AtuartigukNunanut Allanut, Sillimaniarnermut Illersornissamullu Attaveqartarnermut Ataatsimiititaliamut Suliakkiissut atsiorneqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulittaasuat Múte Bourup Egede, Ministeriuneq Mette Frederiksen aamma Lagmand Bárður á Steig Nielsen ullumi ataasinngornermi oktobarip sisamaani nunanut allanut, sillimaniarnermut illersornissamullu attaveqartarnermut ataatsimiititaliamut suliakkiissut Qallunaat Naalakkersuisuisa, Savalimmiormiut Naalakkersuisuisa Nunattalu Naalakkersuisuisa atsiorpaat.
Tamanna ullumi ataatsimiititaliap nutaap inissititerilluni ataatsimiinnerani pivoq. Ataatsimiinneq Marienborgimi juulip qulingani 2021-mi ataatsimiinnermut malitseqartitsineruvoq.
Suliakkiissut uani atuarneqarsinnaavoq.
Ministeriuneq Mette Frederiksen imatut oqaaseqarpoq: “Issittumi Altantikullu Imartaata avannaani nunanut allanut sillimaniarnermut sakkutooqarnermullu tunngassutillit ukiuni makkunani initoorujussuupput. Qallunaat naalakkersuisuinut pingaaruteqarpoq apeqqutit tamakku pillugit Danmarkip, Savalimmiut Kalaallillu Nunaatalu suleqatigiinnerat annertusarneqassasoq. Paasissutissanik avitseqatigiittassaagut, ataqatigiissaarisassaagut qanimullu nunanut allanut sillimaniarnermut sakkutooqarnermullu immikkut Savalimmiunut Kalaallillu Nunaannut immikkut apeqqutit ittut suleqatigiissutigisarlugit. Ullumikkut immikkut suliassat allassimaffianni tamatta atsiorsimanitsigut Nunanut Allanut, Sillimaniarnermut Illersornissamullu Attaveqartarnermut Ataatsimiititaliaq nutaaq pilersinneqarpoq. Ataatsimiititaliami tassani Savalimmiut Landsstyriat Kalaallillu Nunaata Naalakkersuisui ataqqinnittumik naligiissumillu oqaloqatigiittarnissaat annertuumik qilanaaraara.”
Lagmand Bárður á Steig Nielsen ima oqaaseqarpoq: “Ataatsimiititaliap nutaap pilersinnerata takussutissaraa nunanut allanut, sillimaniarnermut sakkutooqarnermullu tunngassutilinni naalagaaffeqatigiinnerup iluani peqatigiit akimorlugit ataqatigiissaarinissaq oqaloqatigiittarnissarlu ersarissumik piumassuseqarfigineqartoq. Atlantikup Imartaata avannarlermi Issittorlu sillimaniarnissaq pillugu politikeqarnikkut sammineqariartuinnarpoq, tamannalu pillugu Savalimmiut Kalaallillu Nunaata akuunissaat pingaaruteqariartuinnarpoq. Qularinngilara tamanna tamatsinnut iluaqutaassasoq, suliallu aallartinnissaa qilanaaraara. Ataatsimiititaliaq nutaaq naalagaaffeqatigiinnerup iluani pisariaqartumik nutarterinertut isigaara.”
Naalakkersuisut Siulittaasuat Múte Bourup Egede ima oqaaseqarpoq:
”Ataatsimiititaliamik pilersitsinikkut takutinneqarpoq nunatta akornanni akimut suleqatigiinnissamut patajaallisaanissamik ataatsimut soqutigisaqarnerput. Minnerunngitsumik nunatta namminneq soqutigisaannut ataatsimullu soqutigisaannut assigiinngiiaartut suliarinissaannut tunngatillugu. Taamaaliornikkuttaaq Kalaallit Nunaata nunarsuarmiooqataaleraluttuinnartumi nunanut tamalaanut attaviinut nammineq iliuuseqarnerulluni peqataanissaanut patajaallisaataassaaq "nammineq inissaqarnerulluni", tamannalu neriuuteqarfigilluinnarpara.”
