Peqqinnissaqarfimmi aqutsisut allanngorput

Kalaallit Nunaanni Peqqinnissaqarfimmi pisortaq Jóanis Erik Køttlum atorfimmini augustip naaneranut soraarniuteqarluni nalunaarpoq.

Peqqissaasut ningiuat Ella Skifte pisortaagallassasoq aalajangerneqarpoq. Ella Skifte Kalaallit Nunaanni Peqqinnissaqarfimmi aqutsisutut sivisuumik misilittagaqarpoq,.

Jóanis Erik Køttlum piffinni marlunni atorfeqarnikuuvoq, tassalu 2012-miit 2016-mut piffissarlu una kingulleq 2020-miit 2021-mut atorfeqarsimalluni.

Peqqissutsimut Naalakkersuisoqarfimmi pisortaq Aka Olesen, oqarpoq: ”Jóanis peqqinnissaqarfimmut tunniussaanut annertuunut sulerusussusianullu qujafigerusuppara siunissamilu ajunnginnerpaamik kissaallugu.
Naatsorsuutigaara peqqinnissaqarfimmi maannamut suliassat, ilaatigut covid-19-mut aamma akiuussusersuinissamut pilersaarutit, allanngortinngikkaluarlugit ingerlaannassasugut.”

Paasissutissanik suli pissarserusukkuit pn@nanoq.gl-mut allassinnaavutit.