AtuartigukTunumi akiuussutissanik kapuinerit aallartilerput
Nassiussisuuvoq: Peqqissutsimut Naalakkersuisoqarfik
Sisamanngornermi apriilip ulluisa 22-anni akiuussutissanik kapuisut Ittoqqortoormiiniissapput, tassanilu innuttaasut 18-ileereersimasut tamarmik akiuussutissanik kapitinnissamut neqeroorfigineqassapput taakkulu akuersinissamut kajumissaarneqarput. Akiuussutissaq atorneqartussaq Moderna-meersuuvoq, covid-19-imik napparsimarujussualernissamut akiuussutissalluni.
Ittoqqortormiini akiuussutissanik kapuinissaq
Sisamanngorneq 22. apriili 2021
Innuttaasut 18-ileereersimasut, Kalaallit Nunaanni najugaqartutut nalunaarsorsimasut tamarmik Coronamut akiuussutissamik kapitissinnaapput.
Matuma kinguliani ukiutit nassaarigukkit piffissaq kapitiffissat takusinnaavat. Piffissami tassani pisinnaanngikkuit piffisami 15:00-17:00 takkussinnaavutit.
Ullormi taaneqartumi Coronamut akiuussutissamik kapitikkiartorlutit takkunnissat pingaaruteqarpoq, ukioq manna Ittoqqortoormiini siullermeerluni kapitinnissamut neqeroorutit arlaliunissaat naatsorsuutigineqarsinnaanngimmat.
Sumiiffik: Timersortarfik
|
Ukiut |
Piffissaq |
|
66-90-inik ukiullit |
09.00 |
|
60-65-inik ukiullit |
09.30 |
|
57-59-inik ukiullit |
10.00 |
|
52-56-inik ukiullit |
10.30 |
|
43-51-inik ukiullit |
11.00 |
|
40-42-nik ukiullit |
11.30 |
|
36-39-inik ukiullit |
12.00 |
|
33-35-nik ukiullit |
13.00 |
|
29-32-nik ukiullit |
13.30 |
|
25-28-nik ukiullit |
14.00 |
|
22-24-nik ukiullit |
14.30 |
|
18-21-nik ukiullit |
15.00 |
Neqeroorut salliutiguk
Nunami nunami isorartuumi aammalu najugaqarfinni avinngarusimasuni sapinngisamik amerlanerpaat kapitinnissaat annertuumik aaqqissuunneqartariaqarpoq, taamaattumillu akiuussutissanik kapuisut najuunnerini innuttaasut akiuussutissamik kapitinnissamut akuerseqqullugit kajumissaarneqarput. Maanna akiuussutissamik kapitinnissamut neqeroorummut itigartitsiniarluni aalajangertoqarpat, aammalu kingusinnerusukkut isuma allanngortinneqarpat, akiuussutissamik kapuinerup nalinginnaalernissaanut utaqqisoqartariaqarsinnaavoq.