FN-ip meeqqanut ullorititaani meeqqat toqqissisimasumik pitsaasumillu peroriartornissaminnut pisinnaatitaaffiat qitiutinneqarpoq
Nassiussisuuvoq: Meeqqanut, Inuusuttunut Inatsisinut Atuutsinneqarnerannut Naligiissitaanermullu Naalakkersuisoqarfik
Naalakkersuisut meeqqat ilaqutariillu pitsaanerusunik atugaqarnissaat pitsaanerusumillu tapersersorneqarnissaat sulissutigaat
Novembarip 20-anni FN-ip nunarsuaq tamakkerlugu meeqqanut ullorititaa malunnartipparput. Ullormi tassani nunarsuaq tamakkerlugu meeqqat pisinnaatitaaffii, atugaat siunissaallu sammisarpavut. Ulloq taanna aamma eqqaasitsissutaavoq pingaarutilik, tassami meeqqat tamarmik pitsaasumik toqqissisimasumillu peroriartornissaat tamatta akisussaaffigaarput.
Meeraq kinaluunniit pitsaasumik meeraanissamut pisinnaatitaavoq. Toqqissisimanartunik avatangiiseqarluni atugarissaarnissaminut namminerlu kissaatigisamisut ineriartornissaminut periarfissaqassaaq. Peroriartornissaminut avatangiisiminullu sunneeqataanissaminut pisinnaatitaavoq.
Uagut inersimasut tamanna akisussaaffigaarput. Meeqqat toqqissisimallutillu isumassorneqartutut misigisinnaaqqullugit sapinngisamik pitsaanerpaamik atugaqartinnissaat tamatta akisussaaffigaarput. Tamanna meeqqanut qanigisatsinnut, sulinitsinni naapittakkatsinnut aqqusinermilu saneqquttakkatsinnut atuuppoq.
Angajoqqaat meeqqaminnut immikkut akisussaaffeqarput. Akisussaaffimmik tamatuminnga tigusinissaat taassumalu naammassiniarnissaanut sapinngisartik tamaat iliuuseqarnissaat pingaaruteqarluinnarpoq.
Angajoqqaat ilaasa meeqqaminnik perorsaanerminni unamminiagassat immikkut artornartut nalaattarpaat. Tapersersorneqarlutillu ilitsersorneqassapput. Kisianni akulikippallaamik akisussaaffiannik arsaartarsimavagut. Ullumikkut meeqqat angerlarsimaffiup avataanut inissinneqartartut amerlavallaarput. Tamanna allanngortittariaqarparput. Aaqqissuussineq maanna atuuttoq meeqqanut ilaqutariinnullu pitsaanerpaajunngilaq, peqatigisaanillu isumalluutinik atuivallaartoqarpoq.
Taamaattumik Meeqqat tapersersorneqarnissaannut Inatsisartut inatsisaat maanna Naalakkersuisunit nutarterneqarpoq.
Suliaq ingerlatiutigalugu Inatsisartuni partiit tamaasa kommunillu oqaloqatigivagut, aaqqissuussinissamut pitsaanerusumut sapinngisamik pitsaanerpaamik tunngavissiiniarluta. Meeqqammi tamarmik toqqissillutik peroriartornissaminnut periarfissaqartitaasariaqarput, tamannalu pimoorulluinnarparput.
”FN-ip meeqqanut ullorititaata eqqaasippaatigut meeqqat pisinnaatitaaffii atugarissaarnerallu ukiumut ullormi ataasiinnarmi sammissallugit naammanngitsoq. Tamanna ullut tamaasa akisussaaffigaarput. Meeqqat toqqissisimanissaat, isumassorneqarnissaat ineriartornissaminnullu periarfissaqarnissaat qulakkeerniarlugit inersimasut tamarmik pingaarutilimmik suliassaqarput.” Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen FN-ip meeqqanut ullorititaa pillugu taama oqarpoq.
Meeqqammi isumannaatsuunissaat atugarissaarnissaallu pimooruttariaqarpagut, tamannalu uagut inersimasut tamatta akisussaaqataaffigaarput.
FN-ip meeqqanut ullorititaa atorluartigu, meeqqat oqaatsitsigut iliuutsitsigullu salliutillugit.
FN-ip nunarsuaq tamakkerlugu meeqqanut ullorititaani tamassi pilluaritsi.
