Upernavimmi pissutsit killiffiat suliniutigineqartullu

Coronamut tunngasut maannakkut ineriartulertoqaat. Sapaammi nalunaarusiaq nutaanerpaaq naapertorlugu killilersuinerit sapaatip akunnera kingulleq pilersinneqarput, taakkulu Upernavimmi Nuummilu tuniluunneq pakkersimaarniarlugu pilersinneqarput. Tamatuma kingorna suliffeqarfiutillit, kommuneqarfiit, politiit nakorsaaneqarfik partiinullu siulittaasut akornanni killilersuutit qanoq nalimmassarlugillu pitsanngorsarsinnaanerlugit oqaloqatigiittarput.

Maanna Upernavimmi nunaqarfiinilu killersuutitut ilaartuutaasut makku, ulluni 14-ini tullinnguuttuni atorallartussatut pilersinneqarput:

• Sukkulluunniit katersuuttoqassappat, taakku amerlanerpaassagunik 20-iusassapput. Tamanna ullumikkumiit atuutilissaaq nal. 18.00.
• Upernavimmi nunaqarfiinilu oqartussat aqutaannik angallanneq atuutilerneqarpoq. Tamanna isumaqarpoq inuit pingaarutilinnik akuerineqarsimasumillu suliassaqartut kisimik aallarsinnaalissasut. Tamanna atuutilissaaq nal. 00.00 sapaat ataasinngornerullu akornanni.

Taamatut killilersuutit illup iluani, silami, pisortatigoortumik innuttaasullu akornanni, nalliussisoqartillugu aaqqissuussisoqartillugulu katersuuttarnissamut atuupput. Taamaattoq inerteqqut taanna angerlarsimaffinnut inoqutigiiusunut atuutinngilaq.

Upernavimmi toqqaannartumik qanoq pisoqarpa

• Tunillatsissimasunut napparsimasunullu nukiit maanna annerusumik atorneqassapput, soorlu tunillatsissimasunik oqarasuaatikkut attaveqartarnermut.
• Misissuutip ilassaa Upernavimmut maanna nassiunneqareerpoq, taannalu atulerpat misissorneqarsinnaasut pingasoriaataannik amerlissapput. Misissuisarneq pisariaqartitsineq naapertorlugu ingerlanneqartassaaq, napparsimasut malunnaateqareersut, soorlu kiaqartut, quersortut niaqorluttullu ingammik salliutinneqartassapput.
• Tunillatsissimasut amerlasuut perulunneq ajorput. Ilaat napparsimasutulluunniit misigineq ajorput. Ilaat nualluutip ersiutaannik ulluni arlaqanngitsuni malunniuteqartassapput.

Ataasiakkaanik inoqarsinnaavoq napparsimanermi nalaanni peqqinnissaqarfimmiit ikiortarialinnik. Tamanna pillugu maannakkut peqqinnissaqarfik piareersarpoq.

• Aqagu peqqinnissaqarfimmi sulisussat allat ikiuukkiartortut Upernavimmut tikissapput, taakkulu peqqissaanerup iluani suliniutinut tapertaassapput.
• Tamatuma saniatigut ilisimatitsissutigineqassaaq peqqissaavimmi sulisut ullut tamaasa pissutsinut malinnaaniarlutik, sulinerannilu ikiuunniarlutik attaveqarfigineqartarput.

Oqartussanit kaammattuutigissavarput inuit nappaammut ersiuteqarunik inoqatiminnut akuuniaqqunagit, tuniluunneq pinngitsoortinniarlugu.

Covid-19-imik tunillatsinnginnissaq anguniarlugu sakkussaq pitsaanerpaaq tassaavoq amerlasuujulluni katersuunnaveersaarnissaq, ingammik inunnik tunillatsissimasinnaanermut ersiuteqartunut.

Kikkut tamarmik kaammattorneqarput innuttaaqatinut inuussutissanik pisiniussisarnissaq, imermik pilersuisarnissamut ikiuuttaqqullugit, kisimiittullu oqarasuaatikkut attaveqarfigisarlugit.

Ilanngullugu ilisimatitsissutigineqassaaq kommuneqarfimmit tuniluunneq pakkersimaarniarlugu assigiinngitsunik suliniuteqartoqarmat