AtuartigukInatsisartunut sinniisussat akornanni tulleriiaarnerit pillugit makitsineq
Nassiussisuuvoq: Naalakkersuisut Siulittaasuata Naalakkersuisoqarfia
Qinersinermut ataatsimiititaliaq sinniisussat Inatsisartunut ulloq 6. april 2021 qinersinermi inuttut amerlaqqatigiinnik taaneqarsimasut akornanni arfininngorneq ulloq 17. april 2021 makitsivoq. Amerlaqqatigiinnik inuttut taaneqarsimasut ataasiakkaatigut tulleriiaarnerat aalajangiiffiginiarlugu makitsisoqarpoq. Makitsinerit pingasut ingerlanneqarput:
Inuit Ataqatigiinni sinniisussat allassimaffianni nr. 6-ip aamma nr. 7-ip tamarmik 59-inik taaneqarsimasut akornanni makitsisoqarpoq. Makitsinerup inerneraa:
Sinniisussat 6-issaat: Harald Bianco
Sinniisussat 7-issaat: Agathe Fontain
Naleraq-mi siullermik sinniisussat allassimaffianni nr. 6-ip aamma nr. 7-ip tamarmik
23-nik taaneqarsimasut akornanni makitsisoqarpoq. Makitsinerup inerneraa:
Sinniisussat 6-issaat: Ovennguaq Berthelsen
Sinniisussat 7-issaat: Jens Meeraq Lyberth
Naleraq-mi tulliullugu sinniisussat allassimaffianni nr. 8-ip aamma nr. 9-ip tamarmik
20-nik taaneqarsimasut akornanni makitsisoqarpoq. Makitsinerup inerneraa:
Sinniisussat 8-issaat: Finn Karlsen
Sinniisussat 9-issaat: Ungaaq Lundblad
Makitsineq tamanut ammavoq. Partiit kalluarneqartut aallartitaat makitsinermi Qinersinermut ataatsimiititaliami siulittaasumit Hans-Peder Barlach Christensenimit aqqunneqartumi najupput.
Qinerneqartunut sinniisussanullu ataatsimoortumik takussutissiaq takuneqarsinnaavoq uani: https://qinersineq.gl/mandater-og-stedfortraedere
- - -
Paasissutissanik annertunerusunik piniarnermi attaveqarfigineqassaaq
Klaus Georg Hansen, kgh1@nanoq.gl, 54 73 46.