AtuartigukSisimiuni imigassamik inerteqquteqarneq unnuap qeqqaniit atorunnaassaaq
Nassiussisuuvoq: Peqqissutsimut Naalakkersuisoqarfik
Sisimiuni, Itillimi Sarfannguanilu imigassamik inerteqquteqarnerit oqartussaasunut saaffiginnissutinik suliassanillu ikilisaanissamut pisariaqartumik piffissaqartitsisimapput – taamaattumik imigassamut inerteqquteqarneq sivitsorneqarani unnuap qeqqanut atorunnaassaaq.
Qeqqata Kommuniata kissaateqarnera tunngavigalugu sapaatit akunneranni kingullermi Naalakkersuisut Sisimiuni, Itillimi Sarfannguanilu imigassamik inerteqquteqarneq atuutsilerpaat. Piffissami imigassamik inerteqquteqarfiusumi peqqinnissaqarfik suliassarpassuit saaffiginnissuterpassuillu ikilisinniarlugit pisariaqartitaminnik eqqissisimatinneqarput.
Taamaattumik unnuap qeqqaniit imigassamik inerteqquteqarneq atorunnaassaaq.
Killilersuutit allat tamarmik, soorlu katerinnernut tamanillu orninneqarsinnaasuni kapitissimanissamut piumasaqaatinut tunngasut suli Sisimiunut atuutissapput, aammalu peqqissutsimik suliallit innersuussutaasa malinneqarnissaat sakkortunerpaamik inassutigineqarpoq.