluni tulliuttuni sulisussat allat illoqarfimmut tikinnissaat naatsorsuutigineqarpoq.
Pisortaniit pissutsit malinnaavigineqassapput. Tuniluunnerlu pinaveersimatinniarlugu inuit ersiuteqartut allanut qanillinaveersaarnissaat sapinngisamillu inunnik attaveqarneq annikillineqarnissaa kaammattuutigineqarpoq.
Coronavirusimik tuniluunnermi pinaveersaartitsinissami pingaaruteqarnersaavoq, ersiuteqarnermi tunillatsinnissamulluunniit navianartorsiorsimagaanni imminut mattunnissaq misissortinnissarlu. Coronavirusimik tunillatsissimagaanni imminut mattuttariaqarpoq Nuummilu tunillatsissimasinnaasunik paasiniaasartut peqatigalugit qanillisimasat misissorneqarnissaat isumagineqartariaqarpoq.
Paasissutissat allat pissarsiarineqarsinnaapput naalakkersuisumut allatsi Mads Pedersen, mpbr@nanoq.gl attavigineratigut.