AtuartigukNaalagaaffiit Peqatigiit Meeqqat Pisinnaatitaaffii pillugit Isumaqatigiissutaat ullumikkut 32-liivoq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Meeqqat pisinnaatitaaffii pillugit Naalagaaffiit Peqatigiit isumaqatigiissutaat (matuma kingorna Meeqqat pisinnaatitaaffii pillugit isumaqatigiissut) 1993-imi Kalaallit Nunaata akuersissutigimmaguli, meeqqat pisinnaatitaaffii politikkikkut oqaluuserineqartuartarput. Ullumikkut ulloq 20. novembari Naalagaaffiit Peqatigiit Meeqqat Pisinnaatitaaffii pillugit Isumaqatigiissutaata nalliuttorsiorfigaa peqatigisaanillu Nunarsuaq tamakkerlugu Meeqqat ulloq ullorivaat.
Meeqqat pisinnaatitaaffii pillugit isumaqatigiissut meeqqanut allataanngilaq. Akisussaaffimmik taassuminnga akisussaassuseqarnissarput pingaaruteqartuusoq Paneeraq Olsen, Meeqqanut, Inuusuttunut Ilaqutariinnullu Naalakkersuisuusoq isumaqarpoq:
”Meeqqat pisinnaatitaaffii pillugit isumaqatigiissut uagutsinnut inersimasuusunut allataavoq, taamaallilluta sapinngisarput tamaat malillugu meeqqat illersorniassavagut aamma Meeqqat pisinnaatitaaffii pillugit isumaqatigiissummi uagutsinnut akisussaassuseqarnissamik pisussaaffiliineq naammassisinnaassallutigu. Angajoqqaatut meeqqat pisinnaatitaaffiisa eqqortinneqarnissaat immikkut ittumik akisussaaffigaarput.”
Meeqqat pisinnaatitaaffii pillugit isumaqatigiissut artikilinik 54-inik imaqarpoq, meeqqallu tamarmik, tunuliaqutaat apeqqutaatinnagu, assigiimmik pisinnaatitaaffeqarnissaat tamarmiullutik qulakkiissavaat. Meeqqat inuunerminni tunngaveqarnissaat ineriartornissaallu, meeqqat illersorneqarnissamik pisinnaatitaaffii aamma meeqqat aalajangeeqataanissaminnik pisinnaatitaaffii tassani pineqarput.
Isumaqatigiissummi artikilit pingasut immikkut inersimasunut, meeqqap qaniginerpaasaannut, sammitinneqarput, taakkunanilu angajoqqaat akisussaassuseqarnerat, meeqqat angajoqqaallu katerisimaaqatigiittarnissaat kiisalu meeqqat perorsarneqarnissaat naqissuserneqarpoq. Ilaqutariinnut pitsaaliuinermik suliaqarneq, tassani meeqqat inuusuttullu angerlarsimaffiup avataanut inissinneqartartut ikilisinneqarnissaat siunertaralugu, iliuusissanut pilersaarummik suliaqartoqarnissaa Naalakkersuisut akuersissutigeqqammerpaat. Iliuusissanut pilersaarutip taassuma Meeqqat pisinnaatitaaffii pillugit isumaqatigiissummi artikilinik Kalaallit Nunaata sapinngisamik naammassinninnissaasa, ingammik angajoqqaat akisussaassuseqarnerannut tunngatillugu, qulakkeerinneqataaffigissavaa.
“Inuiaqatigiit peqqissuunissaannut ilaqutariit pingaaruteqarluinnarput, tassani meeqqat pitsaanerpaamik tunngavissaqarlutik inuunermik pisaasumik inuuneqarlutik peroriartortussaallutik. Meeqqat pisinnaatitaaffii pillugit isumaqatigiissummi angajoqqaat akisussaassuseqarnerat naqissuserneqarpoq, kisianni aamma uagut Naalakkersuisutut angajoqqaat akisussaaffimminnik kivitsinissaannut eqqortunik sakkussaqarnissaat pillugit pingaarnertut akisussaaffeqarnerput isumaqatigiissummi aammattaaq tikkuarneqarpoq. Ullumikkut Nunarsuaq tamakkerlugu meeqqat ulloraat, eqqaamassavarpullu allannguinermik massakkoqqissaaq, kisiannili aamma piffissaq ungasinnerusoq eqqarsaatigalugu illiuuseqassagatta. Meeqqat nunatta siunissaraat, peqqillutik atugarissaarlutillu siunissaqarnissaannut pitsaanerpaamik tunngaveqartinnissaat taakkununnga pisussaaffigivarput,” Meeqqanut, Inuusuttunut Ilaqutariinnullu Naalakkersuisoq Paneeraq Olsen oqarpoq.
