AtuartigukNuummi atuarfeqarfinni pilertortumik misissortinneq
Nassiussisuuvoq: Peqqissutsimut Naalakkersuisoqarfik
Sisamanngornermiit Nuup atuarfiini Coronamik tuniluunneq akiorniarlugu pilertortumik misissuineq atorlugu misissuisoqalissaaq. Sisamanngorpat Falck-imi sulisut Nuummut tikissapput aqaguanilu illoqarfiup atuarfiini meeqqat ataqatigiissakkamik misissorlugit aallartissavai.
”Piffissami sivisuumi Nuummi atuartut meeqqat akornanni tuniluuttoqarpoq. Aalajangersimasumik misissuinikkut tuniluunnerit unitsinnissaat annerusumik periarfissarilissavarput, taamaasillutalu atuarfinni nalinginnaasumik ingerlalersinnaalluta”, taama oqarpoq Peqqinnissamut Naalakkersuisoq Kirsten L. Fencker.
Meeqqat angajoqqaavanit akuersissuteqarnikut taamaallaat misissorneqarsinnaapput. Tunillatsissimanermi paasiniaaneq pitsaanerpaaq anguniarlugu angajoqqaat tamarmik kajumissaarneqarput akuersissut atuarfimmiit nassataat imaluunniit atuarfiup intranetsiatigut nassaarineqarsinnaasoq immersoqqullugu.
”Tamatta misiginikuuarput qanoq erloqinartigisinnaanersoq meeqqat atuarfimmiit tunillaassuunneq pissutigalugu angerlartinneqartut, taamaattumillu neriuutigaara angajoqqaat suliniut tamanna tapersersussagaat meeqqagullu toqqissisimanartumik ulloqalersisinnaallugit,” Kirsten L. Fencker oqarpoq.
Sukumiinerusumik paasisaqarusukkuit uunga saaffiginnissinnaavutit: Mail: mpbr@nanoq.gl Oqa: 346690