AtuartigukNaalakkersuisut plastikkinik atuineq annikillisarniarpaat
Naalakkersuisut pilersaarut, aalajangersimasunik suliniuteqarnikkut plastikkinik atuinermik annikillisaaffiusussaq aammalu eqqakkanik plastikkinik suliaqarnerup pitsaanerulernissaanik qulakkeeriffiusussaq akuersissutigaat.
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Pinngortitami plastikkit, avatangiisinut, uumasunut peqqissutsimullu sunniuteqartartut avatangiisini ajornartorsiuteqarnermik annertusiartortitsipput. Plastikkit pinngortitami qimaannarneqartillutik isigiuminaallisitsisarput, tamatumalu peqatigisaanik uumasunut ajoqusiisarlutik.
- Plastikkit mingutsitsineri avatangiisinut peqqissutsitsinnullu sunniuteqarnerluttarput. Plastikkit pinngortitamut qimaannarneqaraangamik sequnninnguullutik uumasunut nerisarisatsinnut tuttarput. Suliniutinik, plastikkit annikinnerusut pinngortitamut pisarnissaannik kinguneqartussanik ingerlatsiniarpugut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Suliniuteqarnissamut pilersaarut ilaatigut Naalakkersuisut kingusinnerpaamik 2023-mi plastikkinut ataasiaannarluni atugassanut inerteqquteqarnermik atuutsitsilerniarnerannut nalunaarummik imaqarpoq.
- Akisussaaqataaniarlutik iliuuseqartartut, aammalu plastikkinik ataasiaannarluni atugassanik atuiniaratik aaqqiissutissanik allanik toqqaasartut amerliartornerat misigalugu nuannerpoq. Inuit amerlasuut ataatsimoorluta saliisarnitsinnut ikiuuttartut aammalu pinngortitamik paarsilluarniarlutik tunniusimasut takusarparput. Suliniuteqarnissamut pilersaarusiap suliarineqarnerani innuttaasunit inuussutissarsiortunillu siunnersuutinik pitsaasunik takkuttoqarpoq, tamannalu nuannaarutigilluinnarparput. Ataatsimoorluta iliuuseqaraangatta angusassat pitsaanerpaat angusinnaasarpagut, Naalakkersuisoq Kalistat Lund oqarpoq-
Aamma Naalakkersuisut plastikkinik atuinermik annikillisaaniarlutik suliniutinik allanik arlalinnik ingerlatsiniarput. Naalakkersuisut ilaatigut maanna anartarfiit puussiartaannik atuinernut taartissanik misissuiniarput, arsartarfinnit ivigaaqqanik qallikkanit plastikkit sequnnerinik mingutsitsinermik killilersuiniarlutik misiliiniarput aammalu aalisarnermik inuussutissarsiuteqarnermi atortut plastikkiusut eqqortumik iginneqartarnissaannut periarfissanik pitsannguiniarput.
Naalakkersuisut plastikkit pillugit suliniutaat uani atuaruk
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen tlf.: 346476/529844-mut imaluunniit e-mail: mesp@nanoq.gl imaluunniit pan@nanoq.gl aqqutigalugit attaveqarfigineqarsinnaavoq.
- Plastikkit mingutsitsineri avatangiisinut peqqissutsitsinnullu sunniuteqarnerluttarput. Plastikkit pinngortitamut qimaannarneqaraangamik sequnninnguullutik uumasunut nerisarisatsinnut tuttarput. Suliniutinik, plastikkit annikinnerusut pinngortitamut pisarnissaannik kinguneqartussanik ingerlatsiniarpugut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Suliniuteqarnissamut pilersaarut ilaatigut Naalakkersuisut kingusinnerpaamik 2023-mi plastikkinut ataasiaannarluni atugassanut inerteqquteqarnermik atuutsitsilerniarnerannut nalunaarummik imaqarpoq.
- Akisussaaqataaniarlutik iliuuseqartartut, aammalu plastikkinik ataasiaannarluni atugassanik atuiniaratik aaqqiissutissanik allanik toqqaasartut amerliartornerat misigalugu nuannerpoq. Inuit amerlasuut ataatsimoorluta saliisarnitsinnut ikiuuttartut aammalu pinngortitamik paarsilluarniarlutik tunniusimasut takusarparput. Suliniuteqarnissamut pilersaarusiap suliarineqarnerani innuttaasunit inuussutissarsiortunillu siunnersuutinik pitsaasunik takkuttoqarpoq, tamannalu nuannaarutigilluinnarparput. Ataatsimoorluta iliuuseqaraangatta angusassat pitsaanerpaat angusinnaasarpagut, Naalakkersuisoq Kalistat Lund oqarpoq-
Aamma Naalakkersuisut plastikkinik atuinermik annikillisaaniarlutik suliniutinik allanik arlalinnik ingerlatsiniarput. Naalakkersuisut ilaatigut maanna anartarfiit puussiartaannik atuinernut taartissanik misissuiniarput, arsartarfinnit ivigaaqqanik qallikkanit plastikkit sequnnerinik mingutsitsinermik killilersuiniarlutik misiliiniarput aammalu aalisarnermik inuussutissarsiuteqarnermi atortut plastikkiusut eqqortumik iginneqartarnissaannut periarfissanik pitsannguiniarput.
Naalakkersuisut plastikkit pillugit suliniutaat uani atuaruk
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen tlf.: 346476/529844-mut imaluunniit e-mail: mesp@nanoq.gl imaluunniit pan@nanoq.gl aqqutigalugit attaveqarfigineqarsinnaavoq.