AtuartigukAalisariutit 6 meterinik anginerit digitalikkut qinnuteqalersinnaapput
Nassiussisuuvoq: Aalisarnermut Piniarnermullu Naalakkersuisoqarfik
Saarullinnik, qaleralinnik, saattuanik aamma nipisannik aalisariummik 6 meterinik anginernik aalisarniarlutik akuersissummik qinnuteqaqqaarniartut Sullissivik.gl-imut digitalikkut qinnuteqarsinnaalerput, tamannalu nutaajuvoq.
Naalakkersuisut kissaatigaat atortorissaarutit atorlugit imminnut sullissinnaanerulernissaq aamma innuttaasut ammasumik sullinneqarnissaat.
Aaqqissuussineq nutaaq aalisartunut aamma ingerlatseqatigiiffinnut saaffiginnippoq, 6 meterinik anginernut 75 bruttoregistertonsinillu oqimaatsigisunut aalisariutaatilinnut; umiatsiaaqqanut 19,99 fodinik anginernut aamma allanut sinerissap qanittuani aalisariutinut.
Digitalikkut immersugassamut allattuillutik qinnuteqartut ikiorneqartassapput, qinnuteqarnermilu immersuisimanermut uppernarsaat piumasarineqartoq ilanngunneqartassaaq.
Digitalikkut qinnuteqarniaraanni piumasarineqartut taamaallaat tassaapput NemID aamma internetti. Immersuinissaq nalornissutigineqarpat kommunimut saaffiginnilluni ikiortittoqarsinnaavoq.
Qinnuteqaatit Aalisarnermut Piniarnermullu Naalakkersuisoqarfiup aalisarsinnaanermut akuersissutinut sullissiviata qarasaasianut toqqaannartumik pisarput.
Taamaalilluni digitalikkut pitsaasumik sivikinnerusumillu sullissineq qulakkeerneqartarpoq.
Qinnuteqartuusutit pappiaqqamik qinnuteqarsimaninnut takussutissamik nassinneqassaatit, tassani allassimassallutik suut qinnutigisimaneritit.
6 meterinik anginerunngitsunik umiatsiaaraqalersimallutik qinnuteqaqqaartut aamma akuersissutiminnik nutaanngortitsiniartut kommunimut pisarnertut qinnuteqassapput.
Naalakkersuisoqarfiup digitalikkut sullissisarneq siunissami inerisartuassallugu sulissutigivaa.
Paasisaqarusukkuit Aalisarnermut Piniarnermullu Naalakkersuisoqarfimmut allassinnaavutit: apn@nanoq.gl
Naalakkersuisut kissaatigaat atortorissaarutit atorlugit imminnut sullissinnaanerulernissaq aamma innuttaasut ammasumik sullinneqarnissaat.
Aaqqissuussineq nutaaq aalisartunut aamma ingerlatseqatigiiffinnut saaffiginnippoq, 6 meterinik anginernut 75 bruttoregistertonsinillu oqimaatsigisunut aalisariutaatilinnut; umiatsiaaqqanut 19,99 fodinik anginernut aamma allanut sinerissap qanittuani aalisariutinut.
Digitalikkut immersugassamut allattuillutik qinnuteqartut ikiorneqartassapput, qinnuteqarnermilu immersuisimanermut uppernarsaat piumasarineqartoq ilanngunneqartassaaq.
Digitalikkut qinnuteqarniaraanni piumasarineqartut taamaallaat tassaapput NemID aamma internetti. Immersuinissaq nalornissutigineqarpat kommunimut saaffiginnilluni ikiortittoqarsinnaavoq.
Qinnuteqaatit Aalisarnermut Piniarnermullu Naalakkersuisoqarfiup aalisarsinnaanermut akuersissutinut sullissiviata qarasaasianut toqqaannartumik pisarput.
Taamaalilluni digitalikkut pitsaasumik sivikinnerusumillu sullissineq qulakkeerneqartarpoq.
Qinnuteqartuusutit pappiaqqamik qinnuteqarsimaninnut takussutissamik nassinneqassaatit, tassani allassimassallutik suut qinnutigisimaneritit.
6 meterinik anginerunngitsunik umiatsiaaraqalersimallutik qinnuteqaqqaartut aamma akuersissutiminnik nutaanngortitsiniartut kommunimut pisarnertut qinnuteqassapput.
Naalakkersuisoqarfiup digitalikkut sullissisarneq siunissami inerisartuassallugu sulissutigivaa.
Paasisaqarusukkuit Aalisarnermut Piniarnermullu Naalakkersuisoqarfimmut allassinnaavutit: apn@nanoq.gl