Annertunerusumik paasisaqarusukkuit una attavigiuk: Naalakkersuisut Siulittaasuata Tusagassiuisarnermut Siunnersortaata e-mailia: umat@nanoq.gl imaluunniit oqarasuaat: +299 345128 / +299 28502
Tamanna ullumi ataatsimiititaliap nutaap inissititerilluni ataatsimiinnerani pivoq. Ataatsimiinneq Marienborgimi juulip qulingani 2021-mi ataatsimiinnermut malitseqartitsineruvoq.
Suliakkiissut uani atuarneqarsinnaavoq.
Ministeriuneq Mette Frederiksen imatut oqaaseqarpoq: “Issittumi Altantikullu Imartaata avannaani nunanut allanut sillimaniarnermut sakkutooqarnermullu tunngassutillit ukiuni makkunani initoorujussuupput. Qallunaat naalakkersuisuinut pingaaruteqarpoq apeqqutit tamakku pillugit Danmarkip, Savalimmiut Kalaallillu Nunaatalu suleqatigiinnerat annertusarneqassasoq. Paasissutissanik avitseqatigiittassaagut, ataqatigiissaarisassaagut qanimullu nunanut allanut sillimaniarnermut sakkutooqarnermullu immikkut Savalimmiunut Kalaallillu Nunaannut immikkut apeqqutit ittut suleqatigiissutigisarlugit. Ullumikkut immikkut suliassat allassimaffianni tamatta atsiorsimanitsigut Nunanut Allanut, Sillimaniarnermut Illersornissamullu Attaveqartarnermut Ataatsimiititaliaq nutaaq pilersinneqarpoq. Ataatsimiititaliami tassani Savalimmiut Landsstyriat Kalaallillu Nunaata Naalakkersuisui ataqqinnittumik naligiissumillu oqaloqatigiittarnissaat annertuumik qilanaaraara.”
Lagmand Bárður á Steig Nielsen ima oqaaseqarpoq: “Ataatsimiititaliap nutaap pilersinnerata takussutissaraa nunanut allanut, sillimaniarnermut sakkutooqarnermullu tunngassutilinni naalagaaffeqatigiinnerup iluani peqatigiit akimorlugit ataqatigiissaarinissaq oqaloqatigiittarnissarlu ersarissumik piumassuseqarfigineqartoq. Atlantikup Imartaata avannarlermi Issittorlu sillimaniarnissaq pillugu politikeqarnikkut sammineqariartuinnarpoq, tamannalu pillugu Savalimmiut Kalaallillu Nunaata akuunissaat pingaaruteqariartuinnarpoq. Qularinngilara tamanna tamatsinnut iluaqutaassasoq, suliallu aallartinnissaa qilanaaraara. Ataatsimiititaliaq nutaaq naalagaaffeqatigiinnerup iluani pisariaqartumik nutarterinertut isigaara.”
Naalakkersuisut Siulittaasuat Múte Bourup Egede ima oqaaseqarpoq:
”Ataatsimiititaliamik pilersitsinikkut takutinneqarpoq nunatta akornanni akimut suleqatigiinnissamut patajaallisaanissamik ataatsimut soqutigisaqarnerput. Minnerunngitsumik nunatta namminneq soqutigisaannut ataatsimullu soqutigisaannut assigiinngiiaartut suliarinissaannut tunngatillugu. Taamaaliornikkuttaaq Kalaallit Nunaata nunarsuarmiooqataaleraluttuinnartumi nunanut tamalaanut attaviinut nammineq iliuuseqarnerulluni peqataanissaanut patajaallisaataassaaq "nammineq inissaqarnerulluni", tamannalu neriuuteqarfigilluinnarpara.”
Annertunerusumik paasisaqarusukkuit una attavigiuk: Naalakkersuisut Siulittaasuata Tusagassiuisarnermut Siunnersortaata e-mailia: umat@nanoq.gl imaluunniit oqarasuaat: +299 345128 / +299 28502