AtuartigukNaalakkersuisut kommunillu oqaloqatigiilluarput
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Marlunngornermi 14. september 2021 Naalakkersuisut borgmesterillu politikikkut ataqatigiissaarisoqatigiit (PKG) ulloq naallugu ataatsimiipput.
Politikikkut ataqatigiissarsisoqatigiit politikimut attuumassuteqartut pisortat ingerlatsivii kommunilluunniit akimorlugit attuumassuteqartut suliarisarpaat, soorlu aningaasaqarnermik patajaatsumik qulakkeerinninnissamik suliniutit, kiisalu Namminersorlutik Oqartussanit kommuninut suliassanik nuussinerit. PKG aalajangiisinnaatitaanngilaq, PKG-li Naalakkersuisunut kommuninullu innersuussutinik saqqummiussisinnaavoq.
PKG marts 2020-mili ataatsimiissimanngilaq, taamaammallu Naalakkersuisut borgmesterillu taakkulu atorfilittaat soqutiginnilluarlutik piumassuseqarluarlutillu ullormi tassani oqallinnermik ingerlatsipput.
Sammisat assigiinngitsut ullormut oqaluuserisassanut inissinneqarput, tassani ilaatigut qinikkatut toqqakkatulluunniit suliaqarnermi aalajangersakkanik nutarterinissamik pisariaqartitsineq, Namminersorlutik Oqartussat ulloq unnuarlu angerlarsimaffiinik atuinerni akinik naatsorsueriaaseq, pinngitsuuisinnaajunnaarnermik katsorsaaneq pillugu Namminersorlutik Oqartussat kommunillu suleqatigiinnerat, peqatigiiffiit meeqqanut tunngasunik uppernarsaatinik piniartarnerinut periutsit, kiisalu utoqqarnut inissianik pitsannguutaasinnaasut, ilaatigut utoqqaat najugaqatigiiffiisa ilusilersorneqarnerat ilanngullugit.
Aningaasaqarnermut Nunamullu Namminermut Naalakkersuisoq Asii Chemnitz Narup ataatsimiinnerup kingorna ima oqaaseqarpoq: ”Kommunit Namminersorlutillu Oqartussat suleqatigiinnerisa ingerlaavartumik nukittorsarneqarlunilu pitsanngorsartuarneqarnissaa Naalakkersuisunit pingaartinneqarluinnartuuvoq. Maani nunatsinni nukiit tamaasa atorfissaqartippavut, politikikkullu anguniakkavut angussagutsigit, innuttaasullu inuuniarnermi atugaannik pitsanngorsaalluta, taava pisortat ingerlatsiviisa ataqatigiissaarinermut suleqatigiinnermullu pikkorinnerulernissaat pisariaqarluinnartuuvoq. Ataatsimiinnermi PKG-p ajornartorsiutinik ammasumik oqallisiginnillunilu aaqqiinissamut pimoorussilluni piumassuseqarluarlunilu aaqqeerusussuseqartoq misigigakku nuannaarutigeqaara. Nunarput akimorlugu, partiit, sumiiffiit oqaatsillu akimorlugit suleqatigiikkusussutsimik aaqqeerusussutsimillu ataatsimoorfeqarnerput annertoorujussuarmik pingaaruteqarpoq. Taamaalilluni PKG inuiaqatigiinnut iluaqutaasumik immikkoortuni arlalinni suliarilluakkanik patajaatsunillu politikikkut aaqqiissuteqarnissamut ikorfartuivoq. Taamaammat ataatsimiinneq ingerlalluartutut nalilerpara, PKG-milu oqallinnerit ingerlaqqinnissaat qilanaaralugu.”
PKG tullianik januar 2022-mi Aasianni ataatsimiissaaq.
Attaveqarfissaq: Nunamut Namminermut allaffimmi pisortaq Klaus Georg Hansen, Tlf. 34 51 11
Politikikkut ataqatigiissarsisoqatigiit politikimut attuumassuteqartut pisortat ingerlatsivii kommunilluunniit akimorlugit attuumassuteqartut suliarisarpaat, soorlu aningaasaqarnermik patajaatsumik qulakkeerinninnissamik suliniutit, kiisalu Namminersorlutik Oqartussanit kommuninut suliassanik nuussinerit. PKG aalajangiisinnaatitaanngilaq, PKG-li Naalakkersuisunut kommuninullu innersuussutinik saqqummiussisinnaavoq.
PKG marts 2020-mili ataatsimiissimanngilaq, taamaammallu Naalakkersuisut borgmesterillu taakkulu atorfilittaat soqutiginnilluarlutik piumassuseqarluarlutillu ullormi tassani oqallinnermik ingerlatsipput.
Sammisat assigiinngitsut ullormut oqaluuserisassanut inissinneqarput, tassani ilaatigut qinikkatut toqqakkatulluunniit suliaqarnermi aalajangersakkanik nutarterinissamik pisariaqartitsineq, Namminersorlutik Oqartussat ulloq unnuarlu angerlarsimaffiinik atuinerni akinik naatsorsueriaaseq, pinngitsuuisinnaajunnaarnermik katsorsaaneq pillugu Namminersorlutik Oqartussat kommunillu suleqatigiinnerat, peqatigiiffiit meeqqanut tunngasunik uppernarsaatinik piniartarnerinut periutsit, kiisalu utoqqarnut inissianik pitsannguutaasinnaasut, ilaatigut utoqqaat najugaqatigiiffiisa ilusilersorneqarnerat ilanngullugit.
Aningaasaqarnermut Nunamullu Namminermut Naalakkersuisoq Asii Chemnitz Narup ataatsimiinnerup kingorna ima oqaaseqarpoq: ”Kommunit Namminersorlutillu Oqartussat suleqatigiinnerisa ingerlaavartumik nukittorsarneqarlunilu pitsanngorsartuarneqarnissaa Naalakkersuisunit pingaartinneqarluinnartuuvoq. Maani nunatsinni nukiit tamaasa atorfissaqartippavut, politikikkullu anguniakkavut angussagutsigit, innuttaasullu inuuniarnermi atugaannik pitsanngorsaalluta, taava pisortat ingerlatsiviisa ataqatigiissaarinermut suleqatigiinnermullu pikkorinnerulernissaat pisariaqarluinnartuuvoq. Ataatsimiinnermi PKG-p ajornartorsiutinik ammasumik oqallisiginnillunilu aaqqiinissamut pimoorussilluni piumassuseqarluarlunilu aaqqeerusussuseqartoq misigigakku nuannaarutigeqaara. Nunarput akimorlugu, partiit, sumiiffiit oqaatsillu akimorlugit suleqatigiikkusussutsimik aaqqeerusussutsimillu ataatsimoorfeqarnerput annertoorujussuarmik pingaaruteqarpoq. Taamaalilluni PKG inuiaqatigiinnut iluaqutaasumik immikkoortuni arlalinni suliarilluakkanik patajaatsunillu politikikkut aaqqiissuteqarnissamut ikorfartuivoq. Taamaammat ataatsimiinneq ingerlalluartutut nalilerpara, PKG-milu oqallinnerit ingerlaqqinnissaat qilanaaralugu.”
PKG tullianik januar 2022-mi Aasianni ataatsimiissaaq.
Attaveqarfissaq: Nunamut Namminermut allaffimmi pisortaq Klaus Georg Hansen, Tlf. 34 51 11