Atuartiguk’Isummerfiga’: Angerlarsimaffeqanngitsut kisimik atortagassaattut oqallittarfittaaq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Inunnut sullissisunut nunami namminermi angerlarsimaffeqanngitsunik oqallittarfimmi pilersinneqareersimasumi innuttaasut angerlarsimaffeqanngitsut namminneq oqaaseqarnissaminnut periarfissaqalissapput. ’Isummerfiga’-mi sammisani attuumassutilinni, aamma inunnut sullissisunut nunami namminermi angerlarsimaffeqanngitsunik oqallittarfimmi oqaluuserineqartuusuni angerlarsimaffeqanngitsut isummamik aninnissaannut periarfissaqalissapput.
2021-mi aggustimi nunami namminermi angerlarsimaffeqanngitsunik oqallittarfik Naalakkersuisut pilersippaat. Oqallittarfimmiipput angerlarsimaffeqanngitsunik suliassaqarfimmi qitiusutut suliaqartut, innuttaasunik angerlarsimaffeqanngitsunik imaluunniit innuttaasunik angerlarsimaffeerunnissamut aarleqquteqarfimmiittunik suliaqartuusut. Innuttaasut angerlarsimaffeqanngitsut nunami namminermi angerlarsimaffeqanngitsunik oqallittarfimmi oqaaseqarnissaat qularnaarniarlugu innuttaasunut angerlarsimaffeqanngitsunik oqallittarfimmut ingerlaqatigisitatut oqallittarfik, ’Isummerfiga’-mik taaneqartoq pilersinneqarpoq.
Isumaginninnermut Sulisoqarnermullu Naalakkersuisoq Mimi Karlsen ’Isummerfiga’ pillugu oqaaseqarpoq:
”Angerlarsimaffeqanngitsut oqaluuseriinnarnagit oqaloqatigissavagut. Kikkut ikiorniarlugit puigussanngilarput. Taamaattumik angerlarsimaffeqanngitsut oqaaseqarsinnaaffissaat tusaaneqarnissaallu pingaartuuvoq. Oqallittarfimmi ’Isummerfiga’-mi angerlarsimaffeqanngitsut namminneq atugarisaminnik isummaminnik anitsinissamut periarfissaqalissapput, aammalu namminneq atukkatik aallaavigalugit ilisimasaminnik misilittakkaminnillu ilalersuisinnaassallutik. Ilisimasat siunnersuutillu tamakku inunnut sullissisunut nunami namminermi angerlarsimaffeqanngitsunik oqallittarfimmi atussavavut”.
Ingerlaqatigisatut sumiiffinni angerlarsimaffeqanngitsut oqallittarfiat – angerlarsimaffeqanngitsut kisimik atortagassaat, ’Isummerfiga’
Nunami namminermi angerlarsimaffeqanngitsunik oqallittarfik qaammatit sisamakkaat missaanni ingerlanneqartarpoq, tamannalu pitinnagu sapaatip akunnera ataaseq imaluunniit marluk sioqqullugit ’Isummerfiga’-mi angerlarsimaffeqanngitsut ataatsimiillutilluunniit isumasioqatigiittassapput. Nunami namminermi angerlarsimaffeqanngitsunik oqallittarfimmi sammisanut taakkununnga oqaluuserineqartunut attuumassutilinnik ulluni atukkaminni tamaviaarfissat tamakku naapittakkatik pillugit isummatik angerlarsimaffeqanngitsut oqallittarfimmi ’Isummerfiga’-mi saqqummiussinnaavaat. Tulliatut ’Isummerfiga’-mi saqqummiunneqartutut siunnersuutit misigisallu nunami namminermi angerlarsimaffeqanngitsunik oqallittarfimmut saqqummiunneqarumaarput.
Angerlarsimaffeqanngitsunut toqqammavissat pitsaasut pilersinniarlugit oqallittarfik avatangiisuni toqqissisimanartuni sungiusimasanilu pisassaaq. Taamaattumik oqallittarfik ’Isummerfiga’ avatangiisini angerlarsimaffeqanngitsut najortagaanni pisassaaq. Assersuutigalugu Kofoeds Skolemi, imaluunniit nammineq piumassutsimik ingerlatatut aaqqissuussiffinni allani, imaluunniit neqeroorutaasuni.
