EU-p 2022-mi aalisarnissamut periarfissai pillugit isumaqatiginniarnerit naammassipput

Aalisarnermut Piniarnermullu Naalakkersuisoqarfiup EU-mik imartatsinni 2022-mi aalisarsinnaasai pillugit ukiumoortumik isumaqatiginninniarnini naammassivaa.

Nunatta EU-llu aalisarneq pillugu 2022-mi attaveqatigiinnermut isumaqatiginniarneri Aalisarnermut Isumaqatigiissummut Ilassut 2021-2024-moortoq tunngavigalugu siullermeerlutik isumaqatigiissuteqarput, aamma Piujuaannartitsineq tunngavigalugu aalisarneq pillugu Illuatungeriilluni Suleqatigiinnissamut Isumaqatigiissut tunngavigineqarpoq. 2021-mut aalisagartassat pillugit allakkatigut aalajangersarneqareersut Aalisarnermullu Isumaqatigiissummut Ilassut tunngavigalugu nunatsinni EU-millu akuerineqareersut isumaqatigiittoqarpoq.

Atorfilittat Bruxellesimi novembarip 17-ianni 18-iannilu 2021-mi isumaqatiginninniartuupput. Nunatsinni aallartitat tassaapput Aalisarnermut Piniarnermullu Naalakkersuisoqarfik, KANUAANA, Pinngortitaleriffik, Aningaasaqarnermut Nunamullu Namminermut Tunngassutilinnut Naalakkersuisoqarfik. Kalaallit Nunaata Bruxellesimi sinniisoqarfia aamma nunatsinni aalisarnermik inuussutissarsiuteqartut.

Isumaqatigiissut tunngavigalugu EU imartatsinni 2022-mi aalisassaaq
Aalisarnissamut periarfissat aalajangersarneqarput Aalisarnissamut Isumaqatigiissummut Ilassummi aalisarneqarsinnaasutut innersuunneqartut tunngavigalugit (takuuk tabeli).

EU-p suluppaakkat aalisarsinnaasai 310 tonsinik ikilineqarput, ilisimatuussutsikkut siunnersuineq tunngavigalugu, ilisimatuut nalunaarmata Tunumi suluppaakkat ikiliartortut. Kitaani Tunumilu imminnguit aalisagartassiissutigineqartut katillugit 20 tonsinik ikilineqarput.

Nunatta 2021/2022-mi ammassattassai 135.630 tonsiupput, nunattalu EU ammassannik 7,7 procentit angullugit pisassittussaavaa, takuuk Aalisarnermut Isumaqatigiissummut Ilassut. EU-p ammassattassat tamakkiisumik pisassai tassaapput 69.623 tonsit, pisassatut innersuussutigineqartunit 56.623 tonsinik amerlanerullutik. Pisassiissutigineqartulli aatsaat akuersissutigineqassapput 2021/2022-mi aalisarnissaq pillugu siunnersuisoqareerpat, tamannalu januaarimi/februaarimi 2022-mi pissaaq.

Isumaqatigiissummi pisassiissutigineqartut ilaat ikilineqaraluartut taamaattoq naatsorsuutigineqarpoq Landkarsimut aningaasat naatsorsuutigisamit 26 million koruunit isertitsissutaanerunissaat. EU-mi aalisariutaatillit akiliutaat aamma ilanngunneqartussaassapput.

Aalisagartassiissutit	Pisassatut innersuussat. Takkuuk aalisarnermut isumaqagiissummut ilassut	EU-p 2022-mi aalisarsinnaasai	Assigiinngissutaat 2022
Saarulliit uani ICES V, XII, XIV & NAFO 1F	1.950	1.950	-
Suluppaakkat ikerinnarsiortut uani V, XII, XIV & NAFO 1F	0	0	-
Suluppaakkat natersiortut uani ICES XIV & V & NAFO 1F	1.840	1.530	-310
Qalerallit uani NAFO 1 –68O N-p kujataani	2.250	2.250	-
Qalerallit uani ICES V, XII & XIV	4.950	4.950	-
Raajat uani NAFO 1	2.600	2.600	-
Raajat uani ICES XIV & V	4.850	4.850	-
Ammassat uani ICES XIV & V	13.000	69.623**	56.623***
Imminnguit uani ICES XIV & V	100	90	-10
Imminnguit uani NAFO 1	100	90	-10
Pisarisuukkat	600	600	-

