Meerartaarnermut atatillugu sulinngiffeqarnermut aningaasaateqarfiup siulersuisui toqqarneqarput

Ulloq 1. juli aallarnerfigalugu suliffeqarfinni namminersortuni sulisut sulinngiffeqarnerminni akissarsiaqarsinnaatitaalissapput, tamannalu angajoqqaat meerartaarnerminnut atatillugu sulinngiffeqarnissaannut pitsaanerusumik periarfissaqalernissaannik pilersitsissaaq. 2021-mi ataasinngornermi maajip 17-iani ataatsimiinnermi siulersuisut inissitsiterput.

Meerartaarnermut atatillugu sulinngiffeqarnermi atugassarititaasut Inatsisartut inatsisaatigut 2020-mi akuersissutigineqartukkut Inatsisartut pitsanngorsaavigaat.  Taassuma angajoqqaanngorlaat ilaatigut sivisunerusumik meerartaarnerminnut atatillugu sulinngiffeqarsinnaanerat qulakkeerpaa.  Angajoqqaat meerartaarnermut atatillugu sulinngiffeqarnerminni ilaqutartaannguamik atugarissaarnissaanik isumaginninnerminnik aallussinissaat inatsisip pitsaanerusumik periarfissippaa.  Akigititat atuuttut malillugit suliffeqarfinni namminersortuni sulisut meerartaarnermut atatillugu sulinngiffeqarnerminni akissarsiaqarsinnaanerat Meerartaarnermut atatillugu sulinngiffeqarnermut aningaasaateqarfiup tassa qulakkeerpaa.  Suliffeqarfeqarfinnut namminersortunut meerartaarnermut atatillugu sulinngiffeqarnermut aningaasaateqarfik ataatsimut akisussaaffeqaqatigiittut naligiissaarinermik aningaasaateqarfeqarfittut taaneqartarpoq, tassami taassuma meerartaarnermut atatillugu sulinngiffeqarnermi akissarsianut aningaasartuutit sulisitsisut namminersortut akornanni assigiimmik agguarneqarnissaat qulakkeerpaa.

Siulittaasutut juumooq Anne Schurmann Naalakkersuisut toqqarpaat.  Anne Schurmann oqarpoq:  “Meerartaarnermut atatillugu sulinngiffeqarnermut aningaasaateqarfimmi sulinissarput qilanaaraarput.  Ingerlasinnaasumik piaartumik allattoqarfeqalernissarput angorusupparput, taassumalu suleqatiginissaa qilanaaraarput.”

Suliffeqarfeqarfimmi illuatungeriinnit innersuussinerup kingorna siulersuisuni ilaasortat Naalakkersuisunit toqqarneqarput.   Else Jonna Villadsen aamma Jacob G. Motzfeldt SIK-p innersuussineratigut toqqarneqarput, Karsten Lyberth-Klausen aamma Astrid Spring Öberg Sulisitsisut innersuussinerisigut toqqarneqarlutik, tamatumalu peqatigisaanik Anne Schurmann AK-mit, IMAK-mit aamma PPK-mit innersuussutigineqarpoq.

Ilaatigut ukiumoortumik Naalakkersuisunut nalunaarusiortarnermik siulersuisut suliaqassapput.  Meerartaarnermut atatillugu sulinngiffeqarnermut aningaasaateqarfiup pilersinneqarneratigut, sulisoq meerartaarnermut atatillugu sulinngiffeqalerpat, akigititat atuuttut malillugit sulisitsisut akissarsianut aningaasartuutiminnik utertitsivigineqarnissamik pisinnaatitaaffeqalerput.  Aningaasaateqarfimmit aningaasat akilerneqarnerat allattoqarfiup suliassatut aqussavaa. 

Paasisaqarnerorusukkuit Tommy Bach e-mailikkut: toba@nanoq.gl-ikkut attavigiuk.