FN-ip nunarsuarmi utoqqarnut ullorititaa: Utoqqartatta inuiaqatigiinni peqataatinnissaat pikkoriffiginerussavarput
Nassiussisuuvoq: Isumaginninnermut, Suliffeqarnermut Nunamullu Namminermut NaalakkersuisoqarfikInuiaqatigiit ineriartupiloormat utoqqartavut digitaliusumi inuuffimmiittut puigussanngilavut. Naalakkersuisut utoqqaat pillugit pilersaarusiassami digitaliusumi inuuffitsinni utoqqaat ilaatinnissaat immikkut samminiarpaat.
Isumaginninnermut Sulisoqarnermullu Naalakkersuisoq Mimi Karlsen: “Eqqaamassavarput utoqqarpassuit ilinniaruminaatsittarmatigit inussuttut peroriartornerminni aqqusaartugaasa ilaat. Inuunitsinni digitaliseriineq akuugaluttuinnartoq utoqqarpassuarnut allaalluinnartutut misiginartarpoq. Sulissutiginiarparput inuiaqatigiinni aaqqiissuussinerup, utoqqarnut digitaliseriinermik ilitsoqqussaqanngitsunut, tikikkuminartuunissaa. Tamatta akisussaaffigaarput paasissutissat attaveqarnerlu pisortanut qanittuunissaa”.
FN-ip ukioq manna nunarsuarmi utoqqarnut ullorititaani digitalitigut naligiisitsinissamik ilaatitsinermillu imaqarpoq. Tassami silarsuarmi digitaliusumi utoqqaat pisariusunik naammattuugassaqarput.
Paasissutissanik sukumiinerusunik pissarsiniarnermi attavigineqassaaq: Naalakkersuisup allattaa Naja Lynge Petersen e-mailikkut: nlyp@nanoq.gl imlt oqaras.: +299 34 56 11