Naalakkersuisup eqqumiitsuliortunut naggammik agguaassinera

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq 2021-mi qinnuteqaateqartitsinermi kingullermut atatillugu suliniutinut katillugit 2.545.952 koruuninik tapiissutinik agguaassivoq. Aningaasat agguaanneqartut aningaasaliissutinit, ataani pineqartunit, sisamanit agguaanneqarput.

Eqqumiitsuliornermut Aningaasaateqarfiup eqqumiitsuliornermut aningaasaliissutinik agguaassisalinnginnerani naggammik Kultureqarnermut Naalakkersuisoq agguaassinermini ima oqaaseqarpoq:

“Naalakkersuisut nuannaarutigalugu eqqumiitsuliornermut aningaasaliisarnermut agguaasarneq Eqqumiitsuliornermut Aningaasaateqarfimmut ingerlateqqippaa, taakkuami maanna eqqumiitsuliortutsinnut pikkorissunut aningaasaliisalissapput.
Naalakkersuisutut eqqumiitsuliortunut toqqaannaq naggammik aningaasaliisuunera ataqqinaatitut tiguara. Sulilluarnissaannik kissaappakka qilanaaralugulu naammassisaata takunissai.” Kultureqarnermut Naalakkersuisoq Peter P. Olsen oqarpoq.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aamma ilisimatitsissaaq, timersoqatigiiffiit suli aningaasaliiffigitinnissamut qinnuteqarnissaat 31. Oktober 2021 tungaanut periarfissaqarmata.

Kulturimut aningaasaliissutit
Kulturimut aningaasaliissutinit suliniutinut assigiinngitsunut qulinut 761.702 koruuninik tunniussisoqarpoq.

Taakkunannga taperneqarput Naleraq Lights, taanna qullernik seqersitsilluni eqqumiitsuliaminik Uummannamiunerusoq takutitsisussaavoq kiisalu Uno Aps-ip isiginnaagissiaa pissanganartoq tapertilluni.

Filmiliornermik ingerlataqartunut aningaasaliissutit
Filmiliornermik ingerlataqartunut aningaasaliissutinit filmiliornermik pilersaarutinut arfineq marluusunut katillugit 920.000 koruuninik tapiissutinik tunniussisoqarpoq. Taakkunannga Nivaara Filmsip isiginnaagassiassaa nunatta oqaluttuarisaaneranut tunngasoq aningaasalerneqarluni.

Atuakkat kalaallisoortunut aningaasaliissutit
Atuakkanut kalaallisut allatanik tapiissutaasartunit, suliat tallimat katillugit 309.300 koruuninik agguaassiffigineqarput. Tassani Milik Publishingip meeqqanut atuakkiaa “Pilu sarfap pissaaneqarfia” aningaasaliiffigineqarluni.

Kulturimik sulialinnut aningaasaliissutit
Naalakkersuisunit 2021-mi naggammik agguaassinermi kulturimik sulialinnut aningaasaliissutinut katillugit 554.950 kr. eqqumiitsuliortunut qulingiluanut qaammammut 22.000 koruuninngorlugit aningaasaliissutigineqarput. Aningaasaliiffigitittut ilagaat nipilersortartut, atuakkiortut, filmiliortartut il.il. qaammatit arlallit eqqumiitsuliaminnik suliaqartussat.

Qinnuteqarfissami tullermi Kalaallit Nunaanni Eqqumiitsuliornermut Aningaasaateqarfik qinnuteqarfigineqassaaq.

Qinnuteqarfissaq pillugu ukiup ingerlanerani paasissutissiinerusoqassaaq.

Paasisaqarnerorusukkaanni, attavigineqarsinnaavoq Naalakkersuisumut allatsi Paninnguaq Steenholdt, toqq. +299 345702, pslt@nanoq.gl

Tapiissutinik tunisittut uani takukkit