AtuartigukArferit mikisut pisarineqarnerisa nalunaarutiginissaannut pisussaaffeqarnermut eqqaasitsissut
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfimmut ilisimatitsissutigineqarsimavoq Kalaallit Nunaata Kitaani piffinni arlalinni niisarnat toquinnakkat qimanneqarsimasullu siumorneqarsimasut.
Naalakkersuisoqarfiup taamatut piniarnermi ajortumik ileqqoqalerneq pissusissamisuunngilluinnartutut isigivaa sakkortunerpaamillu inassutigalugu, arferit mikisut pisarineqarnerisa nalunaarutigineqarnerisa saniatigut, matumunnga niisarnat ilanngullugit, aamma najugaqarfigisamut tikiunneqartarnissaat.
Ilisimatitsissutigineqassaaq kinaluunniit saniatigooralugu piniarnermut allagartamik pigisaqartoq imaluunniit inuussutissarsiutigalugu allagartamik pigisaqartoq pisussaaffeqarmat pisarineqartut tamaasa nalunaarutiginissaannut, matumani arferit mikisut ilanngullugit, takuuk Namminersorlutik Oqartussat Nalunaarutaanni nr. 13, 30 December 2014-imeersumi § 8, imm. 1, piniarnermi inuussutissarsiutigalugu allagartanut tunngasoq aammalu Namminersorlutik Oqartussat Nalunaarutaanni nr. 14, 30 December 2014-imeersumi § 8, imm. 1, saniatigooralugu piniarnermut allagartanut tunngasoq.
Ilisimatitsissutigineqassaaq Kalaallit Nunaanni Pinerluttulerinermi Inatsit naapertorlugu pisanik nalunaaruteqarnissamik pisussaaffimmik unioqqutitsineq akiliisitsinermik kinguneqarsinnaammat.
Paasissutissat sukumiinerusut immikkoortortami pisortaq Amalie Jessen, Aalisarnermut Piniarnermullu Naalakkersuisoqarfik, attavigalugu pissarsiarineqarsinnaapput, tlf.: 34 53 04, e-mail: amalie@nanoq.gl