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.
Uani takusinnaavat Paneeraq Olsen-ip oqalugiaataa videonngorlugu:
Meeqqat pisinnaatitaaffii pillugit isumaqatigiissut meeqqanut allataanngilaq. Akisussaaffimmik taassuminnga akisussaassuseqarnissarput pingaaruteqartuusoq Paneeraq Olsen, Meeqqanut, Inuusuttunut Ilaqutariinnullu Naalakkersuisuusoq isumaqarpoq:
”Meeqqat pisinnaatitaaffii pillugit isumaqatigiissut uagutsinnut inersimasuusunut allataavoq, taamaallilluta sapinngisarput tamaat malillugu meeqqat illersorniassavagut aamma Meeqqat pisinnaatitaaffii pillugit isumaqatigiissummi uagutsinnut akisussaassuseqarnissamik pisussaaffiliineq naammassisinnaassallutigu. Angajoqqaatut meeqqat pisinnaatitaaffiisa eqqortinneqarnissaat immikkut ittumik akisussaaffigaarput.”
Meeqqat pisinnaatitaaffii pillugit isumaqatigiissut artikilinik 54-inik imaqarpoq, meeqqallu tamarmik, tunuliaqutaat apeqqutaatinnagu, assigiimmik pisinnaatitaaffeqarnissaat tamarmiullutik qulakkiissavaat. Meeqqat inuunerminni tunngaveqarnissaat ineriartornissaallu, meeqqat illersorneqarnissamik pisinnaatitaaffii aamma meeqqat aalajangeeqataanissaminnik pisinnaatitaaffii tassani pineqarput.
Isumaqatigiissummi artikilit pingasut immikkut inersimasunut, meeqqap qaniginerpaasaannut, sammitinneqarput, taakkunanilu angajoqqaat akisussaassuseqarnerat, meeqqat angajoqqaallu katerisimaaqatigiittarnissaat kiisalu meeqqat perorsarneqarnissaat naqissuserneqarpoq. Ilaqutariinnut pitsaaliuinermik suliaqarneq, tassani meeqqat inuusuttullu angerlarsimaffiup avataanut inissinneqartartut ikilisinneqarnissaat siunertaralugu, iliuusissanut pilersaarummik suliaqartoqarnissaa Naalakkersuisut akuersissutigeqqammerpaat. Iliuusissanut pilersaarutip taassuma Meeqqat pisinnaatitaaffii pillugit isumaqatigiissummi artikilinik Kalaallit Nunaata sapinngisamik naammassinninnissaasa, ingammik angajoqqaat akisussaassuseqarnerannut tunngatillugu, qulakkeerinneqataaffigissavaa.
“Inuiaqatigiit peqqissuunissaannut ilaqutariit pingaaruteqarluinnarput, tassani meeqqat pitsaanerpaamik tunngavissaqarlutik inuunermik pisaasumik inuuneqarlutik peroriartortussaallutik. Meeqqat pisinnaatitaaffii pillugit isumaqatigiissummi angajoqqaat akisussaassuseqarnerat naqissuserneqarpoq, kisianni aamma uagut Naalakkersuisutut angajoqqaat akisussaaffimminnik kivitsinissaannut eqqortunik sakkussaqarnissaat pillugit pingaarnertut akisussaaffeqarnerput isumaqatigiissummi aammattaaq tikkuarneqarpoq. Ullumikkut Nunarsuaq tamakkerlugu meeqqat ulloraat, eqqaamassavarpullu allannguinermik massakkoqqissaaq, kisiannili aamma piffissaq ungasinnerusoq eqqarsaatigalugu illiuuseqassagatta. Meeqqat nunatta siunissaraat, peqqillutik atugarissaarlutillu siunissaqarnissaannut pitsaanerpaamik tunngaveqartinnissaat taakkununnga pisussaaffigivarput,” Meeqqanut, Inuusuttunut Ilaqutariinnullu Naalakkersuisoq Paneeraq Olsen oqarpoq.
Paasisaqarnerorusukkuit Naalakkersuisup allattaa Inûna Davidsen e-mailikkut inda@nanoq.gl-ikkut imaluunniit oqarasuaatikkut +299 25 78 54-ikkut attavigiuk.
Uani takusinnaavat Paneeraq Olsen-ip oqalugiaataa videonngorlugu: