AtuartigukSaqqami peqqinnissaqarfik
22. oktober 2021-mi KNR-imi allaatigineqarsimasumut kiisalu Ilaqutariinnermut Peqqissutsimullu ataatsimiititaliap Saqqami peqqinnissaqarfiup matuneqarneranut tunngatillugu 29. oktober 2021-imeersumut tusagassiutinut nalunaarusiamut akissut
Nassiussisuuvoq: Peqqissutsimut Naalakkersuisoqarfik
22. oktober 2021 KNR-imi allaatigisaq ”Saqqaq peqqinnissamik sullissisumik amigaateqarmat peqqinnissaqarfik matusariaqartoq”-mik qulequtserneqarsimasoq saqqummiunneqarpoq. Tamannalu tunngavigalugu Ilaqutariinnermut Peqqissutsimullu Ataatsimiititaliaq allaatigisaq pillugu tusagassiutinut nalunaarummik nassiussivoq. Allaatigisimasat pillugit Peqqinnissamut Naalakkersuisoq, Kirsten Fencker, erseqqissaassuteqarusuppoq.
Saqqami napparsimaveeraq matuneqanngitsoq paasissutissiissutigineqarsinnaavoq peqqinnissakkulli sullissisutut atorfik inuttaqanngikkallartoq.
Ilulissani najugaqartut kiisalu Ilulissap nunaqarfiini eqqaaniittut najugaqartut allat assigalugit Saqqami najugallit nakorsiartarfimmut nal. 8.30-mit 10.15-ip tungaanut sianersinnaapput. Paasissutissiissutigissavarputtaaq nakorsamik peqqissaasumillu Saqqamut nakorsiartitsisoqaqqammermat.
Ilulissat iisartagaleriviata Qeqertallu nakorsiartitsiviata sulisua suleqatigalugu Saqqamut nakorsaatinik pajuttuisarneq qulakkeerneqarpoq.
Qeqertap nakorsiartitsiviata sulisua sapaatip akunneranut marloriarluni Saqqaliartarnera utaqqiisaagallartumik aaqqiissutaavoq, Saqqami peqqissutsimut ikiortitut atorfilittassamik ujartuisoqarnerata nalaani taamaaliortoqarpoq.
Arlaatigut pinartoqartillugu Ilulissani innuttaasut assigalugit pinasuartunut tunngatillugu attaveqarfissaq 94 32 11-mut attavigineqarsinnaavoq. Attaveqarfissaq ulloq unnuarlu ammasarpoq. Pinartumik napparsimasoqartillugu aamma pisariaqartitsisoqartillugu nakorsartittariaqartoq aallarunneqarsinnaasarpoq.
Peqqinnissamut Naalakkersuisup, Kirsten Fencker ima oqaaseqarpoq: “Saqqami innuttaasunut aaqqiissutaagallartoq naammaginannginnera isumaqatigaara. Avannaata kommuniani kommunalbestyrelsi peqatigalugu ataatsimoorluta ataavartumik aaqqiissuteqarnissaq siunertaralugu Saqqami innuttaasut oqaloqatiginissaat pilersaarutigaara.”
Paasissutissat sukumiinerusut Peqqinnissassutsimut Naalakkersuisoqarfik pn@nanoq.gl aqqutigalugu pissarsiarineqarsinnaapput.
Saqqami napparsimaveeraq matuneqanngitsoq paasissutissiissutigineqarsinnaavoq peqqinnissakkulli sullissisutut atorfik inuttaqanngikkallartoq.
Ilulissani najugaqartut kiisalu Ilulissap nunaqarfiini eqqaaniittut najugaqartut allat assigalugit Saqqami najugallit nakorsiartarfimmut nal. 8.30-mit 10.15-ip tungaanut sianersinnaapput. Paasissutissiissutigissavarputtaaq nakorsamik peqqissaasumillu Saqqamut nakorsiartitsisoqaqqammermat.
Ilulissat iisartagaleriviata Qeqertallu nakorsiartitsiviata sulisua suleqatigalugu Saqqamut nakorsaatinik pajuttuisarneq qulakkeerneqarpoq.
Qeqertap nakorsiartitsiviata sulisua sapaatip akunneranut marloriarluni Saqqaliartarnera utaqqiisaagallartumik aaqqiissutaavoq, Saqqami peqqissutsimut ikiortitut atorfilittassamik ujartuisoqarnerata nalaani taamaaliortoqarpoq.
Arlaatigut pinartoqartillugu Ilulissani innuttaasut assigalugit pinasuartunut tunngatillugu attaveqarfissaq 94 32 11-mut attavigineqarsinnaavoq. Attaveqarfissaq ulloq unnuarlu ammasarpoq. Pinartumik napparsimasoqartillugu aamma pisariaqartitsisoqartillugu nakorsartittariaqartoq aallarunneqarsinnaasarpoq.
Peqqinnissamut Naalakkersuisup, Kirsten Fencker ima oqaaseqarpoq: “Saqqami innuttaasunut aaqqiissutaagallartoq naammaginannginnera isumaqatigaara. Avannaata kommuniani kommunalbestyrelsi peqatigalugu ataatsimoorluta ataavartumik aaqqiissuteqarnissaq siunertaralugu Saqqami innuttaasut oqaloqatiginissaat pilersaarutigaara.”
Paasissutissat sukumiinerusut Peqqinnissassutsimut Naalakkersuisoqarfik pn@nanoq.gl aqqutigalugu pissarsiarineqarsinnaapput.