Qinigaasinnaanermik annaasaqarneq
Nassiussisuuvoq: Naalakkersuisut Siulittaasuata NaalakkersuisoqarfiaQinigaasinnaanermut ataatsimiititaliaq ulloq 23. april 2021-mi qinigaasinnaanermik suliamik aalajangiussaqarpoq.
Qinigaasinnaanermut Ataatsimiititaliap David Jensen Saqqami ilagiit sinniisaanni ilaasortaasinnaajunnaartoq aalajangerpaa.
17. marts 2017-imi Pinerluttulerinermi inatsimmi § 88-mik unioqqutitsineq – Nakuuserneq unioqqullugu eqqartuussummik pineqaatissiinngikkallartumik qaammatini 4-ni inissiisarfimmiittussanngortitaalluni ukioq ataatsimik misiligutaaffilerlugu eqqartuussutigineqarnera aalajangiinermut tunngaviuvoq.
Qinigaasinnaanermut ataatsimiititaliap aalajangersimasumik periaaseraa, nakuuserneq pillugu suliani qinigaasinnaanermik annaasaqartitsinermik kinguneqartitsisarneq.
Annertunerusumik paasisaqarusukkussi uunga saaffiginnissinnaavusi: Marianne Petersen oqarasuaat 345137.