AtuartigukRobert Petersenimut eqqaaniut
Peter Olsen, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ilinniartitaanerup ilisimatusarnerullu tungaatigut Robert Petersen annertuumik isumassarsisitsisarsimavoq.
Sivikitsumik napparsimareerluni, professori soraarneq Robert Petersen Odensemi 93-inik ukioqarluni eqqissilluni anerningerpoq.
Nunatsinni Danmarkimilu ilinniartitsisutut ilinniagaqareerluni – kiisalu Københavns Universitetimi eskimologimi magisterinngoreerluni (maannakkut taaguuteqalersimasoq Grønlandske og Arktiske Studier) Robert Petersen ilinniartitaanikkut ilisimatusarnikkullu nunatsinni malunnaateqalerpoq. Eskimologitut ilinniakkami 1972-imi lektoritut atorfinippoq. Tassani 1975-imi professorinngorpoq 1983-imilu instituttimi pisortanngorluni.
1979-imi Namminersornerullutik Oqartussat aallartereernerisigut Nuummi Inuit Instituttip aallartinneqarneranut peqataavoq. Institutti taanna 1987-imi ullumikkutut taaguuteqalerpoq, Ilisimatusarfik. Tassani Robert Petersen 1995-imi soraarninngornissani tikillugu rektoriuvoq. Taassuma saniatigut amerlasuunik tatigineqaatitut suliaqarsimavoq.
Robert Petersen ukiut ingerlaneranni ilisimatusarnermi sulianut assigiinngitsorpassuarnut peqataasarsimavoq – soorlu oqaatsitsinnut aamma allattaatsitsinnut. Assersuutitut atuarfinni atugassatut 1977-imi Kalaallisuumiit Qallunaatuumut ordbogip suliarineqarneranut peqataavoq. Taassuma saniatigut ilisimasaqarfiit assigiinngitsut soorlu atuagaateqarneq, upperisarsiorneq, oqaluttuarisaaneq, etnografi aamma politikki sammisimavai. Atuakkiai aamma allaatigisai qulequttanik ukuninnga imaqarput: Lingvistik, Inuit kulturii aamma inuiaqatigiinni pissutsit, inooqatigiinnermi aaqqissuussinerit, kalaallit danskillu atassuteqarnerat aamma nunamut piginnittussaassuseq. Ilisimatusaatimini ilisimasaqarfiit arlalinnik tunngaveqartut aallaavigalugit suleriaaseqartarsimavoq.
Robert Petersenip suliai nunatta avataaniit aamma pingaartinneqarput. Université Laval Québecimi (Canada) 1992-imi ataqqinaammik doktorinngortinneqarpoq. 2010-milu Ilisimatusarfimmit aamma taamatut ataqqinaaserneqarpoq.
Inuttut, suleqatitut ilinniartitsisutullu Robert Petersen ataqqinnilluni, eqqissisimalluni, qungujulaarluni ilakkuminarluni aamma tapersersuilluni pissusilersortarpoq.
Maligassiuinermigut aamma alapernaannermigut, sulinermigut oqaluttuarisaanermullu paasisimasaqarluarnermigut, Robert Petersen inuunermini annerpaamik – toqqaannartumik toqqaannanngikkaluamilluunniit – nunatsinni ilinniartitaanerup ilisimatusarnerullu ineriartoqqinneranut peqataasimavoq. Taamalu maanna meeqqat inuusuttullu siornatigornit amerlanerusut ilinniakkamik naammassisaqarsinnaasunngornerannut tunngavissiuusseqataasimavoq.
Eqqarsaatikka ilaqutaasunut ingerlatippakka.
Eqqaaneqarnera ataqqinartuuli.
Sivikitsumik napparsimareerluni, professori soraarneq Robert Petersen Odensemi 93-inik ukioqarluni eqqissilluni anerningerpoq.
Nunatsinni Danmarkimilu ilinniartitsisutut ilinniagaqareerluni – kiisalu Københavns Universitetimi eskimologimi magisterinngoreerluni (maannakkut taaguuteqalersimasoq Grønlandske og Arktiske Studier) Robert Petersen ilinniartitaanikkut ilisimatusarnikkullu nunatsinni malunnaateqalerpoq. Eskimologitut ilinniakkami 1972-imi lektoritut atorfinippoq. Tassani 1975-imi professorinngorpoq 1983-imilu instituttimi pisortanngorluni.
1979-imi Namminersornerullutik Oqartussat aallartereernerisigut Nuummi Inuit Instituttip aallartinneqarneranut peqataavoq. Institutti taanna 1987-imi ullumikkutut taaguuteqalerpoq, Ilisimatusarfik. Tassani Robert Petersen 1995-imi soraarninngornissani tikillugu rektoriuvoq. Taassuma saniatigut amerlasuunik tatigineqaatitut suliaqarsimavoq.
Robert Petersen ukiut ingerlaneranni ilisimatusarnermi sulianut assigiinngitsorpassuarnut peqataasarsimavoq – soorlu oqaatsitsinnut aamma allattaatsitsinnut. Assersuutitut atuarfinni atugassatut 1977-imi Kalaallisuumiit Qallunaatuumut ordbogip suliarineqarneranut peqataavoq. Taassuma saniatigut ilisimasaqarfiit assigiinngitsut soorlu atuagaateqarneq, upperisarsiorneq, oqaluttuarisaaneq, etnografi aamma politikki sammisimavai. Atuakkiai aamma allaatigisai qulequttanik ukuninnga imaqarput: Lingvistik, Inuit kulturii aamma inuiaqatigiinni pissutsit, inooqatigiinnermi aaqqissuussinerit, kalaallit danskillu atassuteqarnerat aamma nunamut piginnittussaassuseq. Ilisimatusaatimini ilisimasaqarfiit arlalinnik tunngaveqartut aallaavigalugit suleriaaseqartarsimavoq.
Robert Petersenip suliai nunatta avataaniit aamma pingaartinneqarput. Université Laval Québecimi (Canada) 1992-imi ataqqinaammik doktorinngortinneqarpoq. 2010-milu Ilisimatusarfimmit aamma taamatut ataqqinaaserneqarpoq.
Inuttut, suleqatitut ilinniartitsisutullu Robert Petersen ataqqinnilluni, eqqissisimalluni, qungujulaarluni ilakkuminarluni aamma tapersersuilluni pissusilersortarpoq.
Maligassiuinermigut aamma alapernaannermigut, sulinermigut oqaluttuarisaanermullu paasisimasaqarluarnermigut, Robert Petersen inuunermini annerpaamik – toqqaannartumik toqqaannanngikkaluamilluunniit – nunatsinni ilinniartitaanerup ilisimatusarnerullu ineriartoqqinneranut peqataasimavoq. Taamalu maanna meeqqat inuusuttullu siornatigornit amerlanerusut ilinniakkamik naammassisaqarsinnaasunngornerannut tunngavissiuusseqataasimavoq.
Eqqarsaatikka ilaqutaasunut ingerlatippakka.
Eqqaaneqarnera ataqqinartuuli.