Ataatsimiinneq siulleq Nuummi pissaaq. Ataatsimiinnermit siullermit misilittakkat tunngavigalugit illoqarfinni allani ataatsimiittoqartassaaq.
Erseqqinnerusumik passissutissat pillugit naalakkersuisumut allatsi Naja Lynge Petersen attavigiuk, mailikkut: nlyp@nanoq.gl imaluunniit oqarasuaatikkut: + 299 34 56 11.
2021-mi aggustimi nunami namminermi angerlarsimaffeqanngitsunik oqallittarfik Naalakkersuisut pilersippaat. Oqallittarfimmiipput angerlarsimaffeqanngitsunik suliassaqarfimmi qitiusutut suliaqartut, innuttaasunik angerlarsimaffeqanngitsunik imaluunniit innuttaasunik angerlarsimaffeerunnissamut aarleqquteqarfimmiittunik suliaqartuusut. Innuttaasut angerlarsimaffeqanngitsut nunami namminermi angerlarsimaffeqanngitsunik oqallittarfimmi oqaaseqarnissaat qularnaarniarlugu innuttaasunut angerlarsimaffeqanngitsunik oqallittarfimmut ingerlaqatigisitatut oqallittarfik, ’Isummerfiga’-mik taaneqartoq pilersinneqarpoq.
Isumaginninnermut Sulisoqarnermullu Naalakkersuisoq Mimi Karlsen ’Isummerfiga’ pillugu oqaaseqarpoq:
”Angerlarsimaffeqanngitsut oqaluuseriinnarnagit oqaloqatigissavagut. Kikkut ikiorniarlugit puigussanngilarput. Taamaattumik angerlarsimaffeqanngitsut oqaaseqarsinnaaffissaat tusaaneqarnissaallu pingaartuuvoq. Oqallittarfimmi ’Isummerfiga’-mi angerlarsimaffeqanngitsut namminneq atugarisaminnik isummaminnik anitsinissamut periarfissaqalissapput, aammalu namminneq atukkatik aallaavigalugit ilisimasaminnik misilittakkaminnillu ilalersuisinnaassallutik. Ilisimasat siunnersuutillu tamakku inunnut sullissisunut nunami namminermi angerlarsimaffeqanngitsunik oqallittarfimmi atussavavut”.
Ingerlaqatigisatut sumiiffinni angerlarsimaffeqanngitsut oqallittarfiat – angerlarsimaffeqanngitsut kisimik atortagassaat, ’Isummerfiga’
Nunami namminermi angerlarsimaffeqanngitsunik oqallittarfik qaammatit sisamakkaat missaanni ingerlanneqartarpoq, tamannalu pitinnagu sapaatip akunnera ataaseq imaluunniit marluk sioqqullugit ’Isummerfiga’-mi angerlarsimaffeqanngitsut ataatsimiillutilluunniit isumasioqatigiittassapput. Nunami namminermi angerlarsimaffeqanngitsunik oqallittarfimmi sammisanut taakkununnga oqaluuserineqartunut attuumassutilinnik ulluni atukkaminni tamaviaarfissat tamakku naapittakkatik pillugit isummatik angerlarsimaffeqanngitsut oqallittarfimmi ’Isummerfiga’-mi saqqummiussinnaavaat. Tulliatut ’Isummerfiga’-mi saqqummiunneqartutut siunnersuutit misigisallu nunami namminermi angerlarsimaffeqanngitsunik oqallittarfimmut saqqummiunneqarumaarput.
Angerlarsimaffeqanngitsunut toqqammavissat pitsaasut pilersinniarlugit oqallittarfik avatangiisuni toqqissisimanartuni sungiusimasanilu pisassaaq. Taamaattumik oqallittarfik ’Isummerfiga’ avatangiisini angerlarsimaffeqanngitsut najortagaanni pisassaaq. Assersuutigalugu Kofoeds Skolemi, imaluunniit nammineq piumassutsimik ingerlatatut aaqqissuussiffinni allani, imaluunniit neqeroorutaasuni.
Ataatsimiinneq siulleq Nuummi pissaaq. Ataatsimiinnermit siullermit misilittakkat tunngavigalugit illoqarfinni allani ataatsimiittoqartassaaq.
Erseqqinnerusumik passissutissat pillugit naalakkersuisumut allatsi Naja Lynge Petersen attavigiuk, mailikkut: nlyp@nanoq.gl imaluunniit oqarasuaatikkut: + 299 34 56 11.