AtuartigukMittarfiliat pillugit tamanut saqqummiussineruneq, ammanerunerlu
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Naalakkersuisooqatigiinnissamik isumaqatigiissummi allassimasutut, mittarfiliat pillugit suliniummi killiffik pillugu naalakkersuisooqatigiit innuttaasunut paasissutissiiniarput. Ataatsimut isigalugu suliniutit nunatta oqaluttuarisaanerani immikkut ataatsimullu sanaartornermi aningaasaliinerit annersaarisaasa ilagisaat, ilutigalugulu sumiiffinni, nunap immikkoortortaanni, nunamilu tamarmi ineriartortitsinissamut periarfissarpassuarnik ammaassisussat pillugit tamanut saqqummiussisoqarnerunissaa Naalakkersuisut kissaatigaat.
Naalakkersuisooqatigiinnissamik isumaqatigiissummi aamma allassimavoq, suleriaqqinnissami Inatsisartut akuutinneqarnissaat, peqataatinneqarnissaallu naatsorsuutigineqassasoq. Tamanna tunuliaqutaralugu Inatsisartut innuttaasullu juuni naatinnagu paasissutissinneqassasut Ineqarnermut, Attaveqatigiinnermut, Aatsitassanut, Naligiisitaanermullu Naalakkersuisup Naaja H. Nathanielsenip kiisalu Aningaasaqarnermut Nunamullu Namminermut Naalakkersuisup Asii Ch. Narupip pilersaarutigaat.
Peqatigiillutit oqaatigaat:
”Mittarfiliat pillugit suliniut pillugu annerusumik ilisimasaqarnissamik paasinninnissamillu pisariaqartitsisoqarneranut paasinnilluarpugut. Taamaattumik pisariaqartumik tamat isiginnissuteqarnermik pilersitsiumalluta siunnerfilimmik sulivugut. Suliniutit pillugit killiffimmik pisumullu paasissutissiilluta ataatsimiisitsinissatsinnut partiini siulittaasut kiisalu Inatsisartut Aningaasaqarnermut Ataatsimiititaliaa aamma Sanaartornermut Ataatsimiititaliaa piffissami qaninnerusumi aggersaassummik nassinneqassapput. Tamatuma kinguninngua Inatsisartuni ilaasortat sinneri kiisalu nunatsinni innuttaasut paasissutissinneqassapput. Atortussatut saqqummiussanik tusagassiorfinnut nassitsissaagut, Naalakkersuisullu nittartagaasigut paasissutissanik pisariaqartunik aamma saqqummiissalluta. Sulineq tamanna Naalakkersuisooqatigiit ammasuunissamik, oqaloqatigiinnissamillu kissaateqarnerinut naapertuuppoq, oqalliseqatiginninnissarlu qilanaaralutigu”.
Annertunerusumik paasisaqarusunnermi Ineqarnermut, Attaveqatigiinnermut Naligiissitaanermullu Naalakkersuisoqarfik attaveqarfigineqassaaq, uunga box909@nanoq.gl
Naalakkersuisooqatigiinnissamik isumaqatigiissummi aamma allassimavoq, suleriaqqinnissami Inatsisartut akuutinneqarnissaat, peqataatinneqarnissaallu naatsorsuutigineqassasoq. Tamanna tunuliaqutaralugu Inatsisartut innuttaasullu juuni naatinnagu paasissutissinneqassasut Ineqarnermut, Attaveqatigiinnermut, Aatsitassanut, Naligiisitaanermullu Naalakkersuisup Naaja H. Nathanielsenip kiisalu Aningaasaqarnermut Nunamullu Namminermut Naalakkersuisup Asii Ch. Narupip pilersaarutigaat.
Peqatigiillutit oqaatigaat:
”Mittarfiliat pillugit suliniut pillugu annerusumik ilisimasaqarnissamik paasinninnissamillu pisariaqartitsisoqarneranut paasinnilluarpugut. Taamaattumik pisariaqartumik tamat isiginnissuteqarnermik pilersitsiumalluta siunnerfilimmik sulivugut. Suliniutit pillugit killiffimmik pisumullu paasissutissiilluta ataatsimiisitsinissatsinnut partiini siulittaasut kiisalu Inatsisartut Aningaasaqarnermut Ataatsimiititaliaa aamma Sanaartornermut Ataatsimiititaliaa piffissami qaninnerusumi aggersaassummik nassinneqassapput. Tamatuma kinguninngua Inatsisartuni ilaasortat sinneri kiisalu nunatsinni innuttaasut paasissutissinneqassapput. Atortussatut saqqummiussanik tusagassiorfinnut nassitsissaagut, Naalakkersuisullu nittartagaasigut paasissutissanik pisariaqartunik aamma saqqummiissalluta. Sulineq tamanna Naalakkersuisooqatigiit ammasuunissamik, oqaloqatigiinnissamillu kissaateqarnerinut naapertuuppoq, oqalliseqatiginninnissarlu qilanaaralutigu”.
Annertunerusumik paasisaqarusunnermi Ineqarnermut, Attaveqatigiinnermut Naligiissitaanermullu Naalakkersuisoqarfik attaveqarfigineqassaaq, uunga box909@nanoq.gl