Januarimiit 2022 maskinmesteritut ilinniarsinnaaneq Kalaallit Nunaanni aallartissaaq

Kalaallit Nunaanni maskinmesteritut ilinniarsinnaaneq ilinniartunut januar 2022-mi neqeroorutaalissaaq. Ilinniarneq Maskinmesterskolen København Teknikimillu Ilinniarfiup (KTI) suleqatigiillutik pilersitaraat.

Kalaallit Nunaanni ilinniarfimmik allamik teknikimut tunngasunik ingerlatsinermut aserfallatsaaliinermullu akisussaaffilimmik soqanngilaq. Ilinniagaq ima ittuussaaq Kalaallit Nunaanni sulisunik amigaatigineqaqisunik sulisussaqartitsilissalluni.

Kalaallit Nunaanni maskinmesteritut ilinniarsinnaaneq putumik matusiinnartuussanngilaq, aammali qulakkeerissalluni kalaallit inuusuttut suliaq aqqutigalugu allanut taamatut sulialinnut attaveqaasissallugit, taamaasillunilu kalaallit inuiaqatigiit sulinermilu annertunerusumik ataqatigiisitsilissalluni. Ilinniartut piffissap 2/3-lii Kalaallit Nunaanni ingerlanneqalissammat ilimagineqarluinnassaaq kalaallit amerlanerusut ilinniakkaminnik nunaminni naammassiisalernissaat.

Issuagaq:
”Maskinmesterskolen København suleqatiginera assut nuannaarutigaarput maannakkullu ilinniarsinnaanermik iluatsittumik neqeroorsinnaanngornerput ilinniarfimmi ataatsimi. Nuannerluinnarpoq ilinnialernissamut piareersarfinnik neqeroorsinnaalluni, tunngaviusumik assassornermik ilinniakkat aqqusaarlugit, bachelor-inut, sivisunerumillu qaffasinnernik ilinniakkanut kiisalu ph.d.eernissamut periarfissanut KTI Sisimiuni.
Misissuinerit takutippaat amerlasuutigut ilinniarfinniit ilinniarfinnut allanut ikaarsaarnermi ilinniartut taamaatikkajuttartut. Inuusuttut ilinniarnissartik pillugu illoqarfimmut allamut nuuttariaqassagunik imaluunniit Kalaallit Nunaanniit Danmarkimut, taava tassani uninnissaq ilimanarnerujussuuvoq. Taamaattumik nuannerluinnarpoq inuusuttut Sisimiuni teknikkikkut ilinniarnissaminnut periarfissaqarnerulissammata. Kissaataasimavoq angisooq pilersaarullu annertooq Sisimiuni ilinniarfinnik pilersitsinissaq.
”Naatsorsuutigaara inuusuttut amerlanerit Kalaallit Nunaanni ingerlaqqiffiusunik ilinniartalissasut”, forstanderi Jokum Møller oqaluttuarpoq.

Suliffeqarfiit ilinniarfeqarfiillu Kalaallit Nunaanniittut ilinniarsimasunik pisariaqartitsisimapput, maskiinanik ingerlatsillutillu aserfallatsaaliuisinnaasunik imarsiornermi, nukissiuutitigut tunisassiornermilu. Tamanna pisariaqartitsineq Kalaallit Nunaanni sanaartornermi ataqatigiinermilu aaqqissuusseriatsit ineriartorneri malillugit alligaluttuinnassooq. Kalaallit ilinniartut nunani allani, ilaatigut Danmarkimi ingerlaqqiffiusunik ilinniartariaqartarsimapput, kisianni Kalaallit Nunaanni maskinmesteritut ilinniarfeqalerneq makkuninnga malitseqassaaq:

1) inuusuttut suliffimminni ingerlaqqikkusuttut, maannakkut periarfissaqalissapput ilinniaqqinnissaminnut
2) kalaallit inuusuttut amerlanerit nunatsinniiginnartalissapput.

Ilinniarfiit assingusut marluk aamma Sisimiuniipput: fiskeriteknologi (DTU) aamma issittumi ingeniørinngorniarneq (DTU). Issittumi ingeniørit sanaartornernik aqqusiornerlu pilersaarusion ingerlataqarpoq, aamma aalisarnermik teknologi aalisarnermik nalitusaanermik inuussutissanillu tunisassiornermik. Ilinniarnerit imminnut tapertariilluinnarput, tamarmik piujuaannarnissaq ineriartornerlu aallaavigigamikkik, sanaartornermi tunisassiornermilu, soorluttaaq maskimesterinngorniartut ingerlatsinermi aserfallatsaaliuinermilu.

Maskinmesterinngorniarnerup asserluinnaanik Kalaallit Nunaanni aallartitsinikkut, amerlanerit ilinniarsimalissapput pisinnaasaqalerlutik pilerinartunik, Kalaallit Nunaata Danmarkillu suleqatigiinnerannik tapersiisumik, issittumi ilisimatusarnerup ilinniarnerullu nukittorsaatigisassaanik.

Maskinmesterit Kalaalli Nunaanni Danmarkimilu assut pisariaqartinneqarput, imaapporlu taamatut ilinniarsimasut suliffissaaleqerpiarneq ajorput. 2020-imi Kalaallit Nunaanni maskinmesterit suliffeqanngitsut 0-iupput, Sulisitsisullu nalunaarutigisimavaat 55,6 %-imik ilinniarsimasut suliffeqarfinni Kalaallit Nunaanni amingaatigineqarsimasut.

attavissaq:

Maskinmesterskolen København www.msk.dk
Uddannelseschef Tommy Birkebæk
Tlf.: 2448 3022
Mail: tbi@msk.dk

KTI www.kti.gl/da/
Pisortatigoortumik ilinniarfiup aqqa Teknikimik Ilinniarfik-uvoq tuluttut taaguuteqarluni: Tech College Greenland. KTI naalisagaavoq, Kalaallit Nunaanni Teknikimik Ilinniarfik.
Forstanderi Jokum Møller
Tlf.: 299 527188
jomo@kti.gl