Aqutsiveqarfinni pingasuni saattuartassat ilaneqarput
Nassiussisuuvoq: Aalisarnermut Piniarnermullu NaalakkersuisoqarfikNaalakkersuisut ullumi novembarip 17-ianni 2021-mi aalajangerput aqutsiveqarfinni Nuuk-Paamiuni, Sisimiut sineriaata qanittuani aamma Qeqertarsuup Tunuani - Uummannami saattuartassat ilaneqassasut.
Aqutsiveqarfinni ukunani ima amerlatigisunik saattuartassat ilaneqarput:
Nuuk-Paamiut, sinerissap qanittuani 100 tonsit
Nuuk-Paamiut, avataani: 100 tonsit
Qeqertarsuup Tunua-Uummannaq: 100 tonsit
Sisimiut, sinerissap qanittuani: 150 tonsit
Aqutsiveqarfiit Qeqertarsuup Tunua-Uummannaq aamma Sisimiut sineriaata qanittuanut pisassiissutit tamakkerlugit aalisarneqarsimammata saattuarniarneq mattoqqavoq. Aqutsiveqarfimmi Nuuk-Paamiut pisassiissutit novembarip 9-anni 51 tonsinik sinneqarput, avataanili pisassiissutit tamakkerneqarsimallutik, taamaammat avataani aqutsiveqarfik matoqqavoq.
Paasisaqarusukkaanni uunga attaviginnittoqassaaq, Aalisarnermut Piniarnermullu Naalakkersuisoqarfik. E-mail: apn@nanoq.gl