Qinigaasinnaanermik annaasaqarneq
Nassiussisuuvoq: Naalakkersuisut Siulittaasuata NaalakkersuisoqarfiaQinigaasinnaanermut ataatsimiititaliaq ulloq 12. maj 2021-mi qinigaasinnaanermik suliamik aalajangiussaqarpoq. Suliaq kommuninut, nunaqarfinni aqutsisunut aamma ilagiit sinniisaannut 6. april qinersinerup kingorna kingulliugallarpoq.
Qinigaasinnaanermut Ataatsimiititaliap Aron Qupersimat Kuummiit Sermiligaami Nunaqarfinni aqutsisuni ilaasortaasinnaajunnaartoq aalajangerpaa.
14. maj 2018-imi Pinerluttulerinermi inatsimmi § 88-mik unioqqutitsineq (Nakuuserneq) eqqartuussummik ulluni 30-ni inissiisarfimmiittussanngortitaalluni eqqartuussissutigineqarnera aalajangiinermut tunngaviuvoq.
Qinigaasinnaanermut ataatsimiititaliap aalajangersimasumik periaaseraa, nakuuserneq pillugu suliani qinigaasinnaanermik annaasaqartitsinermik kinguneqartitsisarneq.
Annertunerusumik paasisaqarusukkussi uunga saaffiginnissinnaavusi: Marianne Petersen oqarasuaat 345137.