Corona pillugu nalunaarutit marluk sivitsorneqarput killilersuinerillu Sisimiunut atuutsinneqalerlutik
Nassiussisuuvoq: Peqqissutsimut Naalakkersuisoqarfik![COVID-19 virus](/-/media/billeder/covid/covid-19-image.png?cx=0.5&cy=0.5&cw=975&ch=415&hash=26C00882A07E7C18BDCCBD3DF5B72D3B)
Immersugassaq Sumut atorunnaassaaq, kisiannili Nuummut killilersuinerit sivitsorneqassapput Sisimiunullu atuutsinneqalissallutik. Tamanna ilaatigut Corona pillugu nalunaarutit, Naalakkersuisunit ullumikkut sivitsorneqartut kinguneraat. Nalunaarutit marluk taakku 1. novembarimi atorunnaartussaagaluarput, kisiannili maanna 30. novembarimut sivitsorneqarlutik.
Nuummut Sisimiunullu killilersuinerit
Namminersorlutik Oqartussat Nuummut killilersuinerit pillugit nalunaarutaat 2021-mi 1. novembarimiit 30. novembarimut sivitsorneqarput, tamatumunngalu peqatigitillugu aamma Sisimiunut atuuttussanngortinneqarluni. Siunissami Nuummi Sisimiunilu sumiiffinnut, soorlu neriniartarfinnut, imerniartarfinnut timersortarfinnullu isissagaanni akiuuttussinneqarsimanermut uppernarsaammik imaluunniit PCR-imut misissortissimanermi tunillatsissimannginnermut uppernarsaammik takutitsisoqartussaavoq.
Nalunaarut uani atuarsinnaavat.
Immersugassaq Sumut atorunnaarpoq
Kalaallit Nunaannut aamma Kalaallit Nunaanni angalanissamut piumasaqaatit pillugit Namminersorlutik Oqartussat nalunaarutaat 30. novembari 2021-mut sivitsorneqarpoq, tassanilu allannguutaavoq, aamma EU-mi nunanit, Schweizimit, Norgemit, Luxemburgimit aamma Tuluit Nunaannit Kalaallit Nunaannut angalaniartut PCR-imut misissortissimasussaammata. Tamatuma saniatigut immersugassaq Sumut atorunnaarpoq. Tassa siunissami Kalaallit Nunaanni timmisartumut ikissagaanni taamaallaat PCR-imut misissortinneq, tunillatsissimannginnermut uppernarsaataasoq aamma akiuussutissinneqarsimanermut uppernarsaat, imaluunniit najukkamut uppernarsaat takutinneqartalissapput.
Nalunaarut uani atuarsinnaavat.
Erseqqissaatigineqassaaq, ammaqqikkiartuaarnissamut pilersaarut, 3. septembari 2021-mi saqqummiunneqartoq suli atuummat.
Nuummut Sisimiunullu killilersuinerit
Namminersorlutik Oqartussat Nuummut killilersuinerit pillugit nalunaarutaat 2021-mi 1. novembarimiit 30. novembarimut sivitsorneqarput, tamatumunngalu peqatigitillugu aamma Sisimiunut atuuttussanngortinneqarluni. Siunissami Nuummi Sisimiunilu sumiiffinnut, soorlu neriniartarfinnut, imerniartarfinnut timersortarfinnullu isissagaanni akiuuttussinneqarsimanermut uppernarsaammik imaluunniit PCR-imut misissortissimanermi tunillatsissimannginnermut uppernarsaammik takutitsisoqartussaavoq.
Nalunaarut uani atuarsinnaavat.
Immersugassaq Sumut atorunnaarpoq
Kalaallit Nunaannut aamma Kalaallit Nunaanni angalanissamut piumasaqaatit pillugit Namminersorlutik Oqartussat nalunaarutaat 30. novembari 2021-mut sivitsorneqarpoq, tassanilu allannguutaavoq, aamma EU-mi nunanit, Schweizimit, Norgemit, Luxemburgimit aamma Tuluit Nunaannit Kalaallit Nunaannut angalaniartut PCR-imut misissortissimasussaammata. Tamatuma saniatigut immersugassaq Sumut atorunnaarpoq. Tassa siunissami Kalaallit Nunaanni timmisartumut ikissagaanni taamaallaat PCR-imut misissortinneq, tunillatsissimannginnermut uppernarsaataasoq aamma akiuussutissinneqarsimanermut uppernarsaat, imaluunniit najukkamut uppernarsaat takutinneqartalissapput.
Nalunaarut uani atuarsinnaavat.
Erseqqissaatigineqassaaq, ammaqqikkiartuaarnissamut pilersaarut, 3. septembari 2021-mi saqqummiunneqartoq suli atuummat.