Attavissaq
Sukumiinerusumik paasisaqarusukkuit Naalakkersuisumut Allatsi Misu Benjaminsen e-mailikkut mibe@nanoq.gl imaluunniit oqarasuaatikkut: +299 24 79 51 attavigiuk.
Novembarip 20-anni FN-ip nunarsuaq tamakkerlugu meeqqanut ullorititaa malunnartipparput. Ullormi tassani nunarsuaq tamakkerlugu meeqqat pisinnaatitaaffii, atugaat siunissaallu sammisarpavut. Ulloq taanna aamma eqqaasitsissutaavoq pingaarutilik, tassami meeqqat tamarmik pitsaasumik toqqissisimasumillu peroriartornissaat tamatta akisussaaffigaarput.
Meeraq kinaluunniit pitsaasumik meeraanissamut pisinnaatitaavoq. Toqqissisimanartunik avatangiiseqarluni atugarissaarnissaminut namminerlu kissaatigisamisut ineriartornissaminut periarfissaqassaaq. Peroriartornissaminut avatangiisiminullu sunneeqataanissaminut pisinnaatitaavoq.
Uagut inersimasut tamanna akisussaaffigaarput. Meeqqat toqqissisimallutillu isumassorneqartutut misigisinnaaqqullugit sapinngisamik pitsaanerpaamik atugaqartinnissaat tamatta akisussaaffigaarput. Tamanna meeqqanut qanigisatsinnut, sulinitsinni naapittakkatsinnut aqqusinermilu saneqquttakkatsinnut atuuppoq.
Angajoqqaat meeqqaminnut immikkut akisussaaffeqarput. Akisussaaffimmik tamatuminnga tigusinissaat taassumalu naammassiniarnissaanut sapinngisartik tamaat iliuuseqarnissaat pingaaruteqarluinnarpoq.
Angajoqqaat ilaasa meeqqaminnik perorsaanerminni unamminiagassat immikkut artornartut nalaattarpaat. Tapersersorneqarlutillu ilitsersorneqassapput. Kisianni akulikippallaamik akisussaaffiannik arsaartarsimavagut. Ullumikkut meeqqat angerlarsimaffiup avataanut inissinneqartartut amerlavallaarput. Tamanna allanngortittariaqarparput. Aaqqissuussineq maanna atuuttoq meeqqanut ilaqutariinnullu pitsaanerpaajunngilaq, peqatigisaanillu isumalluutinik atuivallaartoqarpoq.
Taamaattumik Meeqqat tapersersorneqarnissaannut Inatsisartut inatsisaat maanna Naalakkersuisunit nutarterneqarpoq.
Suliaq ingerlatiutigalugu Inatsisartuni partiit tamaasa kommunillu oqaloqatigivagut, aaqqissuussinissamut pitsaanerusumut sapinngisamik pitsaanerpaamik tunngavissiiniarluta. Meeqqammi tamarmik toqqissillutik peroriartornissaminnut periarfissaqartitaasariaqarput, tamannalu pimoorulluinnarparput.
”FN-ip meeqqanut ullorititaata eqqaasippaatigut meeqqat pisinnaatitaaffii atugarissaarnerallu ukiumut ullormi ataasiinnarmi sammissallugit naammanngitsoq. Tamanna ullut tamaasa akisussaaffigaarput. Meeqqat toqqissisimanissaat, isumassorneqarnissaat ineriartornissaminnullu periarfissaqarnissaat qulakkeerniarlugit inersimasut tamarmik pingaarutilimmik suliassaqarput.” Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq Mariane Paviasen Jensen FN-ip meeqqanut ullorititaa pillugu taama oqarpoq.
Meeqqammi isumannaatsuunissaat atugarissaarnissaallu pimooruttariaqarpagut, tamannalu uagut inersimasut tamatta akisussaaqataaffigaarput.
FN-ip meeqqanut ullorititaa atorluartigu, meeqqat oqaatsitsigut iliuutsitsigullu salliutillugit.
FN-ip nunarsuaq tamakkerlugu meeqqanut ullorititaani tamassi pilluaritsi.
Attavissaq
Sukumiinerusumik paasisaqarusukkuit Naalakkersuisumut Allatsi Misu Benjaminsen e-mailikkut mibe@nanoq.gl imaluunniit oqarasuaatikkut: +299 24 79 51 attavigiuk.