AtuartigukBlinkenip nunatsinniinnissaannut tusagassiortut isersinnaatitaanerat
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut siulittaasuata Múte Bourup Egedep aamma Inuussutissarsiornermut, Niuernermut, Nunanut Allanut Silallu Pissusiata Allanngoriartorneranut Naalakkersuisup Pele Brobergip USA-p nunanut allanut ministeria Antony Blinken Kangerlussuarmi maajip ulluisa 20-anni 2021 ataatsimeeqatigissavaat. Danmarkittaaq nunanut allanut ministeria Jeppe Kofod ataatsimiinnermut peqataassaaq.
Tikeraartoqarnerup nalaani tusagassiorfiit assiliinissaminnut periarfissinneqarumaarput, tikeraartoqarnerlu tusagassiortunik katersortitsinermik tuluttut ingerlanneqartumik naggaserneqarumaarpoq.
Tusagassiortut isersinnaatitaanissaanut piumasaqaateqarumaarpoq, aamma tusagassiortuunermut allagartamik suliffeqarfiulluunniit allagartaanik pulaarnerup nalaani tigumiartoqassaaq. Tusagassiorfiit ataatsimiinnermut najuunnissaminnik kissaateqartut paasissutissanik matuma ataani allassimasunik nassiusseqquneqarput:
- Atit tamaasa
- Tusagassiorfik
- Atorfik
- Inuuik
Paasissutissat taakku Naalakkersuisut tusagassiuisarnermut siunnersortaannut Uiloq Mathæussenimut e-mailimut umat@nanoq.gl-imut nassiunneqassapput. Malugineqassaaq paasissutissat nassiunneqartut nuna tamakkerlugu isumannaallisaanermik oqartussaasunut ilisimatitsissutigineqassammata.
Tusagassiortutut isersinnaatitaanermik qinnuteqarnissamut killigititaq tassaavoq maajip 17-at 2021 nal. 9:00 Kalaallit Nunaata nalunaaqutaa malillugu.
Covid-19 pissutigalugu killilersuinerit
Tusagassiorfinnut ataatsimiinnissamut malinnaarusuttunut Covid-19 pillugu oqartussat innersuussutaat killilersuinerallu eqqumaffigeqquneqarput.
Paasisaqarnerorusuttunut attaveqarfissaq
Uiloq Mathæussen, Naalakkersuisut Siulittaasuata Naalakkersuisoqarfiani tusagassiuisarnermut siunnersorti, tlf. +299 34 51 28 / +299 22 85 02, e-mail umat@nanoq.gl