Aalisagartassiissutit	Pisassatut innersuussat. Takkuuk aalisarnermut isumaqagiissummut ilassut	EU-p 2022-mi aalisarsinnaasai	Assigiinngissutaat 2022
Aalisagartassiissutit Saarulliit uani ICES V, XII, XIV & NAFO 1F	Pisassatut innersuussat. Takkuuk aalisarnermut isumaqagiissummut ilassut 1.950	EU-p 2022-mi aalisarsinnaasai 1.950	Assigiinngissutaat 2022 -
Aalisagartassiissutit Suluppaakkat ikerinnarsiortut uani V, XII, XIV & NAFO 1F	Pisassatut innersuussat. Takkuuk aalisarnermut isumaqagiissummut ilassut 0	EU-p 2022-mi aalisarsinnaasai 0	Assigiinngissutaat 2022 -
Aalisagartassiissutit Suluppaakkat natersiortut uani ICES XIV & V & NAFO 1F	Pisassatut innersuussat. Takkuuk aalisarnermut isumaqagiissummut ilassut 1.840	EU-p 2022-mi aalisarsinnaasai 1.530	Assigiinngissutaat 2022 -310
Aalisagartassiissutit Qalerallit uani NAFO 1 –68O N-p kujataani	Pisassatut innersuussat. Takkuuk aalisarnermut isumaqagiissummut ilassut 2.250	EU-p 2022-mi aalisarsinnaasai 2.250	Assigiinngissutaat 2022 -
Aalisagartassiissutit Qalerallit uani ICES V, XII & XIV	Pisassatut innersuussat. Takkuuk aalisarnermut isumaqagiissummut ilassut 4.950	EU-p 2022-mi aalisarsinnaasai 4.950	Assigiinngissutaat 2022 -
Aalisagartassiissutit Raajat uani NAFO 1	Pisassatut innersuussat. Takkuuk aalisarnermut isumaqagiissummut ilassut 2.600	EU-p 2022-mi aalisarsinnaasai 2.600	Assigiinngissutaat 2022 -
Aalisagartassiissutit Raajat uani ICES XIV & V	Pisassatut innersuussat. Takkuuk aalisarnermut isumaqagiissummut ilassut 4.850	EU-p 2022-mi aalisarsinnaasai 4.850	Assigiinngissutaat 2022 -
Aalisagartassiissutit Ammassat uani ICES XIV & V	Pisassatut innersuussat. Takkuuk aalisarnermut isumaqagiissummut ilassut 13.000	EU-p 2022-mi aalisarsinnaasai 69.623**	Assigiinngissutaat 2022 56.623***
Aalisagartassiissutit Imminnguit uani ICES XIV & V	Pisassatut innersuussat. Takkuuk aalisarnermut isumaqagiissummut ilassut 100	EU-p 2022-mi aalisarsinnaasai 90	Assigiinngissutaat 2022 -10
Aalisagartassiissutit Imminnguit uani NAFO 1	Pisassatut innersuussat. Takkuuk aalisarnermut isumaqagiissummut ilassut 100	EU-p 2022-mi aalisarsinnaasai 90	Assigiinngissutaat 2022 -10
Aalisagartassiissutit Pisarisuukkat	Pisassatut innersuussat. Takkuuk aalisarnermut isumaqagiissummut ilassut 600	EU-p 2022-mi aalisarsinnaasai 600	Assigiinngissutaat 2022 -

*NAFO tassaavoq nunatta Kitaa, ICES tassaalluni Tunu.
**2021/2022-mi ammassanniarfik (oktobarip 15-iat – apriilip 15-iat), taakku aalajangerneqarput oktobarimi 2021-mi kingullermik siunnersuinermit.
***Nikingassutaat allanngorsinnaavoq, pisassiissutinut siunnersuineq januaarimi/februaarimi 2022-mi saqqummersinneqariarpat.

Isumaqatigiissutigineqartoq isumaqatiginninniartunut pingaarutilerujussuuvoq. EU-mik isumaqatigiissut Aalisarnermut Piniarnermullu Naalakkersuisumut kingorna saqqummiunneqassaaq akuerineqassallunilu.

For yderligere oplysninger kontakt Afdelingschef Katrine Kærgaard, e-mail: katk@nanoq.gl